នាព្រឹកថ្ងៃទី២៥ ខែតុលា ឆ្នាំ២០២៦ លោក ឃ្លោក នួយ អភិបាលរងខេត្តបន្ទាយមានជ័យ តំណាងឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញចូលរួមក្នុងពិធីប្រលែងកូនត្រីចំនួន ២០០,០០០ក្បាល ក្រោមប្រធានបទ «ធនធានជលផលដើម្បីអនាគតខ្មែរ» នៅតំបន់អភិរក្សវត្តស្វាយចាស់ ដែលរៀបចំឡើងដោយក្រុមហ៊ុន GANZBERG ក្នុងគោលបំណងរួមចំណែកអភិរក្ស និងបង្កើនធនធានជលផលធម្មជាតិ។

អធិការដ្ឋាននគរបាលក្រុងសិរីសោភ័ណ ខេត្តបន្ទាយមានជ័យ បានជូនដំណឹងដល់ប្រជាពលរដ្ឋដែលរស់នៅក្នុងភូមិសាស្ត្រក្រុងសិរីសោភ័ណ មានអាយុចាប់ពី១៥ឆ្នាំឡើងទៅ និងប្រជាពលរដ្ឋដែលមានអត្តសញ្ញាណបណ្ណសញ្ជាតិខ្មែរជិតផុត ឬផុតសុពលភាព សូមអញ្ជើញទៅបំពេញបែបបទ និងថតអត្តសញ្ញាណបណ្ណសញ្ជាតិខ្មែរ ដើម្បីធានាថាមានឯកសារសម្គាល់អត្តសញ្ញាណត្រឹមត្រូវ និងមានសុពលភាពសម្រាប់ប្រើប្រាស់តាមតម្រូវការ។

នៅថ្ងៃទី២៣ ខែតុលា ឆ្នាំ២០២៦ លោក ឃ្លោក នួយ អភិបាលរងខេត្តបន្ទាយមានជ័យ តំណាងឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ បានដឹកនាំក្រុមការងារចុះត្រួតពិនិត្យសកម្មភាពចាក់ដីបំពេញ និងជួសជុលផ្លូវដែលរងការខូចខាតដោយសារជំនន់ទឹកភ្លៀងនាពេលកន្លងមក នៅក្នុងភូមិសាស្ត្រឃុំណាំតៅ និងឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ដើម្បីសម្រួលដល់ការធ្វើដំណើររបស់ប្រជាពលរដ្ឋនៅតាមមូលដ្ឋាន។

និស្សិតចំនួន១២០នាក់ នៃសាកលវិទ្យាល័យគ្រប់គ្រង និងសេដ្ឋកិច្ច សាខាខេត្តបន្ទាយមានជ័យ បានទទួលការអប់រំផ្សព្វផ្សាយអំពីប្រវត្តិចលនាកាកបាទក្រហម និងអឌ្ឍចន្ទក្រហម គោលការណ៍គ្រឹះទាំង៧ ច្បាប់មនុស្សធម៌អន្តរជាតិ ព្រមទាំងចំណេះដឹងជាមូលដ្ឋានស្តីពីវិជ្ជាសង្គ្រោះបឋម ដើម្បីចូលរួមលើកកម្ពស់ការយល់ដឹងអំពីសកម្មភាពមនុស្សធម៌ និងត្រៀមលក្ខណៈជួយសង្គ្រោះអ្នកដទៃក្នុងករណីមានគ្រោះអាសន្ន។

(បន្ទាយមានជ័យ) ដើម្បីលើកកម្ពស់ចំណេះដឹង និងការយល់ដឹងត្រឹមត្រូវរអំពីគ្រោះថ្នាក់នៃគ្រឿងញៀន និងច្បាប់ចរាចរណ៍ផ្លូវគោក លោក យឹម សំណាង អភិបាលរងខេត្ត និងជាសមាជិកអចិន្ត្រៃយ៍គណៈកម្មាធិការសហភាពសហព័ន្ធយុវជនកម្ពុជា ខេត្តបន្ទាយមានជ័យ តំណាងលោក កែ សួន សុភាព ប្រធាន ស.ស.យ.ក. ខេត្ត សហការជាមួយអាជ្ញាធរមូលដ្ឋានខេត្ត ស្រុក ឃុំ និងកងកម្លាំងទាំងបី បានរៀបចំពិធីផ្សព្វផ្សាយ ស្ដីពីការទប់ស្កាត់ការប្រើប្រាស់គ្រឿងញៀន និងច្បាប់ចរាចរណ៍ផ្លូវគោកជូនដល់សមាជិក សមាជិកា សហភាពសហព័ន្ធយុវជនកម្ពុជា ស.ស.យ.ក. និងសិស្សានុសិស្ស ក្នុងស្រុកភ្នំស្រុក សរុបប្រមាណជាង ១៥០នាក់

លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត ព្រឹកថ្ងៃសុក្រ ទី២៣ ខែតុលា ឆ្នាំ២០២៦បានអញ្ជើញជាអធិបតីក្នុងពិធីបើកយុទ្ធនាការប្រមូលកុមារចុះឈ្មោះចូលរៀន សម្រាប់ឆ្នាំសិក្សា២០២៦-២០២៧ ក្រោមប្រធានបទ «កុមារជាអ្នកបន្តវេនមិនអាចខ្វះបាន» ដែលប្រារព្ធឡើងនៅបរិវេណសាលាបឋមសិក្សាអភិវឌ្ឍន៍ ស្ថិតក្នុងក្រុងប៉ោយប៉ែត ខេត្តបន្ទាយមានជ័យ។