ព័ត៌មានតាមបណ្តារខេត្ត

បាត់ដំបង៖ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីឧបត្ថម្ភគ្រឿងបរិភោគដល់ប្រជាពលរដ្ឋដែលរងគ្រោះដោយទឹកជំនន់ នៅទូទាំងខេត្តបាត់ដំបង តាមរយៈរដ្ឋបាលក្រុង-ស្រុកទាំង ១៤ នាព្រឹកថ្ងៃទី ៣០ ខែកញ្ញា ឆ្នាំ២០២៦ នៅសាលាខេត្តបាត់ដំបង។

បាត់ដំបង៖ ពុទ្ធបរិស័ទខេត្តបាត់ដំបង ដែលមានជំនឿគោរពតាមទំនៀមទម្លាប់ប្រពៃណី បានជួបជុំគ្នា រៀបចំកាន់វេនដាក់បិណ្ឌតាមវត្តអារាមនានា ដើម្បីរំលឹកនឹកគុណ និងឧទ្ទិសកុសលជូនដល់បុព្វការីជន មានមាតាបិតា និងវីរយុទ្ធជនពលីដែលបានចែកឋានទៅ ព្រមទាំងថែរក្សាទំនៀមទម្លាប់ប្រពៃណីខ្មែរដែលមានតាំងពីបុរាណកាល។

បាត់ដំបង៖ ស្ថានភាពជំនន់ទឹកភ្លៀងនៅក្នុងខេត្តបាត់ដំបង គិតត្រឹមម៉ោង ៥:០០ ល្ងាច ថ្ងៃទី២៩ ខែកញ្ញា ឆ្នាំ២០២៦ បានបន្តបង្កផលប៉ះពាល់យ៉ាងធ្ងន់ធ្ងរដល់ជីវភាពប្រជាពលរដ្ឋ ហេដ្ឋារចនាសម្ព័ន្ធ និងដំណាំកសិកម្មទូទាំង ១៤ ក្រុង-ស្រុក។

បាត់ដំបង ៖ នៅព្រឹកថ្ងៃទី២៩ ខែកញ្ញា ឆ្នាំ២០២៦ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអញ្ជើញប្រគល់អំណោយជាគ្រឿងឧបភោគ-បរិភោគ ជូនរដ្ឋបាលខេត្តបាត់ដំបង ដើម្បីត្រៀមសម្រាប់ចែកជូនពុកម៉ែ បងប្អូនប្រជាពលរដ្ឋមួយចំនួន ដែលរងគ្រោះ ដោយសារទឹកជំនន់ ក្នុងមូលដ្ឋានខេត្តបាត់ដំបង។

បាត់ដំបង៖ នាព្រឹកថ្ងៃទី២៩ ខែកញ្ញា ឆ្នាំ២០២៦ នៅបរិវេណវត្តព្រះពន្លា ស្រុកថ្មគោល ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជេីញចុះជួបសំណេះសំណាល និងនាំយកអំណោយជាគ្រឿងឧបភោគបរិភោគ ព្រមទាំងសម្ភារប្រើប្រាស់ ចែកជូនប្រជាពលរដ្ឋចំនួន ៦០គ្រួសារ ដែលត្រូវបានជម្លៀសមកពីភូមិប៉ោយរំជៃ ឃុំរូងជ្រៃ ស្រុកថ្មគោល បន្ទាប់ពីទទួលរងឥទ្ធិពលទឹកជំនន់ស្ទឹងបវេល បណ្តាលឱ្យលិចលង់ភូមិទាំងស្រុង កាលពីយប់ថ្ងៃទី២៧ ខែកញ្ញា ឆ្នាំ២០២៦ កន្លងទៅ។

បាត់ដំបង៖នៅថ្ងៃទី២៩ ខែកញ្ញា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញចុះពិនិត្យផ្លូវមួយខ្សែដែលរងការខូចខាតដោយជំនន់ទឹកភ្លៀងបណ្ដាលឱ្យប៉ះពាល់ខ្លាំងដល់ការធ្វើដំណើររបស់ប្រជាពលរដ្ឋ ខណៈផ្លូវមួយខ្សែនេះជាផ្លូវសេដ្ឋកិច្ចដ៏សំខាន់តភ្ជាប់ពីឃុំចំនួន៣ក្នុងស្រុកសង្កែ។

បាត់ដំបង៖នៅថ្ងៃទី២៩ ខែកញ្ញា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបងបានអញ្ជើញសំណេះសំណាល សួរសុខទុក្ខ និងនាំយកអំណោយជាគ្រឿងឧបភោគបរិភោគ និងសម្ភារប្រើប្រាស់ចាំបាច់មួយចំនួនផ្ដល់ជូនប្រជាពលរដ្ឋរងគ្រោះដោយជំនន់ទឹកភ្លៀងដែលត្រូវបានជម្លៀសមកកាន់ទីទួលសុវត្ថិភាពនៅក្នុងមូលដ្ឋានឃុំវត្តតាមិម និងឃុំអូរដំបង១ ស្រុកសង្កែ។

ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី និងរដ្ឋមន្ត្រីក្រសួងមហាផ្ទៃ បានអញ្ជើញជាមួយរដ្ឋបាលស្រុកថ្មគោល ខេត្តបាត់ដំបង ចូលជួបសំណេះសំណាល និងសួរសុខទុក្ខប្រជាពលរដ្ឋចំនួន ៦០ គ្រួសារ ដែលរងគ្រោះដោយទឹកជំនន់ពីស្ទឹងបវេល តាំងពីយប់ថ្ងៃទី ២៧ ខែកញ្ញា ឆ្នាំ ២០២៦។ ប្រជាពលរដ្ឋទាំងនេះត្រូវបានជម្លៀសចេញពីភូមិប៉ោយរុំជ័យ ឃុំរោងជ្រៃ ស្រុកថ្មគោល ខេត្តបាត់ដំបង នៅព្រឹកថ្ងៃទី ២៩ ខែកញ្ញា ឆ្នាំ ២០២៦។

ស្ថានភាពទឹកស្ទឹងសង្កែថ្ងៃទី២៩ខែកញ្ញាឆ្នាំ២០២៦​ បានស្រកចុះជាបណ្តេីរៗហេីយ​ ផ្លូវមួយចំនួនទឹកបានស្រក​ហេីយ​ និងប្រជាពលរដ្ឋអាចធ្វេីដំណេីរបានជាធម្មតា

បាត់ដំបង៖ គិតត្រឹមម៉ោង ៥:០០ ល្ងាច ថ្ងៃទី២៨ ខែកញ្ញា ឆ្នាំ២០២៦ ស្ថានភាពជំនន់ទឹកភ្លៀងនៅខេត្តបាត់ដំបង បានជះឥទ្ធិពលយ៉ាងធ្ងន់ធ្ងរ គ្របដណ្តប់លើ ១៤ ក្រុង-ស្រុក (៨១ ឃុំ-សង្កាត់) បង្កផលប៉ះពាល់ដល់ជីវភាពប្រជាពលរដ្ឋ និងហេដ្ឋារចនាសម្ព័ន្ធទូទាំងខេត្ត។

បាត់ដំបង៖ ក្រុមការងាររដ្ឋបាលក្រុងបាត់ដំបង និងសង្កាត់ បានបន្តការតាមដានស្ថានភាពទឹកជំនន់ នៅតាមបណ្ដាសង្កាត់ទាំង១០ ក្នុងក្រុងបាត់ដំបងនាព្រឹកថ្ងៃទី២៨ ខែកញ្ញា ឆ្នាំ២០២៦ កន្លងទៅនេះ។ធ្វើការតាមដាន មានគោលបំណងក្នុងការត្រៀមខ្លួនគ្រប់លក្ខណៈ ដើម្បីជួយជម្លៀសប្រជាពលរដ្ឋឲ្យបានទាន់ពេលវេលា ប្រសិនបើមានហេតុការណ៍អាក្រក់កើតឡើង ។

បាត់ដំបង៖ ឯកឧត្តម ចាន់ស៊ីណាត រដ្ឋាលេខាធិការ និងជាតំណាងឯកឧត្តម ថោក ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញចុះពិនិត្យស្ថានភាពប្រព័ន្ធលំហូរទឹកធម្មជាតិ ក្នុងស្រុករតនៈមណ្ឌល ខេត្តបាត់ដំបង។ ការចុះពិនិត្យនេះ មានការចូលរួមពីរដ្ឋបាលស្រុក និងក្រុមការងារបច្ចេកទេស នៅរសៀលថ្ងៃទី២៨ ខែកញ្ញា ឆ្នាំ២០២៦ កន្លងទៅនេះ។