កម្មវិធី ព័ត៌មានពេលព្រឹក វគ្គ១ ម៉ោង៦:៣០នាទី (ថ្ងៃសុក្រ ៤កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៦)
ក្រោមការអនុញ្ញាតដ៏ខ្ពង់ខ្ពស់ពី លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ នៅថ្ងៃទី១២ ខែវិច្ឆិកា ឆ្នាំ២០២៦ នេះ លោកវីរសេនីយ៍ឯក សុង កុសល មេបញ្ជាការរងកងរាជអាវុធហត្ថខេត្តព្រះសីហនុ បានដឹកនាំកម្លាំងជំនាញមន្ទីរស្រាវជ្រាវព័ត៌មានសន្តិសុខ និងមេបញ្ជាការរងទទួលបន្ទុកតាមបណ្តាមូលដ្ឋានក្រុង-ស្រុក ចូលរួមក្នុងកិច្ចប្រជុំផ្សព្វផ្សាយការងារពង្រឹងការពារសន្តិសុខ ក្នុងកិច្ចប្រជុំកំពូលហ្វង់កូហ្វូនី (Francophonie)។
កម្លាំងប៉ុស្តិ៍នគរបាលរដ្ឋបាលទូទាំងខេត្ត បានបន្តប្រជាសកម្មភាពយ៉ាងផុសផុលក្នុងការបំពេញភារកិច្ចថែរក្សាសន្តិសុខ សុវត្ថិភាព និងបម្រើសេវាសាធារណៈជូនប្រជាពលរដ្ឋនៅក្នុងមូលដ្ឋាន។
សកម្មភាពបណ្តាអង្គភាពអ្នកសារព័ត៌មានជាតិ និងអន្តរជាតិ បានអញ្ជើញមកយកបណ្ណ និងឃីត ដែលក្រសួងព័ត៌មានបានរៀបចំសម្រាប់ចែកជូន សម្រាប់កិច្ចប្រជុំកំពូលហ្រ្វង់កូហ្វូនី លើកទី២០ និងព្រឹត្តការណ៍អមនានា
ទិដ្ឋភាពនៃការរៀបចំតាំងបង្ហាញ ប្រាសាទព្រះវិហារ ប្រាសាទតាមាន់ និងប្រាសាទតាក្របី ក្នុងភូមិហ្រ្វង់កូហ្វូនី ដែលស្ថិតនៅបរិវេណសួនច្បារមុខវត្តបទុមវតី ចាប់ពីថ្ងៃទី១៣ ដល់ថ្ងៃទី១៧ ខែវិច្ឆិកា ឆ្នាំ២០២៦។
