ខេត្តស្ទឹងត្រែង៖ ជនជាប់ឃុំសរុបចំនួន ៤៣នាក់ (ស្រ្តី ៨នាក់) ទទួលបានការពិនិត្យ និងព្យាបាលជំងឺ ពីសំណាក់ក្រុមគ្រូពេទ្យស្ម័គ្រចិត្តនៃអង្គការយុវជនបំពេញបេសកកម្ម ក្រោមកិច្ចសហការយ៉ាងយកចិត្តទុកដាក់ជាមួយថ្នាក់ដឹកនាំ និងមន្ត្រីជំនាញនៃពន្ធនាគារខេត្តស្ទឹងត្រែង កាលពីថ្ងៃទី២៣ ខែតុលា ឆ្នាំ២០២៦ កន្លងទៅនេះ។

ក្រោមអធិបតីភាព លោក អ៊ុង សូវៀត ប្រធានមន្ទីរសុខាភិបាលនៃរដ្ឋបាលខេត្តស្ទឹងត្រែង មន្ទីរសុខាភិបាលខេត្តបានរៀបចំកិច្ចប្រជុំបូកសរុប និងវាយតម្លៃលទ្ធផលការងារសុខាភិបាលប្រចាំ ៩ខែ ឆ្នាំ២០២៦ និងដាក់ចេញទិសដៅបន្ត សំដៅបន្តពង្រឹងគុណភាពនៃការផ្តល់សេវាថែទាំសុខភាព និងព្យាបាលជូនប្រជាពលរដ្ឋក្នុងមូលដ្ឋានឱ្យកាន់តែមានប្រសិទ្ធភាពខ្ពស់។

ខេត្តស្ទឹងត្រែង ថ្ងៃទី២៦ ខែកញ្ញា ឆ្នាំ២០២៦ — Yeo’s បានចូលរួមគាំទ្របេសកកម្មពិនិត្យ និងព្យាបាលជំងឺដោយឥតគិតថ្លៃរបស់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) តាមរយៈការឧបត្ថម្ភ ទឹកសណ្តែកសៀង Yeo’s ជាតិស្ករតិច សម្រាប់ចែកជូនសិស្សានុសិស្ស អ្នកជំងឺ និងក្រុមការងារស្ម័គ្រចិត្តនៅខេត្តស្ទឹងត្រែង។

ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញជាអធិបតីភាពក្នុង «ពិធីបើកយុទ្ធនាការឆ្លើយតបបន្ទាន់ ទប់ស្កាត់ការរីករាលដាលនៃជំងឺគ្រុនឈាម» កាលពីព្រឹកថ្ងៃទី៣០ ខែសីហា ឆ្នាំ២០២៦ នៅក្នុងភូមិស្រែស្រណុក ឃុំក្បាលរមាស ស្រុកសេសាន ខេត្តស្ទឹងត្រែង ដោយមានការចូលរួមយ៉ាងកុះករពីប្រធាន អនុប្រធានមន្ទីរ-អង្គភាពជុំវិញខេត្ត អាជ្ញាធរក្រុង-ស្រុកទាំង៦ និងប្រជាពលរដ្ឋក្នុងមូលដ្ឋាន ដើម្បីឆ្លើយតបភ្លាមៗចំពោះកំណើនឡើងយ៉ាងកំហុកនៃជំងឺគ្រុនឈាមក្នុងរយៈពេលចុងក្រោយនេះ។

ខេត្តស្ទឹងត្រែង៖ នៅថ្ងៃទី២៥ ខែសីហា ឆ្នាំ២០២៦ នេះ លោក សុវណ្ណ ពិសេដ្ឋ អភិបាលស្រុកសេសាន បានដឹកនាំអាជ្ញាធរ ភូមិ ឃុំ ធ្វើយុទ្ធនាការផ្សព្វផ្សាយទប់ស្កាត់ជំងឺគ្រុនឈាម និងអំពាវនាវឲ្យប្រជាពលរដ្ឋបង្កើនការប្រុងប្រយ័ត្ន ជូនបងប្អូនប្រជាពលរដ្ឋ ដោយមានការចូលរួមពីប្រធានមណ្ឌលសុភាព មេឃុំ មេភូមិ កងកម្លាំងទាំងបីប្រភេទ យុវជន ស.ស.យ.ក ស្រុក លោកគ្រូ អ្នកគ្រូ សិក្សានុសិស្ស និងប្រជាពលរដ្ឋយ៉ាងច្រើនកុះករ។

អនុវត្តតាមការចង្អុលបង្ហាញ និងការដឹកនាំរបស់ ឯកឧត្តមវេជ្ជបណ្ឌិត អ៊ុង សូវៀត ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាលនៃរដ្ឋបាលខេត្តស្ទឹងត្រែង ក្រុមការងារស្នូលប្រយុទ្ធនឹងជំងឺគ្រុនឈាមថ្នាក់ខេត្ត ដោយសហការជាមួយតំណាងអង្គការ Catholic Relief Services (CRS) ប្រចាំខេត្តស្ទឹងត្រែង មន្ត្រីសុខាភិបាលនៃមណ្ឌលសុខភាពស្ទឹងត្រែង មណ្ឌលសុខភាពសាមគ្គី និងអាជ្ញាធរដែនដីគ្រប់លំដាប់ថ្នាក់ បានចុះអនុវត្តយុទ្ធនាការអន្តរាគមន៍ផ្ទាល់ ដើម្បីបង្ការ និងទប់ស្កាត់ការឆ្លងរាលដាលនៃជំងឺគ្រុនឈាមជូនប្រជាពលរដ្ឋនៅតាមសហគមន៍។