ព័ត៌មានតាមបណ្តារខេត្ត
ទាំងអស់មន្ទីរព័ត៌មានខេត្តកណ្តាលមន្ទីរព័ត៌មានខេត្តកំពង់ចាមមន្ទីរព័ត៌មានខេត្តកំពង់ឆ្នាំងមន្ទីរព័ត៌មានខេត្តកំពតមន្ទីរព័ត៌មានខេត្តកោះកុងមន្ទីរព័ត៌មានខេត្តបន្ទាយមានជ័យមន្ទីរព័ត៌មានខេត្តបាត់ដំបងមន្ទីរព័ត៌មានខេត្តប៉ៃលិនមន្ទីរព័ត៌មានខេត្តពោធិ៍សាត់មន្ទីរព័ត៌មានខេត្តព្រៃវែងមន្ទីរព័ត៌មានខេត្តព្រះវិហារមន្ទីរព័ត៌មានខេត្តមណ្ឌលគិរីមន្ទីរព័ត៌មានខេត្តរតនគិរីមន្ទីរព័ត៌មានខេត្តសៀមរាបមន្ទីរព័ត៌មានខេត្តស្ទឹងត្រែងមន្ទីរព័ត៌មានខេត្តឧត្តរមានជ័យមន្ទីរព័ត៌មានរាជធានីភ្នំពេញ
សន្តិសុខសង្គម
ក្រុមការងារអធិការកិច្ច នៃមហាអយ្យការអមសាលាឧទ្ធរណ៍បាត់ដំបង ចុះធ្វើការអធិការកិច្ច នៅពន្ធនាគារខេត្តប៉ៃលិន
(ប៉ៃលិន)៖ រសៀលថ្ងៃទី៦ ខែកក្កដា ឆ្នាំ២០២៦ ក្រុមការងារអធិការកិច្ច នៃមហាអយ្យការអមសាលាឧទ្ធរណ៍បាត់ដំបង បានចុះធ្វើការអធិការកិច្ច នៅពន្ធនាគារខេត្តប៉ៃលិន ដែលដឹកនាំដោយ ឯកឧត្តម តន់ សីហតេជ អគ្គព្រះរាជអាជ្ញារង និងមានការអញ្ជើញចូលរួមពីលោក វ៉ា វិចិត្រ ព្រះរាជអាជ្ញារង នៃអយ្យការអមសាលាដំបូងខេត្តប៉ៃលិន លោក ដុះ វិសុទ្ធ អគ្គលេខាធិការរង លោកប្រធានពន្ធនាគារ លោក-លោកស្រីអនុប្រធានពន្ធនាគារ លោកស្រីក្រឡាបញ្ជី មន្ត្រីអគ្គលេខាធិការដ្ឋានរដ្ឋបាលសាលាឧទ្ធរណ៍បាត់ដំបង រួមទាំងមន្ត្រីពន្ធនាគារខេត្តប៉ៃលិនចំនួន១៦នាក់។ ការចុះធ្វើអធិការកិច្ច របស់មហាអយ្យការអមសាលាឧទ្ធរណ៍បាត់ដំបង មានគោលបំណងដើម្បីពិនិត្យតាមដានការអនុវត្តនីតិវិធីនៃការឃុំខ្លួន ពង្រឹងកិច្ចការងារអនុវត្តច្បាប់ ឱ្យមានប្រសិទ្ធភាព ផ្សារភ្ជាប់ទំនាក់ទំនងល្អ រវាងមហាអយ្យការអមសាលាឧទ្ធរណ៍បាត់ដំបង និងពន្ធនាគារខេត្តប៉ៃលិន ស្វែងយល់ពីរបាយការណ៍លទ្ធផលការងារដែលសម្រេចបាន និងបញ្ហាប្រឈមនានាដែលបានជួបប្រទះនាពេលកន្លងមក។
សន្តិសុខសង្គម
សូមប្រុងប្រយ័ត្ន! ជនខិលខូចក្លែងបន្លំធ្វើជាគណនី Telegram ដោយប្រើឈ្មោះរដ្ឋមន្ត្រី នេត្រ ភក្ត្រា ដើម្បីប្រព្រឹត្តអំពើទុច្ចរិត
(ភ្នំពេញ)៖ ការិយាល័យអ្នកនាំពាក្យក្រសួងព័ត៌មាន បានឱ្យដឹងនៅថ្ងៃនេះថា ជនខិលខូចក្លែងបន្លំ ធ្វើជាគណនី Telegram ប្រើប្រាស់រូបថត និងឈ្មោះលោក នេត្រ ភក្ត្រា រដ្ឋមន្ត្រីក្រសួងព័ត៌មាន ក្នុងចេតនាទុច្ចរិត ដើម្បីប្រព្រឹត្តសកម្មភាពផ្ទុយនឹងច្បាប់ ដែលនាំឱ្យប៉ះពាល់យ៉ាងធ្ងន់ធ្ងរដល់កិត្តិយស កិត្យានុភាពរបស់ក្រសួង ស្ថាប័នរដ្ឋ និងឯកជនភាព កិត្តិយស សេចក្តីថ្លៃថ្នូររបស់លោករដ្ឋមន្ត្រីផ្ទាល់។
សកម្មភាពថ្នាក់ដឹកនាំ
លោកជំទាវបណ្ឌិត បាន ស្រីមុំ ដឹកនាំកិច្ចប្រជុំបែងចែកតួនាទី ភារកិច្ចរបស់អភិបាលរង នៃរដ្ឋបាលខេត្តប៉ៃលិន
ព្រឹកថ្ងៃទី ០៦ ខែកក្កដា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញជាអធិបតីភាព ក្នុងកិច្ចប្រជុំ ស្តីពី ការបែងចែកតួនាទី ភារកិច្ចរបស់ អភិបាលរងខេត្ត នៃរដ្ឋបាលខេត្តប៉ៃលិន។ កិច្ចប្រជុំបែងចែកតួនាទី ភារកិច្ច របស់អភិបាលរងខេត្តនេះ ធ្វើឡើងបន្ទាប់ពីអភិបាលរងខេត្តប៉ៃលិន ចំនួន ២រូប ត្រូវបានផ្លាស់ប្តូរទៅកាន់ខេត្តផ្សេង និងអភិបាលរងខេត្តផ្សេង ចំនួនពីររូបផ្សេងទៀត បានផ្លាស់មកកាន់ទួនាទី ជាអភិបាលរង នៃគណៈអភិបាលខេត្តប៉ៃលិន។
ការអភិវឌ្ឍ
មន្ទីរមុខងារសាធារណៈចុះពិនិត្យការគ្រប់គ្រងមន្រ្តីរាជការនៅមន្ទីរព័ត៌មានខេត្តប៉ៃលិន
ប៉ៃលិន៖ រសៀលថ្ងៃទី៦ ខែកក្កដា ឆ្នាំ២០២៦ ក្រុមការងារ នៃមន្ទីរមុខងារសាធារណៈខេត្តប៉ៃលិន ដឹកនាំដោយ លោក ផេង ភី អនុប្រធានមន្ទីរ និងជាប្រធានក្រុមាករងារ បានដឹកនាំមន្រ្តីជំនាញ ចុះដល់មន្ទីរព័ត៌មានខេត្តប៉ៃលិន ដើម្បីត្រួតពិនិត្យលើការគ្រប់គ្រង និងការប្រើប្រាស់មន្រ្តីរាជការ ការរៀបចំរចនាសម្ព័ន្ធការងារ ការផ្លាស់ប្តូរស្ថានភាពរដ្ឋបាលមន្ត្រីរាជការ និងមន្ត្រីជាប់កិច្ចសន្យា នៃមន្ទីរព័ត៌មានខេត្តប៉ៃលិន។ ការចុះពិនិត្យនេះ ធ្វើឡើងតាមរយៈការពិនិត្យឯកសាររដ្ឋបាល ដែលផ្តល់ជូនដោយមន្ទីរព័ត៌មាន និងការចុះពិនិត្យដោយផ្ទាល់លើមន្រ្តីរាជការ ដែលកំពុងបំពេញការងារនៅតាមការិយាល័យជំនាញទាំងប្រាំ នៃមន្ទីរព័ត៌មានខេត្តប៉ៃលិន ក្រោមកិច្ចសហការយ៉ាងពេញលេញពី លោក ញ៉ឹប បូរី ប្រធានមន្ទីរព័ត៌មានខេត្តប៉ៃលិន។
អប់រំ និងកីឡា
មន្ទីរអប់រំ យុវជន និងកីឡាខេត្ត ៖ ការប្រលងសញ្ញាបត្រមធ្យមសិក្សាបឋមភូមិ (ឌីប្លូម) ឆ្នាំនេះ មានបេក្ខជនប្រលងចំនួន ៩៧៧នាក់ ចែកជា០៩ មណ្ឌលប្រលង
ប៉ៃលិន៖ ដំណើរការសម័យប្រឡងសញ្ញាបត្រមធ្យមសិក្សាបឋមភូមិ (ឌីប្លូម) បានចាប់ផ្តើម ជាផ្លូវការហើយ នាព្រឹកថ្ងៃទី០៦ ខែកក្កដា ឆ្នាំ២០២៦នេះ ដោយនៅក្នុងខេត្តប៉ៃលិន មានការអញ្ជើញចូលរួមផ្ទាល់ពីសំណាក់ថ្នាក់ដឹកនាំមន្ទីរអប់រំ យុវជន និងកីឡាខេត្ត រួមជាមួយអាជ្ញាធរមូលដ្ឋាន នៅតាមមណ្ឌលប្រលងនានា ក្នុងការបើកកញ្ចប់វិញ្ញាសា ដើម្បីធានាបាននូវតម្លាភាព និងភាពត្រឹមត្រូវ។
សុខាភិបាល
ជំងឺដំបៅក្រពះរ៉ាំរ៉ៃ ៖ កុំទុកឱ្យវាក្លាយជាមហារីកក្រពះឱ្យសោះ!
ជំងឺដំបៅក្រពះ គឺជាអាការៈទូទៅមួយដែលមនុស្សជាច្រើនតែងតែជួបប្រទះ និងគិតថាជា «រឿងធម្មតា» គ្រាន់តែលេបថ្នាំបំបាត់ការឈឺចាប់ ឬថ្នាំសម្រួលអាស៊ីតទៅគឺរួចរាល់ហើយ។ ប៉ុន្តែ ប្រសិនបើអាការៈនេះកើតឡើងដដែលៗរហូតក្លាយជា «ដំបៅក្រពះរ៉ាំរ៉ៃ» ហើយខ្វះការព្យាបាលត្រឹមត្រូវ វាអាចនឹងវិវត្តទៅជាការរលាកកោសិកាធ្ងន់ធ្ងរ ដែលជាឫសគល់ឈានទៅរកជំងឺដ៏កាចសាហាវ គឺ «មហារីកក្រពះ» ដោយស្ងាត់ៗ។
ការអភិវឌ្ឍ
ទឹកស្អាត ចំនួន៨៣,៥% បានគ្របដណ្តប់ដល់ខ្នងផ្ទះប្រជាពលរដ្ឋខេត្តប៉ៃលិន
ប៉ៃលិន៖ ក្នុងកិច្ចប្រជុំក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ ប្រចាំត្រីមាសទីពីរ ឆ្នាំ២០២៦ នាថ្ងៃទី៣ ខែកក្កដា ឆ្នាំ២០២៦ នៅមន្ទីរអភិវឌ្ឍន៍ខេត្តប៉ៃលិន ក្រោមអធិបតីភាព លោក រស់ នឿន អភិបាលរងខេត្តប៉ៃលិន, លោក គឺន សុគា អនុប្រធានមន្ទីរអភិវឌ្ឍន៍ជនបទខេត្ត បានធ្វើរបាយការណ៍អោយដឹងថាៈ ប្រជាពលរដ្ឋខេត្តប៉ៃលិនមានអត្រាប្រើប្រាស់ទឹកស្អាតចំនួន ៨៣,៥% និងមានអត្រាប្រើប្រាស់បង្គន់ ស្មើនឹង ៩៦,៧៦% ។
សន្តិសុខសង្គម
ស្នងការដ្ឋាននគរបាលខេត្តប៉ៃលិន ចេញសេចក្តីជូនដំណឹង ដល់ប្រជាពលរដ្ឋ ស្ដីពីការ ប្រុងប្រយ័ត្នចំពោះបទល្មើសឆបោកតាមប្រព័ន្ធបច្ចេកវិទ្យា!
ស្នងការដ្ឋាននគរបាលខេត្តប៉ៃលិន សូមជម្រាបជូនដំណឹង ដល់ប្រជាពលរដ្ឋ ស្តីពីការប្រុងប្រយ័ត្នលើបទល្មើសបច្ចេកវិទ្យា ដែលមានដូចខាងក្រោម៖
សកម្មភាពថ្នាក់ដឹកនាំ
ឯកឧត្តម ទេព អស្នារិទ្ធ៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ
នាព្រឹកថ្ងៃទី៣ ខែកក្កដា ឆ្នាំ២០២៦នេះ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានគូសបញ្ជាក់ពីសារៈសំខាន់នៃការលើកកម្ពស់ចំណេះដឹង និងការប្រើប្រាស់បច្ចេកវិទ្យាឌីជីថលប្រកបដោយសុវត្ថិភាព ដើម្បីចូលរួមទប់ស្កាត់ និងប្រយុទ្ធប្រឆាំងការរីករាលដាលនៃព័ត៌មានមិនពិត (Fake News) ដែលកំពុងជះឥទ្ធិពលអវិជ្ជមានដល់សង្គម។ ក្នុងពិធីផ្សព្វផ្សាយយុទ្ធនាការ «និយាយថាទេចំពោះព័ត៌មានក្លែងក្លាយ» ជំហាន២នៅវិទ្យាល័យព្រះសីហនុ ក្រុងកំពង់ចាមដែលមានសិស្សានុសិស្សប្រមាណជាង១,០០០នាក់ ។
សន្តិសុខសង្គម
មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តប៉ៃលិន ចុះពិនិត្យផ្ទៀងផ្ទាត់កុងទ័រស្ថានីយប្រេងឥន្ធនៈ ដើម្បីការពារផលប្រយោជន៍អ្នកប្រើប្រាស់
នៅថ្ងៃទី០២-០៣ ខែកក្កដា ឆ្នាំ២០២៦ លោក ដួង អ៊ីម ប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តប៉ៃលិន បានដឹកនាំមន្ត្រីជំនាញនៃការិយាល័យស្តង់ដារ និងមាត្រាសាស្ត្រ ចុះត្រួតពិនិត្យ និងផ្ទៀងផ្ទាត់ឧបករណ៍វាស់វែង (កុងទ័រ) នៅតាមស្ថានីយ និងដេប៉ូចែកចាយប្រេងឥន្ធនៈនានា ក្នុងគោលបំណងធានាបាននូវតម្លាភាព ភាពត្រឹមត្រូវ និងការពារផលប្រយោជន៍ ជូនបងប្អូនប្រជាពលរដ្ឋ ជាអ្នកប្រើប្រាស់ ក៏ដូចជាអាជីវករក្នុងខេត្ត ។
សកម្មភាពអាជ្ញាធរ
កិច្ចប្រជុំគណៈបញ្ជាការឯកភាពក្រុងប៉ៃលិន ដើម្បីត្រួតពិនិត្យការងារសន្តិសុខ សណ្តាប់ធ្នាប់ សាធារណៈជូនបងប្អូនប្រជាពលរដ្ឋនៅមូលដ្ឋាន
ព្រឹកថ្ងៃទី៣ ខែកក្កដា ឆ្នាំ២០២៦ រដ្ឋបាលក្រុងប៉ៃលិន បានរៀបចំកិច្ចប្រជុំគណៈបញ្ជាការឯកភាពក្រុងប៉ៃលិន ក្រោមអធិបតីភាពលោក លី សុងហ៊ី អភិបាល នៃគណៈអភិបាលក្រុងប៉ៃលិន និងជាប្រធានគណៈបញ្ជាការឯកភាពក្រុង ដែលកិច្ចប្រជុំនេះត្រូវបានធ្វើឡើង ក្នុងគោលបំណងតាមដាន ត្រួតពិនិត្យការងារសន្តិសុខ សណ្តាប់ធ្នាប់សាធារណៈ និងសេវារដ្ឋបាល ជូនប្រជាពលរដ្ឋក្នុងមូលដ្ឋាន។
សកម្មភាពថ្នាក់ដឹកនាំ
ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី ស្តេចយាងនិវត្តន៍មកកាន់មាតុប្រទេសវិញ ប្រកបដោយព្រះរាជសុវត្ថិភាព
ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីសក្ការៈដ៏ខ្ពង់ខ្ពស់បំផុត ព្រះអង្គទាំងទ្វេយាងនិវត្តន៍មកដល់អាកាសយានដ្ឋានអន្តរជាតិតេជោ នៃខេត្តកណ្តាល នារសៀលថ្ងៃទី៣ ខែកក្កដា ឆ្នាំ២០២៦ ប្រកបដោយព្រះរាជសុវត្ថិភាព បន្ទាប់ពីស្តេចយាងទៅពិនិត្យ និងព្យាបាលព្រះរាជសុខភាព នៅរដ្ឋធានីប៉េកាំង សាធារណរដ្ឋប្រជាមានិតចិន កាលពីពេលកន្លងទៅ។
ការអភិវឌ្ឍ
វិស័យផ្គត់ផ្គង់ទឹកស្អាត អនាម័យជនបទ និងសេវាសាធារណៈ គឺជាកត្តាគន្លឹះ ដ៏សំខាន់ មិនអាចខ្វះបាន របស់ប្រជាពលរដ្ឋ
ព្រឹកថ្ងៃទី០៣ ខែកក្កដា ឆ្នាំ២០២៦ លោក រស់ នឿន អភិបាលរងខេត្ត តំណាងលោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានមានប្រសាសន៍ដូចនេះ ក្នុងកិច្ចប្រជុំប្រចាំត្រីមាសទី ២ ឆ្នាំ២០២៦ របស់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ ដោយមានការចូលរួមពីលោក ហត ឫទ្ធី ប្រធានមន្ទីរអភិវឌ្ឍន៍ជនបទខេត្ត, ប្រធាន-អនុប្រធានមន្ទីរពាក់ព័ន្ធ អភិបាលរងក្រុង-ស្រុក តំណាងអង្គការដៃគូអភិវឌ្ឍន៍ ព្រមទាំងមន្ត្រីបច្ចេកទេសជាច្រើនរូប ក្នុងគោលបំណងពិនិត្យ វាយតម្លៃ និងជំរុញវឌ្ឍនភាពការងារលើវិស័យទឹកស្អាត និងអនាម័យជនបទក្នុងខេត្តប៉ៃលិន ឲ្យមានប្រសិទ្ធិភាព នៅសាលប្រជុំមន្ទីរអភិវឌ្ឍន៍ជនបទខេត្តប៉ៃលិន។