សកម្មភាពបណ្តាអង្គភាពអ្នកសារព័ត៌មានជាតិ និងអន្តរជាតិ បានអញ្ជើញមកយកបណ្ណ និងឃីត ដែលក្រសួងព័ត៌មានបានរៀបចំសម្រាប់ចែកជូន សម្រាប់កិច្ចប្រជុំកំពូលហ្រ្វង់កូហ្វូនី លើកទី២០ និងព្រឹត្តការណ៍អមនានា

ទិដ្ឋភាពនៃការរៀបចំតាំងបង្ហាញ ប្រាសាទព្រះវិហារ ប្រាសាទតាមាន់ និងប្រាសាទតាក្របី ក្នុងភូមិហ្រ្វង់កូហ្វូនី ដែលស្ថិតនៅបរិវេណសួនច្បារមុខវត្តបទុមវតី ចាប់ពីថ្ងៃទី១៣ ដល់ថ្ងៃទី១៧ ខែវិច្ឆិកា ឆ្នាំ២០២៦។

ពិធីបុណ្យកាន់បិណ្ឌ និងភ្ជុំបិណ្ឌដែលជាប្រពៃណីយ៍ខ្មែរក្នុងព្រះពុទ្ធ នៅវត្តឥន្ទញាណ (ហៅវត្តក្រោម) បានប្រព្រឹត្តទៅយ៉ាងអធិកអធម និងពោពេញដោយសទ្ធាជ្រះថ្លា ដោយមានបងប្អូនប្រជាពុទ្ធបរិស័ទជិតឆ្ងាយ រួមទាំងភ្ញៀវទេសចរ និងជនបរទេសយ៉ាងច្រើនកុះករ បានអញ្ជើញមកជួបជុំគ្នាធ្វើបុណ្យ និងរាប់បាត្រ ប្រគេនចង្ហាន់ ព្រមទាំងបច្ច័យ និងទេយ្យទានផ្សេងៗ ចំពោះព្រះសង្ឃដែលគង់ចាំវស្សានៅក្នុងវត្ត។

ដោយទឹកចិត្តសទ្ធាជ្រះថ្លាយ៉ាងជ្រាលជ្រៅចំពោះព្រះពុទ្ធសាសនា ក្រោមការផ្តួចផ្តើមរួមគ្នាពីសំណាក់ ឯកឧត្តម លោកអ្នកឧកញ៉ា ឧកញ៉ា លោកជំទាវ លោក លោកស្រី ព្រមទាំងពុទ្ធបរិស័ទ ញាតិព្រះធម៌ និងសប្បុរសជនយ៉ាងច្រើនកុះករ បានរួមសាមគ្គីគ្នារៀបចំ «ពិធីបុណ្យដង្ហែ និងប្រគេនគម្ពីរព្រះត្រៃបិដក ព្រមទាំងជើងអាធារ (តុ) ចំនួន ១.០០០ ឈុត» យ៉ាងឱឡារិក ដើម្បីវេប្រគេនដល់ព្រះសង្ឃ សម្រាប់តម្កល់ទុកប្រើប្រាស់ក្នុងកម្មវិធីបុណ្យព្រះត្រៃបិដកប្រចាំខេត្តព្រះសីហនុ។

(អង់ហ្គូលែម, ប្រទេសបារាំង)៖ ទង់ជាតិដែលតំណាងឱ្យដួងព្រលឹង និងមោទនភាពជាតិខ្មែរ បាននិងកំពុងបក់រវិចពេញមួយសប្តាហ៍ នៅទីក្រុងអង់ហ្គូលែម សាធារណរដ្ឋបារាំង ចាប់ពីថ្ងៃទី២៤ ដល់ថ្ងៃទី២៩ ខែសីហា ឆ្នាំ២០២៦នេះ ក្នុងឱកាសដែលកម្ពុជាបង្ហាញវត្តមានជា «ប្រទេសកិត្តិយស» ក្នុងមហោស្រពភាពយន្តនិយាយភាសាបារាំងអង់ហ្គូលែម លើកទី១៩ (Festival du Film Francophone d’Angoulême)។

នៅពេលរដូវភ្លៀងធ្លាក់មកដល់ ដែនដីប្រវត្តិសាស្ត្រនៃរមណីយដ្ឋានអង្គរបានផ្លាស់ប្តូរមុខមាត់ថ្មី ដោយធម្មជាតិស្រស់បំព្រង។ ក្នុងចំណោមប្រាសាទបុរាណទាំងអស់ ប្រាសាទបាភួន បានលេចធ្លោឡើងជាមួយនឹងសម្រស់ដ៏ស្រស់ត្រកាល នារដូវបៃតងនេះ ផ្តល់ជូននូវទិដ្ឋភាពប្រកបដោយភាពស្ងប់ស្ងាត់ រ៉ូមែនទិក និងពោរពេញដោយថាមពលជីវិត។