កម្មវិធី ទទក ព័ត៌មានជាតិ និងអន្តរជាតិ ម៉ោង១៧:០០នាទី (ថ្ងៃចន្ទ ៩រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦)
ឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ និងលោក សាមុត សុធារិទ្ធ អភិបាលរងខេត្ត តំណាងរបស់ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានអញ្ជើញក្នុង កិច្ចប្រជុំសាមញ្ញលើកទី២៩ របស់ក្រុមប្រឹក្សាខេត្តព្រះសីហនុ អាណត្តិទី៤
ឯកឧត្តម គង់ វិចិត្រ ប្រធានក្រុមការងាររាជរដ្ឋាភិបាលចុះមូលដ្ឋានឃុំសាមគ្គី និងលោក នេន ចំរើន ប្រធានក្រុមការងារគណបក្សចុះមូលដ្ឋានឃុំសាមគ្គី រួមជាមួយលោក លោកស្រី អនុប្រធាន និងសហការីនៃគណៈកម្មាធិការគណបក្សឃុំសាមគ្គី បានអញ្ជើញចូលរួមកាន់បិណ្ឌវេនទី៩ នៅវត្តចំនួន៣ ស្ថិតក្នុងឃុំសាមគ្គី ស្រុកព្រៃនប់ ខេត្តព្រះសីហនុ។
បុណ្យកាន់បិណ្ឌវេនទី៨ នៃពិធីបុណ្យភ្ជុំបិណ្ឌប្រពៃណីជាតិខ្មែរ ឯកឧត្ដម សៅ សុភាព ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្ទឹងហាវ បានដឹកនាំសហការី និងមន្ត្រីរាជការគ្រប់ជាន់ថ្នាក់ នាំយកទេយ្យវត្ថុ គ្រឿងឧបភោគបរិភោគ និងបច្ច័យដ៏ថ្លៃថ្លា ប្រគេនដល់ព្រះសង្ឃដែលកំពុងគង់ចាំព្រះវស្សាក្នុងទីអារាមចំនួនពីរ គឺ វត្តពោធិ៍មានជ័យ និង វត្តឬទ្ធីរតនារាម ដែលស្ថិតនៅក្នុងស្រុកស្ទឹងហាវ
ក្នុងគោលបំណងចូលរួមអនុវត្តយ៉ាងសកម្មនូវគោលនយោបាយជាតិប្រយុទ្ធប្រឆាំងគ្រឿងញៀនខុសច្បាប់ ព្រមទាំងពង្រឹងសណ្តាប់ធ្នាប់ វិន័យ និងភាពស្អាតស្អំក្នុងរដ្ឋបាលសាធារណៈ ថ្នាក់ដឹកនាំ និងមន្ត្រីរាជការនៃរដ្ឋបាលស្រុកព្រៃនប់ បានស្ម័គ្រចិត្តចូលរួមពិនិត្យ និងតេស្តរកសារធាតុញៀន។
