ដើម្បីធានាដល់សុវត្ថិភាព សុខុមាលភាព និងការពារផលប្រយោជន៍របស់អ្នកប្រើប្រាស់ ក៏ដូចជាពុទ្ធបរិស័ទក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ មន្ត្រីសាខា ក.ប.ប. ខេត្តព្រះសីហនុ ក្រោមការដឹកនាំរបស់លោក ជា ប៊ុណ្ណារ៉ា អនុប្រធានសាខា បានសហការជាមួយមន្រ្ដីនៃមន្ទីរពាណិជ្ជកម្មខេត្តព្រះសីហនុ អាជ្ញាធរដែនដី និងប្រធានគណៈកម្មាធិការផ្សារ ដើម្បីចុះត្រួតពិនិត្យគុណភាព និងសុវត្ថិភាពទំនិញ ទេយ្យទាន និងកញ្ចប់វត្ថុអនុស្សាវរីយ៍តាមបណ្តាទីផ្សារ និងស្តង់នានាក្នុងខេត្ត។

អនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលណែនាំជាប្រចាំរបស់ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុនៅថ្ងៃទី២២ ខែកញ្ញា ឆ្នាំ២០២៦ កម្លាំងប៉ុស្តិ៍នគរបាលរដ្ឋបាលទូទាំងខេត្ត បន្តអនុវត្តការងារនៅក្នុងមូលដ្ឋាន ។

លោក អុី ធារិន អភិបាល នៃគណៈអភិបាលស្រុកព្រៃនប់ បានអញ្ជើញចុះជួបសំណេះសំណាលផ្ទាល់ជាមួយគ្រួសារអតីតយុទ្ធជន និងបាននាំយកការឧបត្ថម្ភថវិកាព្រមទាំងសម្ភារសម្រាប់រៀបចំការសាងសង់ស្ពានបេតុងឆ្លងកាត់ ក្នុងគោលបំណងជួយសម្រួលដល់ការធ្វើដំណើរ និងការដឹកជញ្ជូនកសិផល ក៏ដូចជាការប្រើប្រាស់ប្រចាំថ្ងៃឱ្យកាន់តែមានភាពងាយស្រួល និងសុវត្ថិភាព។

លោក រាជ សុវណ្ណ អភិបាល នៃគណៈអភិបាលក្រុងកោះរ៉ុង បានដឹកនាំមន្ត្រីជំនាញចុះពិនិត្យផ្ទាល់លើវឌ្ឍនភាពការងារតុបតែងលម្អស្ពានថ្មីឆ្លងព្រែកកោះរ៉ុង ដែលជាតំបន់ព្រំប្រទល់ដ៏មានសារៈសំខាន់រវាងភូមិដើមថ្កូវ និងភូមិកោះតូច។

អ្នកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ បានឱ្យដឹងថា បុរសវ័យចំណាស់ម្នាក់ដែលមានអាការៈបង្ហាញនៃជំងឺលើសសម្ពាធឈាម ត្រូវបានក្រុមការងាររួមគ្នាជួយសង្គ្រោះ និងបញ្ជូនទៅមន្ទីរពេទ្យដោយសុវត្ថិភាព។

លោក អុី ធារិន អភិបាល នៃគណៈអភិបាលស្រុកព្រៃនប់ បានដឹកនាំសហការី និងមន្ត្រីរាជការនៃរដ្ឋបាលស្រុក រដ្ឋបាលឃុំ អញ្ជើញចូលរួមរំលែកទុក្ខដ៏ក្រៀមក្រំ និងសម្តែងនូវការសោកស្តាយជាទីបំផុតជាមួយក្រុមគ្រួសារសព លោក ណុប នាម អនុប្រធានភូមិអូរត្រជាក់ចិត្ត ឃុំសំរុង ដែលបានទទួលមរណភាព។