នៅថ្ងៃទី៨ ខែកញ្ញា ឆ្នាំ២០២៦ នាសម័យប្រជុំលើកទី៦៣ នៃក្រុមប្រឹក្សាសិទ្ធិមនុស្ស ឯកឧត្តមឯកអគ្គរាជទូត កែ សុវណ្ណ តំណាងអចិន្ត្រៃយ៍កម្ពុជា ប្រចាំអង្គការសហប្រជាជាតិ នៅទីក្រុងហ្សឺណែវ បានថ្លែងបទអន្តរាគមន៍ ក្រោមរបៀបវារៈទី២៖ ក្នុងអំឡុងកិច្ចពិភាក្សាទូទៅស្តីពីរបាយការណ៍ប្រចាំឆ្នាំរបស់ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស។
ខេត្តព្រះសីហនុ៖ថ្ងៃទី២ ខែតុលា ឆ្នាំ២០២៦ លេខាធិការដ្ឋានរៀបចំការបោះឆ្នោត (ល.ខ.ប) ខេត្តព្រះសីហនុ បានបើកកិច្ចប្រជុំផ្សព្វផ្សាយយ៉ាងសំខាន់មួយ ស្តីពី «វិធានការការពារសន្តិសុខ សុវត្ថិភាព និងសណ្តាប់ធ្នាប់សាធារណៈ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦»។
ថ្ងៃទី២ ខែតុលា ឆ្នាំ២០២៦ នេះ បេក្ខនារីប្រកួតក្នុងកម្មវិធី «ស្រ្តីនៃចក្រវាល» (Universal Women) ឆ្នាំ២០២៦ មកពីចំនួន ៤៨ ប្រទេសជុំវិញពិភពលោក បានអញ្ជើញមកបំពេញទស្សនកិច្ច និងទទួលបានការស្វាគមន៍យ៉ាងកក់ក្តៅបំផុតពីសំណាក់ថ្នាក់ដឹកនាំនៃខេត្តព្រះសីហនុ។
លោក ឆាយ សុគន្ធដា អភិបាលស្រុកកំពង់សីលា បានដឹកនាំមន្ត្រីរាជការរដ្ឋបាលស្រុក ចូលរួមជាមួយ ឯកឧត្តម ហង្ស សុតសំភារ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាអនុប្រធានក្រុមការងារចុះជួយស្រុកកំពង់សីលា នាំយកគ្រឿងឧបភោគបរិភោគ ថវិកា (បច្ច័យ) ព្រមទាំងអញ្ជើញរាប់បាត្រ ក្នុងពិធីបុណ្យកាន់បិណ្ឌ វេនទី៦ នៅវត្តសំរោងប្រសិទ្ធឫទ្ធិ។
ក្រុមការងាររបស់អ្នកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន និងជាប្រធានសមាគមភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ បានចុះអន្តរាគមន៍ និងជួយបញ្ជូនស្ត្រីម្នាក់ដែលមានអាការគាំងបេះដូង ពីក្រុងកោះរ៉ុង យកមកសង្គ្រោះបន្ទាន់នៅមន្ទីរពេទ្យក្នុងខេត្តព្រះសីហនុដោយសុវត្ថិភាព។
