ឯកឧត្តម ហាក់ សុខមករា អភិបាលរងខេត្តកណ្តាល បានអញ្ជើញជាអធិបតី ក្នុងសិក្ខាសាលា ផ្សព្វផ្សាយលើកទី២ អំពីការសិក្សាគម្រោង ធ្វើឱ្យប្រសើរឡើងវិញកំណាត់ផ្លូវជាតិលេខ១ និងសាងសង់ស្ពានឆ្លងកាត់ទន្លេមេគង្គ

កាលពីរសៀលថ្ងៃទី៨ ខែកក្កដា ឆ្នាំ២០២៦ ឯកឧត្តម ហាក់ សុខមករា អភិបាលរងខេត្តកណ្តាល បានដឹកនាំសិក្ខាសាលាផ្សព្វផ្សាយលើកទី២ អំពីគម្រោងកែលម្អផ្លូវជាតិលេខ១ និងសាងសង់ស្ពានឆ្លងកាត់ទន្លេមេគង្គ ដោយមានការចូលរួមពីតំណាងក្រសួងសាធារណការ ក្រសួងសេដ្ឋកិច្ច និងទីភ្នាក់ងារ JICA ជប៉ុន។ គម្រោងនេះធ្វើឡើងដើម្បីសម្រួលដល់ការធ្វើដំណើរ បង្កើនសក្តានុពលសេដ្ឋកិច្ច និងពង្រីកលំហូរពាណិជ្ជកម្មឱ្យកាន់តែរីកចម្រើន។