ឯកឧត្តម ម៉ាង ស៊ីណេត ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ នៅរសៀលថ្ងៃទី២០ ខែសីហា ឆ្នាំ២០២៦ បានចាត់ឱ្យ លោកជំទាវ ប្រាក់ ច័ន្ទសុខា ហិរញ្ញិកគណៈកម្មាធិការសាខា ដឹកនាំមន្ត្រីប្រតិបត្តិ និងអនុសាខាក្រុង ចុះសួរសុខទុក្ខ និងនាំយកអំណោយមនុស្សធម៌ចែកជូនប្រជាពលរដ្ឋដែលមានជីវភាពទីទ័លក្រ និងជួបការលំបាកចំនួន ៣គ្រួសារ រស់នៅក្នុងក្រុងព្រះសីហនុ។
ខេត្តព្រះសីហនុ៖ថ្ងៃទី២ ខែតុលា ឆ្នាំ២០២៦ លេខាធិការដ្ឋានរៀបចំការបោះឆ្នោត (ល.ខ.ប) ខេត្តព្រះសីហនុ បានបើកកិច្ចប្រជុំផ្សព្វផ្សាយយ៉ាងសំខាន់មួយ ស្តីពី «វិធានការការពារសន្តិសុខ សុវត្ថិភាព និងសណ្តាប់ធ្នាប់សាធារណៈ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦»។
ថ្ងៃទី២ ខែតុលា ឆ្នាំ២០២៦ នេះ បេក្ខនារីប្រកួតក្នុងកម្មវិធី «ស្រ្តីនៃចក្រវាល» (Universal Women) ឆ្នាំ២០២៦ មកពីចំនួន ៤៨ ប្រទេសជុំវិញពិភពលោក បានអញ្ជើញមកបំពេញទស្សនកិច្ច និងទទួលបានការស្វាគមន៍យ៉ាងកក់ក្តៅបំផុតពីសំណាក់ថ្នាក់ដឹកនាំនៃខេត្តព្រះសីហនុ។
លោក ឆាយ សុគន្ធដា អភិបាលស្រុកកំពង់សីលា បានដឹកនាំមន្ត្រីរាជការរដ្ឋបាលស្រុក ចូលរួមជាមួយ ឯកឧត្តម ហង្ស សុតសំភារ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាអនុប្រធានក្រុមការងារចុះជួយស្រុកកំពង់សីលា នាំយកគ្រឿងឧបភោគបរិភោគ ថវិកា (បច្ច័យ) ព្រមទាំងអញ្ជើញរាប់បាត្រ ក្នុងពិធីបុណ្យកាន់បិណ្ឌ វេនទី៦ នៅវត្តសំរោងប្រសិទ្ធឫទ្ធិ។
ក្រុមការងាររបស់អ្នកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន និងជាប្រធានសមាគមភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ បានចុះអន្តរាគមន៍ និងជួយបញ្ជូនស្ត្រីម្នាក់ដែលមានអាការគាំងបេះដូង ពីក្រុងកោះរ៉ុង យកមកសង្គ្រោះបន្ទាន់នៅមន្ទីរពេទ្យក្នុងខេត្តព្រះសីហនុដោយសុវត្ថិភាព។
