ពិធីបុណ្យដង្ហែ និងប្រគេនគម្ពីរព្រះត្រៃបិដក ព្រមទាំងជើងអាធារ (តុ) ចំនួន ១.០០០ ឈុត ប្រព្រឹត្តទៅយ៉ាងអធិកអធម នៅខេត្តព្រះសីហនុ
ដោយទឹកចិត្តសទ្ធាជ្រះថ្លាយ៉ាងជ្រាលជ្រៅចំពោះព្រះពុទ្ធសាសនា ក្រោមការផ្តួចផ្តើមរួមគ្នាពីសំណាក់ ឯកឧត្តម លោកអ្នកឧកញ៉ា ឧកញ៉ា លោកជំទាវ លោក លោកស្រី ព្រមទាំងពុទ្ធបរិស័ទ ញាតិព្រះធម៌ និងសប្បុរសជនយ៉ាងច្រើនកុះករ បានរួមសាមគ្គីគ្នារៀបចំ «ពិធីបុណ្យដង្ហែ និងប្រគេនគម្ពីរព្រះត្រៃបិដក ព្រមទាំងជើងអាធារ (តុ) ចំនួន ១.០០០ ឈុត» យ៉ាងឱឡារិក ដើម្បីវេប្រគេនដល់ព្រះសង្ឃ សម្រាប់តម្កល់ទុកប្រើប្រាស់ក្នុងកម្មវិធីបុណ្យព្រះត្រៃបិដកប្រចាំខេត្តព្រះសីហនុ។
