មន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានបន្តយកចិត្តទុកដាក់ខ្ពស់លើសុខទុក្ខ និងផលដំណាំរបស់ប្រជាកសិករ តាមរយៈការចុះពិនិត្យ និងផ្តល់បច្ចេកទេសឆ្លើយតបទាន់ពេលវេលា ចំពោះបញ្ហាប្រឈមក្នុងវិស័យបង្កបង្កើនផល។

មន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានរៀបចំវេទិកាផ្សព្វផ្សាយផលិតផលសហគមន៍កសិកម្ម ជូនដល់អាជីវករលក់ដុំ និងលក់រាយ ដោយមានការចូលរួមពីសហគមន៍កសិកម្មសរុបចំនួន ១៩។

ការចិញ្ចឹមសត្វពាហនៈជាលក្ខណៈគ្រួសារគឺជាទម្លាប់របស់កសិករខ្មែរនៅតាមស្រុកស្រែចម្ការតាំងពីបុរាណកាលមកម្ល៉េះ។ សត្វពាហនៈទាំងនេះមិនត្រឹមតែត្រូវបានប្រើប្រាស់ជាកម្លាំងអូសទាញប៉ុណ្ណោះទេ ប៉ុន្តែថែមទាំងជាប្រភពចំណូលដ៏សំខាន់មួយក្នុងការជួយទ្រទ្រង់ជីវភាពគ្រួសារផងដែរ។

នារសៀលថ្ងៃទី២៦ ខែសីហា ឆ្នាំ២០២៦ នៅទីស្តីការក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជើញទទួលជួបជាមួយ លោកស្រី សាង លី (SANG LEE) ប្រធានប្រចាំតំបន់អង្គការ WWF និងទទួលស្វាគមន៍ លោក ជេណេស អុីម៉ាញូអែល ហ្គីនធីង (Janes Imanuel Ginting) នាយកថ្មីនៃអង្គការ WWF ប្រចាំកម្ពុជា ក្នុងជំនួបសម្តែងការគួរសម និងពិភាក្សាការងារ។

ខេត្តព្រះសីហនុ៖ នៅព្រឹកថ្ងៃទី២១ សីហា ២០២៦ វារីវប្បករចិញ្ចឹមបង្គាក្នុងស្រុកព្រៃនប់ ដែលមានទាំងអ្នកកំពុងប្រកបរបរស្រាប់ និងអ្នកមានបំណងចង់ចាប់ផ្តើមចិញ្ចឹម បានអញ្ជើញមកទស្សនកិច្ចសិក្សា និងផ្លាស់ប្តរបទពិសោធន៍គ្នាទៅវិញទៅមក ជាមួយមន្ត្រីបច្ចេកទេស នៅមជ្ឈមណ្ឌលផ្សព្វផ្សាយបំណិនជីវិតផ្នែកវារីវប្បកម្មសមុទ្រ ស្ថិតក្នុងឃុំសំរុង ស្រុកព្រៃនប់ ខេត្តព្រះសីហនុ។