កំពង់ស្ពឺ÷ នាថ្ងៃអាទិត្យ ១៤កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែតុលា ឆ្នាំ២០២៦ ឯកឧត្តម ប៊ុន សុជាតិ តំណាងឯកឧត្តមសាស្ត្រាចារ្យ ស៊ុំ សត្ថា ប្រធានក្រុមការងារគណបក្សចុះមូលដ្ឋានឃុំព្រៃវិហារ បានអញ្ជើញជួបសំណេះសំណាលជាមួយប្រជាពលរដ្ឋ និងផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅភូមិតាភោគ ឃុំព្រៃវិហារ ស្រុកគងពិសី ដោយមានការចូលរួមពីក្រុមការងារចុះមូលដ្ឋានឃុំ ប្រធានគណបក្សឃុំ ថ្នាក់ដឹកនាំឃុំ-ភូមិ សរុប ២៧នាក់ (ស្រី ៩នាក់)។ ជាមួយគ្នានោះដែរ ឯកឧត្តមសាស្ត្រាចារ្យ ស៊ុំ សត្ថា បានឧបត្ថម្ភថវិកាចំនួន ៤,០០០,OOOOរៀល សម្រាប់ការសាងសង់ស្ពានបណ្តោះអាសន្នឆ្លងប្រឡាយមេរលាំងជ្រៃខាងត្បូង ត្រង់ចំណុចវត្តអង្គមន្ត្រីម៉ី ភូមិតាភោគ ឃុំព្រៃវិហារ ដើម្បីសម្រួលដល់ការធ្វើដំណើររបស់ប្រជាពលរដ្ឋ។

ខេត្តកំពង់ស្ពឺ៖ នៅរសៀលថ្ងៃសុក្រ ទី២៣ ខែតុលា ឆ្នាំ២០២៦ រដ្ឋបាលស្រុកឱរ៉ាល់ សហការជាមួយមន្ទីរផែនការខេត្តកំពង់ស្ពឺ និងទីចាត់ការផែនការ និងវិនិយោគខេត្ត បានរៀបចំ «សិក្ខាសាលាសមាហរណកម្មនៃកម្មវិធីវិនិយោគរបស់ឃុំនៅថ្នាក់ស្រុក សម្រាប់ឆ្នាំ២០២៧» ក្រោមអធិបតីភាព លោក សុខ សុទ្ធី អភិបាលរងនៃគណៈអភិបាលខេត្តកំពង់ស្ពឺ នៅសាលប្រជុំសាលាស្រុកឱរ៉ាល់ ដោយមានការអញ្ជើញចូលរួមពីលោក លោកស្រី តំណាងមន្ទីរ-អង្គភាពជុំវិញខេត្ត និងការិយាល័យជំនាញជុំវិញស្រុកយ៉ាងច្រើនកុះករ។

(កំពង់ស្ពឺ)៖ នាព្រឹកថ្ងៃទី២០ ខែតុលា ឆ្នាំ២០២៦ ឯកឧត្តម ស្រ៊ុន ស្រ៊ន់ អភិបាលរង នៃគណៈអភិបាលខេត្តកំពង់ស្ពឺ បានអញ្ជើញជាអធិបតីដឹកនាំកិច្ចប្រជុំពិនិត្យ និងពិភាក្សាលើការកៀរគរធនធានរ៉ែ សម្រាប់យកមកប្រើប្រាស់ក្នុងសកម្មភាពជួសជុល និងថែទាំខ្សែផ្លូវលេខ ១៣០ (១២៧) ស្ថិតក្នុងភូមិសាស្ត្រស្រុកគងពិសី និងផ្លូវលេខ ១៤៥ ស្ថិតក្នុងភូមិសាស្ត្រស្រុកបសេដ្ឋ ខេត្តកំពង់ស្ពឺ។

កំពង់ស្ពឺ៖ នាព្រឹកថ្ងៃទី៨ ខែតុលា ឆ្នាំ២០២៦---ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលាឃុំរស្មីសាមគ្គី ស្រុកឱរ៉ាល់​ ខេត្តកំពង់ស្ពឺ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិសង្កាត់ ឆ្នាំ២០២៦ ប្រព្រឹត្តទៅនៅសាលាឃុំរស្មីសាមគ្គី ក្រោមអធិបតីភាព លោក យឿង​ ភឿន​ មេឃុំរស្មីសាមគ្គី និងជាប្រធានគណៈកម្មការលទ្ធកម្ម  និងវត្តមានអ្នកសង្កេតការថ្នាក់ខេត្ត/ស្រុក និងមន្ទីរពាក់ព័ន្ធ តំណាងក្រុមហ៊ុន និងអ្នកសារពត៌មានជាច្រើនរូបទៀត។

កំពង់ស្ពឺ៖ នាព្រឹកថ្ងៃទី៧ ខែតុលា ឆ្នាំ២០២៦---ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលាឃុំក្រាំងចេក និងឃុំពាំងល្វា ស្រុកសាមគ្គីមុនីជ័យ ខេត្តកំពង់ស្ពឺ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិសង្កាត់ ឆ្នាំ២០២៦ ប្រព្រឹត្តទៅនៅសាលាឃុំក្រាំងចេក ក្រោមអធិបតីភាព លោក ចឹក ឈឿន មេឃុំក្រាំងចេក និង លោក ចាន់ សែម មេឃុំពាំងល្វា ជាប្រធានគណៈកម្មការលទ្ធកម្ម  និងវត្តមានអ្នកសង្កេតការថ្នាក់ខេត្ត/ស្រុក និងមន្ទីរពាក់ព័ន្ធ តំណាងក្រុមហ៊ុន និងអ្នកសារពត៌មានជាច្រើនរូបទៀត។

កំពង់ស្ពឺ៖ នាព្រឹកថ្ងៃទី៦ ខែតុលា ឆ្នាំ២០២៦---ទីចាត់ការផែនការ និងវិនិយោគខេត្ត សហការជាមួយរដ្ឋបាលសាលាសង្កាត់ព្រះស្រែ ក្រុងឧដុង្គម៉ែជ័យ ខេត្តកំពង់ស្ពឺ បានរៀបចំកិច្ចប្រជុំបើកសំណើដេញថ្លៃគម្រោងមូលនិធិសង្កាត់ ឆ្នាំ២០២៦ ប្រព្រឹត្តទៅនៅសាលាសង្កាត់ព្រះស្រែ ក្រោមអធិបតីភាព លោក ទឹម សារូ ចៅសង្កាត់ព្រះស្រែ និងជាប្រធានគណៈកម្មការលទ្ធកម្ម  និងវត្តមានអ្នកសង្កេតការថ្នាក់ខេត្ត/ស្រុក និងមន្ទីរពាក់ព័ន្ធ តំណាងក្រុមហ៊ុន និងអ្នកសារពត៌មានជាច្រើនរូបទៀត។