ព័ត៌មានតាមបណ្តារខេត្ត

បាត់ដំបង៖ ក្រោយពេលទឹកជំនន់ស្ទឹងសង្កែបានចាប់ផ្តើមស្រកចុះជាបណ្តើរៗ អាជ្ញាធរឃុំកន្ទឺ១ ស្រុកបាណន់ ខេត្តបាត់ដំបង បានសហការជាមួយប្រជាពលរដ្ឋក្នុងសកម្មភាពរើមែកឈើ សម្រាស់ និងសំរាម ដែលហូរតាមទឹកមកកកស្ទះលើស្ពានបេឡេ (សសរពក) ឆ្លងកាត់ស្ទឹងសង្កែ។ សកម្មភាពនេះបានប្រព្រឹត្តទៅនៅរសៀលថ្ងៃទី ២៨ ខែកញ្ញា ដើម្បីសម្រួលឱ្យការធ្វើដំណើរឆ្លងកាត់ស្ពានអាចប្រព្រឹត្តទៅបានជាធម្មតាវិញ។

រដ្ឋបាលស្រុកគាស់ក្រឡ សូមជូនដំណឹងថា នៅថ្ងៃទី ២៨ ខែកញ្ញា ឆ្នាំ ២០២៦ ដោយសារស្ថានភាពទឹកជំនន់បន្តកើនឡើងក្នុងស្រុក បណ្តាលឱ្យទឹកហូរខ្លាំងច្រោះដាច់ផ្លូវកៅស៊ូ មិនអាចធ្វើដំណើរឆ្លងកាត់បានចំនួន ២ ទីតាំង៖

លោក តេង គឹមស៊ាន អភិបាលស្រុកថ្មគោល ខេត្តបាត់ដំបង ៖ទំនប់កំពីងពួយទឹកមានការកើនឡើងយ៉ាងគំហុក ដែលខាងជំនាញត្រូវបើកទឹកខ្លាំងចាប់ពីថ្ងៃ ២៨.៩.២០២៦ នេះ។ ឃុំនៅផ្នែកខាងក្រោមរួមមាន ឃុំអន្លង់រុន ជ្រៃ អូរតាគី ស្រុកថ្មគោល មេត្តាមានការប្រុងប្រយ័ត្នខ្ពស់។

រដ្ឋបាលស្រុកមោងឫស្សី ខេត្តបាត់ដំបង ដឹកនាំដោយលោក ទុន សុផន អភិបាលស្រុកមោងឫស្សី បាននាំមន្ត្រី និងក្រុមការងារចូលរួមដាំបង្គោលសូឡា តាមបណ្ដោយផ្លូវជាតិលេខ ៥។ ការងារនេះធ្វើឡើងក្នុងកិច្ចសហការជាមួយក្រុមហ៊ុនឯកជន ដើម្បីលើកកម្ពស់សោភ័ណភាព និងកាត់បន្ថយអត្រាគ្រោះថ្នាក់ចរាចរណ៍នៅ ព្រឹកថ្ងៃទី ២៨ ខែកញ្ញា ឆ្នាំ ២០២៦ ។

រដ្ឋបាលស្រុកបានណន់ ខេត្តបាត់ដំបង បានជូនដំណឹង ស្ដីពី ការដាក់ពាក្យសុំចូល បំពេញកាតព្វកិច្ចយោធា សម្រាប់យុវជនស្ម័គ្រចិត្ត បំពេញកាតព្វកិច្ចយោធា ដែលចាប់ផ្ដើម ចែកពាក្យ ចាប់ពីថ្ងៃទី ១ ខែតុលាឆ្នាំ ២០២៦ ខាងមុខនេះតទៅ នៅមូលដ្ឋាន កងរាជអាវុធហត្ថ ស្រុកបាណន់ខេត្តបាត់ដំបង៕

បាត់ដំបង៖ កម្ពស់ទឹកស្ទឹងសង្កែ ខេត្តបាត់ដំបង បានឡើងដល់ ១៤,២០ ម៉ែត្រ កាលពីថ្ងៃទី២៧ ខែកញ្ញា ខណៈកម្រិតប្រកាសអាសន្នមានត្រឹម ១៣,៥០ ម៉ែត្រ។ ទោះជាយ៉ាងណា មន្ត្រីជំនាញបង្ហាញថា កម្រិតទឹកភ្លៀងនៅផ្នែកខាងលើស្ទឹងសង្កែបានថយចុះ ហើយបើគ្មានភ្លៀងបន្ថែម ទឹកនឹងស្រកចុះក្នុងរយៈពេលពីរថ្ងៃទៀត។

សម្តេចក្រឡាហោម ស ខេង ឧត្តមក្រុមប្រឹក្សាផ្ទាល់ព្រះមហាក្សត្រ និងជាតំណាងរាស្ត្រមណ្ឌលបាត់ដំបង បានអញ្ជើញជាអធិបតីក្នុងពិធីសំណេះសំណាល និងប្រគល់រង្វាន់ដល់សិស្សប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ដែលបានជាប់និទ្ទេស A ចំនួន ៩០ នាក់ (ស្រី ៤៣ នាក់) ក្នុងខេត្តបាត់ដំបងនាព្រឹកថ្ងៃទី ២៧ ខែកញ្ញា ឆ្នាំ ២០២៦ ។

ប្រសាសន៍ លោក ខៃ សុដា ប្រធានមន្ទីរធនធានទឹក និងឧតុនិយម ខេត្តបាត់ដំបង ពីស្ថានភាពទឹក នៅផ្នែកខាងលើ និងស្ទឹងសង្កែ

បាត់ដំបង៖ នាព្រឹកថ្ងៃទី២៧ ខែកញ្ញា ឆ្នាំ២០២៦ លោកជំទាវ ម៉េតរ៉ា វីចិត្រសុខ លូ បានអញ្ជើញចូលរួមពិធីរាប់បាត្របុណ្យកាន់បិណ្ឌវេនទី១ របស់រដ្ឋបាលខេត្តបាត់ដំបង នៅក្នុងបរិវេណវត្តពោធិ៍វាល ស្ថិតក្នុងក្រុងបាត់ដំបង ខេត្តបាត់ដំបង ដោយមានការចូលរួមពីថ្នាក់ដឹកនាំ មន្ត្រីរាជការ និងពុទ្ធបរិស័ទជាច្រើនរូប។

ក្រុងបាត់ដំបង៖ ផ្អែកតាមរបាយការណ៍បឋមរបស់ លោក លាង វាសនា អភិបាលក្រុងបាត់ដំបង គិតត្រឹមថ្ងៃទី២៦ ខែកញ្ញា ឆ្នាំ២០២៦ ជំនន់ទឹកភ្លៀងបាននិងកំពុងបង្កផលប៉ះពាល់យ៉ាងខ្លាំងដល់ជីវភាពប្រជាពលរដ្ឋ ជាពិសេសប្រជានេសាទ ហេដ្ឋារចនាសម្ព័ន្ធ និងផ្ទះសម្បែងនៅសង្កាត់ព្រែកព្រះស្តេច។

បាត់ដំបង៖ អង្គភាពអគ្គិសនីបាត់ដំបង បានចេញសេចក្តីជូនដំណឹង និងអំពាវនាវដល់អាជ្ញាធរមូលដ្ឋាន សមត្ថកិច្ច សាធារណជន និងអតិថិជនដែលកំពុងប្រើប្រាស់ចរន្តអគ្គិសនីក្នុងតំបន់អាជ្ញាបណ្ណ ឱ្យបង្កើនការប្រុងប្រយ័ត្នខ្ពស់ ដើម្បីចៀសវាងគ្រោះថ្នាក់ឆ្លងឆក់អគ្គិសនីក្នុងអំឡុងពេលមានទឹកជន់លិច។

បាត់ដំបង៖នៅល្ងាចថ្ងៃសុក្រទី២៥ ខែកញ្ញា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញចុះពិនិត្យស្ថានភាពទឹកស្ទឹងសង្កែ និងជំនន់ទឹកភ្លៀងនៅភូមិសាស្ត្រស្រុកឯកភ្នំបន្ទាប់ពី កម្ពស់ ទឹក ហក់ឡើងខ្លាំង ដោយសារ មាន ភ្លៀង ធ្លាក់ ច្រើន ជាប់ ៗគ្នាប៉ុន្មានថ្ងៃកន្លងមកនេះ។