News from the Provinces

នាព្រឹកថ្ងៃទី៣ ខែកក្កដា ឆ្នាំ២០២៦នេះ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានគូសបញ្ជាក់ពីសារៈសំខាន់នៃការលើកកម្ពស់ចំណេះដឹង និងការប្រើប្រាស់បច្ចេកវិទ្យាឌីជីថលប្រកបដោយសុវត្ថិភាព ដើម្បីចូលរួមទប់ស្កាត់ និងប្រយុទ្ធប្រឆាំងការរីករាលដាលនៃព័ត៌មានមិនពិត (Fake News) ដែលកំពុងជះឥទ្ធិពលអវិជ្ជមានដល់សង្គម។ ក្នុងពិធីផ្សព្វផ្សាយយុទ្ធនាការ «និយាយថាទេចំពោះព័ត៌មានក្លែងក្លាយ» ជំហាន២នៅវិទ្យាល័យព្រះសីហនុ ក្រុងកំពង់ចាមដែលមានសិស្សានុសិស្សប្រមាណជាង១,០០០នាក់ ។

នៅថ្ងៃទី០២-០៣ ខែកក្កដា ឆ្នាំ២០២៦ លោក ដួង អ៊ីម ប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តប៉ៃលិន បានដឹកនាំមន្ត្រីជំនាញនៃការិយាល័យស្តង់ដារ និងមាត្រាសាស្ត្រ ចុះត្រួតពិនិត្យ និងផ្ទៀងផ្ទាត់ឧបករណ៍វាស់វែង (កុងទ័រ) នៅតាមស្ថានីយ និងដេប៉ូចែកចាយប្រេងឥន្ធនៈនានា ក្នុងគោលបំណងធានាបាននូវតម្លាភាព ភាពត្រឹមត្រូវ និងការពារផលប្រយោជន៍ ជូនបងប្អូនប្រជាពលរដ្ឋ ជាអ្នកប្រើប្រាស់ ក៏ដូចជាអាជីវករក្នុងខេត្ត ។

ព្រឹកថ្ងៃទី៣ ខែកក្កដា ឆ្នាំ២០២៦ រដ្ឋបាលក្រុងប៉ៃលិន បានរៀបចំកិច្ចប្រជុំគណៈបញ្ជាការឯកភាពក្រុងប៉ៃលិន ក្រោមអធិបតីភាពលោក លី សុងហ៊ី អភិបាល នៃគណៈអភិបាលក្រុងប៉ៃលិន និងជាប្រធានគណៈបញ្ជាការឯកភាពក្រុង ដែលកិច្ចប្រជុំនេះត្រូវបានធ្វើឡើង ក្នុងគោលបំណងតាមដាន ត្រួតពិនិត្យការងារសន្តិសុខ សណ្តាប់ធ្នាប់សាធារណៈ និងសេវារដ្ឋបាល ជូនប្រជាពលរដ្ឋក្នុងមូលដ្ឋាន។

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីសក្ការៈដ៏ខ្ពង់ខ្ពស់បំផុត ព្រះអង្គទាំងទ្វេយាងនិវត្តន៍មកដល់អាកាសយានដ្ឋានអន្តរជាតិតេជោ នៃខេត្តកណ្តាល នារសៀលថ្ងៃទី៣ ខែកក្កដា ឆ្នាំ២០២៦ ប្រកបដោយព្រះរាជសុវត្ថិភាព បន្ទាប់ពីស្តេចយាងទៅពិនិត្យ និងព្យាបាលព្រះរាជសុខភាព នៅរដ្ឋធានីប៉េកាំង សាធារណរដ្ឋប្រជាមានិតចិន កាលពីពេលកន្លងទៅ។

ព្រឹកថ្ងៃទី០៣ ខែកក្កដា ឆ្នាំ២០២៦ លោក រស់ នឿន អភិបាលរងខេត្ត តំណាងលោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានមានប្រសាសន៍ដូចនេះ ក្នុងកិច្ចប្រជុំប្រចាំត្រីមាសទី ២ ឆ្នាំ២០២៦ របស់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ ដោយមានការចូលរួមពីលោក ហត ឫទ្ធី ប្រធានមន្ទីរអភិវឌ្ឍន៍ជនបទខេត្ត, ប្រធាន-អនុប្រធានមន្ទីរពាក់ព័ន្ធ អភិបាលរងក្រុង-ស្រុក តំណាងអង្គការដៃគូអភិវឌ្ឍន៍ ព្រមទាំងមន្ត្រីបច្ចេកទេសជាច្រើនរូប ក្នុងគោលបំណងពិនិត្យ វាយតម្លៃ និងជំរុញវឌ្ឍនភាពការងារលើវិស័យទឹកស្អាត និងអនាម័យជនបទក្នុងខេត្តប៉ៃលិន ឲ្យមានប្រសិទ្ធិភាព នៅសាលប្រជុំមន្ទីរអភិវឌ្ឍន៍ជនបទខេត្តប៉ៃលិន។

ប៉ៃលិន៖ ក្នុងកិច្ចប្រជុំក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ ប្រចាំត្រីមាសទីពីរ ឆ្នាំ២០២៦ នាថ្ងៃទី៣ ខែកក្កដា ឆ្នាំ២០២៦ នៅមន្ទីរអភិវឌ្ឍន៍ខេត្តប៉ៃលិន ក្រោមអធិបតីភាព លោក រស់ នឿន អភិបាលរងខេត្តប៉ៃលិន, លោក គឺន សុគា អនុប្រធានមន្ទីរអភិវឌ្ឍន៍ជនបទខេត្ត បានធ្វើរបាយការណ៍អោយដឹងថាៈ ប្រជាពលរដ្ឋខេត្តប៉ៃលិន មានអត្រាប្រើប្រាស់បង្គន់អនាម័យចំនួន ១៨,៣៣១ បង្គន់ ស្មើនឹង ៩៦,៧៦% និងមានបង្គន់អនាម័យរួមចំនួន១៦៤ បង្គន់ បន្ថែមទៀត។

តើកុមារអាចប្រឈមកើតជំងឺបេះដូងដែរទេ? មិនខុសនោះទេកុមារក៏អាចប្រឈមកើតជំងឺបេះដូងផងដែរ។ ដូច្នេះយើងមិនអាចនិយាយបានថា ជំងឺបេះដូងអាចកើតឡើងតែមនុស្សចាស់ ឬវ័យជំទង់បាននោះទេ។ ខាងក្រោមគឺជាជំងឺបេះដូងដែលអាចកើតមានចំពោះកុមារ និង ទារកផងដែរ។

ព្រឹកថ្ងៃទី ២ ខែកក្កដា ឆ្នាំ២០២៦ នេះ លោក ង៉ា លីហុង ប្រធានមន្ទីរធនធានទឹក និងឧតុនិយមខេត្តប៉ៃលិន បានដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅអនុវត្តបន្តសម្រាប់ឆមាសទី២ ឆ្នាំ២០២៦ នៅសាលប្រជុំធំ របស់មន្ទីរ ក្នុងគោលបំណងពិនិត្យវឌ្ឍនភាពការងារ ដែលបានអនុវត្តកន្លងមក តាមការិយាល័យនីមួយៗ ដោយមានការចូលរួមពីថ្នាក់ដឹកនាំ និងមន្ត្រីរាជការ នៅតាមការិយាល័យនីមួយៗ ក្រោមឱវាទជាច្រើនរូប។

ព្រឹកថ្ងៃទី២ ខែកក្កដា ឆ្នាំ២០២៦ លោក តង់ ធារ៉ា ប្រធានមន្ទីរអប់រំ យុវជន និងកីឡា ខេត្តប៉ៃលិន បានចូលរួមជាអធិបតី ពិធីពិព័រណ៍ស្នាដៃសិស្ស STEM និងមគ្គុទេសក៏អាជីព ក្នុងគោលបំណងលើកកម្ពស់ការយល់ដឹង និងជំរុញការចាប់អារម្មណ៍របស់សិស្សានុសិស្សលើមុខវិជ្ជា STEM (វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា) ព្រមទាំងផ្តល់ការតម្រង់ទិសដៅការងារយ៉ាងច្បាស់លាស់សម្រាប់អនាគត។

ព្រឹកថ្ងៃទី២ ខែកក្កដា ឆ្នាំ២០២៦នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអនុញ្ញាតឱ្យលោក យឺគ ម៉ុងតានី (Mr. Jürg Montani) ប្រធានប្រតិភូគណៈកម្មាធិការអន្តរជាតិនៃកាកបាទក្រហម (អាយ.ស៊ី.អរ.ស៊ី.) ប្រចាំភូមិភាគ និងលោកស្រី ដូហ្សា ណាហ្សេមី សាល់មែន (Ms. Dorsa Nazemi Salman) ប្រធានបេសកកម្ម អាយ.ស៊ី.អរ.ស៊ី. ប្រចាំកម្ពុជា និងសហការី ចូលជួបសម្តែងការគួរសម និងពិភាក្សាការងារ នៅទីស្នាក់ការកណ្តាលកាកបាទក្រហមកម្ពុជា។

អ្នកដឹងទេថា ការញ៉ាំអាហារកែច្នៃច្រើនជាង២០%នៃបរិមាណកាល់ឡូរីប្រចាំថ្ងៃ អាចធ្វើឲ្យសមត្ថភាពខួរក្បាលរបស់យើងធ្លាក់ចុះ? ពិតណាស់ អាហារកែច្នៃដូចជាស៊ុបបង្កក់ សាច់ក្រក ប៊ឺហ្គឺ ដំឡូងបំពង នំឃេក និងស្ករគ្រាប់ជាដើម។ ថ្វីត្បិតតែមានភាពងាយស្រួល និងរសជាតិឆ្ងាញ់ក៏ពិតមែន ប៉ុន្តែអាហារទាំងនេះមិនល្អចំពោះសុខភាពឡើយ។

រដ្ឋបាលខេត្តប៉ៃលិន នាព្រឹកថ្ងៃទី២ ខែកក្កដា ឆ្នាំ២០២៦ បានកិច្ចប្រជុំ ស្តីពីការវាយតម្លៃផលិតផល និងការស្នើសុំទទួលស្គាល់ ជាសមាជិកនៃចលនា ភូមិមួយ ផលិតផលមួយ តាមប្រព័ន្ធអនឡាញ (ZOOM) ក្រោមអធិបតីភាពឯកឧត្តម សួន រ៉ាស៊ី អគ្គលេខាធិការរង នៃគណៈកម្មាធិការជាតិជំរុញចលនាភូមិមូយ ផលិតផលមួយ ដោយមានការអញ្ជើញចូលរួមពីលោក ស៊ុន យី នាយករងរដ្ឋបាលខេត្តប៉ៃលិន ព្រមទាំងសមាជិក សមាជិកា នៃគណៈកម្មាការវាយតម្លៃថ្នាក់ជាតិ តំណាងមន្ទីរ-អង្គភាពពាក់ព័ន្ធ មន្ត្រីបច្ចេកទេស និងម្ចាស់ផលិតកម្ម/សហគ្រាសក្នុងស្រុក ដែលបានដាក់ពាក្យស្នើសុំ។