Provincial News

ក្នុងរយៈពេល មួយឆ្នាំពេញនៃប្រតិបត្តិការ អាកាសយានដ្ឋាន អន្តរជាតិតេជោ ទទួលបានអ្នកដំណើររហូតដល់ជាង ២,៤ លាននាក់ និងបានពង្រីកបណ្តាញហោះហើរអន្តរជាតិយ៉ាង មមាញឹក។អ្វីដែលជាមោទកភាពជាតិដ៏ធំធេងនោះ ព្រលាន​យន្តហោះដ៏ទំនើបរបស់ព្រះរាជាណាចក្រមួយនេះ ត្រូវបាន ស្ថាប័ន Skytrax ចាត់ថ្នាក់ជា «អាកាសយានដ្ឋានថ្មីល្អបំផុត» លេខ ៥ លើពិភពលោកក្នុងឆ្នាំ២០២៦។

នៅឆ្នាំ២០២៦នេះ កម្មករផ្នែកវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ និងកាបូបនៅកម្ពុជាទទួលបានប្រាក់ខែប្រមាណ២២៩ដុល្លារដែលមានប្រាក់ឈ្នួលគោល២១០ដុល្លារ និងប្រាក់អត្ថប្រយោជន៍ផ្សេងៗប្រមាណ២២៩,៥ដុល្លារដោយមិនគិតប្រាក់ថែមម៉ោង និងអត្ថប្រយោជន៍ផ្សេងៗទៀត។

ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងជាប្រធានអនុគណៈកម្មាធិការវិនិយោគខេត្ត បានអញ្ជើញជាអធិបតីក្នុងជំនួបសម្តែងការគួរសម និងពិភាក្សាការងារជាមួយគណៈប្រតិភូអ្នកជំនាញការជប៉ុន ដឹកនាំដោយលោក Takahashi ក្នុងឱកាសបំពេញបេសកកម្មការងារ និងទស្សនកិច្ចនៅព្រះរាជាណាចក្រកម្ពុជា។នៅព្រឹក ថ្ងៃព្រហស្បតិ៍ ទី ២៧ ខែសីហា ឆ្នាំ ២០២៦។

(AKP) នារសៀលថ្ងៃទី១៩ ខែសីហា ឆ្នាំ២០២៦ ឯកឧត្តម ណុំ ពិសិដ្ឋ ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំប្រទេសអូស្ត្រាលី អមដោយ លោកស្រី ទូច ពិចិត្រផល្គុន លេខាធិការទី១ និងកញ្ញា ហេង ហ៊ុយខី អនុព័ន្ធពាណិជ្ជកម្ម បានទទួលជួបពិភាក្សាការងារជាមួយ ឯកឧត្តម Don Farrell រដ្ឋមន្ត្រីពាណិជ្ជកម្ម និងទេសចរណ៍អូស្ត្រាលី និងជារដ្ឋមន្ត្រីពិសេសទទួលបន្ទុកដ្ឋាភិបាល ព្រមទាំងជាសមាជិកព្រឹទ្ធសភាតំណាងឱ្យរដ្ឋអូស្ត្រាលីខាងត្បូង នៅទីក្រុងកង់បេរ៉ា។

ខេត្តព្រះសីហនុ៖ ការស្ដារ និងថែទាំហេដ្ឋារចនាសម្ព័ន្ធក្នុងមូលដ្ឋាន គឺជាកាតព្វកិច្ចដ៏មានសារៈសំខាន់របស់អាជ្ញាធរមូលដ្ឋាន ដើម្បីបម្រើដល់ផលប្រយោជន៍សាធារណៈ និងលើកកម្ពស់ជីវភាពរស់នៅរបស់ប្រជាពលរដ្ឋ។ ជាក់ស្តែង វឌ្ឍនភាពនៃការស្ថាបនាផ្លូវបេតុងអាម៉េប្រវែង ២.៥៣៦ម៉ែត្រ ត្រូវបានចាត់ទុកថាជា «សរសៃឈាមនៃសេដ្ឋកិច្ចមូលដ្ឋាន» ដ៏សំខាន់ ដែលកំពុងតភ្ជាប់ការធ្វើដំណើរកាន់តែងាយស្រួលរវាងភូមិ និងភូមិ។

ថ្ងៃទី៣០ ខែកក្កដា ឆ្នាំ២០២៦ លោកស្រី ណៃ សាលី នាយករងរដ្ឋបាលខេត្តព្រះសីហនុ បានដឹកនាំប្រតិភូទេសចរណ៍ និងតំណាងស្ថាប័នពាក់ព័ន្ធ ទាំងក្នុង និងក្រៅប្រទេស សរុបចំនួន ៥២នាក់ ចុះបំពេញទស្សនកិច្ចសិក្សាស្វែងយល់ពីសក្តានុពលទេសចរណ៍ និងវប្បធម៌ នៅក្នុងភូមិសាស្ត្រខេត្តព្រះសីហនុ។

ឯកឧត្តម ម៉ាង ស៊ីណេត អភិបាលខេត្តព្រះសីហនុ បានថ្លែងអះអាងថា វេទិការធុរកិច្ចទេសចរណ៍ឆ្នាំ២០២៦ នឹងផ្សារភ្ជាប់ភាពរឹងមាំរវាងក្រុមហ៊ុនទេសចរណ៍កម្ពុជា-ចិនកាន់តែច្រើនបន្ថែម និងផ្គូផ្គងរវាងអ្នកលក់ក្នុងខេត្តព្រះសីហនុ និងអ្នកទិញក្នុងទីផ្សារប្រទេសចិន ដើម្បីរៀបចំកញ្ចប់ទេសចរណ៍ថ្មីៗ។

អនុគណៈកម្មាធិការវិនិយោគខេត្តព្រះសីហនុ បានបើកកិច្ចប្រជុំសំខាន់មួយ ដើម្បីពិនិត្យ និងសម្រេចអនុម័តលើគម្រោងវិនិយោគថ្មីៗចំនួន ៤ ដែលជាការរួមចំណែកយ៉ាងសំខាន់ក្នុងការលើកកម្ពស់វិស័យឧស្សាហកម្ម និងសេដ្ឋកិច្ចនៅក្នុងខេត្តតំបន់ឆ្នេរមួយនេះ។

ការលើកកម្ពស់និងគាំទ្រផលិតផលក្នុងស្រុក នៅតែជាជំហានដ៏សំខាន់ក្នុងការជំរុញកំណើនសេដ្ឋកិច្ច និងពង្រឹងសមត្ថភាពសង្វាក់ផលិតកម្មរបស់កម្ពុជា។ ជាក់ស្តែង នៅថ្ងៃទី០៣ ខែកក្កដា ឆ្នាំ២០២៦ លោក អុី ធារិន អភិបាល ស្រុកព្រៃនប់ បានអញ្ជើញចុះទស្សនកិច្ចផ្ទាល់នៅរោងចក្រផលិត «ស័ង្កសីអុកស៊ីដ» (Zinc Oxide) ដែលមានទីតាំងស្ថិតក្នុងភូមិសាស្ត្រស្រុកព្រៃនប់។

នារសៀលថ្ងៃទី២ ខែកក្កដា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោក Jürg Montani ប្រធានគណៈប្រតិភូប្រចាំតំបន់នៃ គណៈកម្មាធិការអន្តរជាតិនៃកាកបាទក្រហម (ICRC) និងគណៈប្រតិភូ ចូលជួបសម្តែងការគួរសម និង ពិភាក្សាការងារ នៅវិមានសន្តិភាព។

នារសៀលថ្ងៃទី២ ខែកក្កដា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោកជំទាវ Flerida Ann Camille P. Mayo ឯកអគ្គរដ្ឋទូតវិសាមញ្ញ និងពេញសមត្ថភាព​ចប់អាណត្តិ​ នៃសាធារណរដ្ឋហ្វីលីពីន ប្រចាំព្រះរាជាណាចក្រកម្ពុជា និងគណៈប្រតិភូ ចូលជួបសម្តែងការគួរសម និងជម្រាបលា នៅវិមានសន្តិភាព។

នាព្រឹកថ្ងៃអង្គារ ទី២៣ ខែមិថុនា ឆ្នាំ២០២៦ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) បានអញ្ជើញដឹកនាំ កិច្ចសន្ទនាលើកទី៤ រវាងរដ្ឋនិងវិស័យឯកជន កម្ពុជា-អឺរ៉ុប រួមជាមួយ លោក Tassilo Brinzer ប្រធានសភាពាណិជ្ជកម្មអឺរ៉ុបប្រចាំនៅកម្ពុជា (EuroCham) ដោយមានការចូលរួមពី ឯកឧត្តម កែវ រតនៈ រដ្ឋមន្ត្រីក្រសួងរ៉ែនិងថាមពល អនុប្រធានទី៣ ក.អ.ក, លោក Andreas Berg ភារធារី និងជាអនុប្រធានគណៈប្រតិភូសហភាពអឺរ៉ុបនៅកម្ពុជា, តំណាងក្រសួង-ស្ថាប័នពាក់ព័ន្ធ, វិស័យឯកជន និងមន្ត្រីជំនាញជាច្រើនរូប។