Provincial News

សាលារៀន គី ប៊ុនឈោង បានរៀបចំពិធីប្រឡងវាយតម្លៃតេស្តសិស្សថ្នាក់ទី៦ (ប្រឡងឡើងថ្នាក់ទី៧ថ្មី) និងតេស្តប្រឡងបញ្ចប់សៀវភៅសិក្សា ភាសាអន្តរជាតិ និងកុំព្យូទ័រ។

នារសៀលថ្ងៃទី២ ខែកញ្ញា ឆ្នាំ២០២៦ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានទទួលជួបសម្ដែងការគួរសម និងសំណេះសំណាលជាមួយនិស្សិតជ័យលាភីអាហារូបករណ៍ AUN/SEED-Net-JICA ថ្នាក់បណ្ឌិត ដើម្បីទៅបន្តការសិក្សានៅប្រទេសជប៉ុន ដោយមានការចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា និងនិស្សិតជ័យលាភីទាំង២រូប។

វិទ្យាល័យ ហ៊ុន សែន វាលរេញ និងវិទ្យាល័យ អាត់តាម៉ៃយូស ដែលស្ថិតនៅស្រុកព្រៃនប់ ខេត្តព្រះសីហនុ បានបង្ហាញនូវក្តីរំភើប និងមោទកភាពជាខ្លាំង ក្រោយពីទទួលបានដំណឹងដ៏ត្រកាលនៃការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង៖ ២០២៦។ ក្នុងនោះ មានបេក្ខជនជាសិស្សានុសិស្សឆ្នើមចំនួន ៣រូប បានប្រឡងជាប់ជោគជ័យដោយទទួលបានលទ្ធផលផ្កាយព្រឹកគឺ និទ្ទេស A លើកម្រងផ្នែកសិក្សាសង្គម និងវិទ្យាសាស្ត្រ។

សាលាអន្តរជាតិព្រះសីហនុ (ISPS) បានរៀបចំពិធីអបអរសាទរ និងផ្តល់ការលើកទឹកចិត្តដល់សិស្សានុសិស្សដែលទទួលបានជ័យលាភី និងសមិទ្ធផលក្នុងឆ្នាំសិក្សា ២០២៥-២០២៦ ដល់សិស្សជាង១០០នាក់ ។

សាលាបឋមសិក្សា ហ៊ុន សែន មិត្តភាព ក្នុងខេត្តព្រះសីហនុ ត្រូវបានប្រកាសទទួលជ័យលាភីចំណាត់ថ្នាក់លេខ១ ជាអង្គភាពផ្តល់សេវាសាធារណៈគំរូក្នុងវិស័យអប់រំ ដែលនេះជាមោទនភាពដ៏ធំធេង និងឆ្លុះបញ្ចាំងពីការរីកចម្រើនឥតឈប់ឈរនៃវិស័យអប់រំនៅក្នុងខេត្តតំបន់ឆ្នេរមួយនេះ។

ខេត្តព្រះសីហនុ ថ្ងៃទី១០ ខែកក្កដា ឆ្នាំ២០២៦ ការរៀបចំសិក្ខាសាលានេះ គឺជាផ្នែកមួយនៃការអនុវត្តទិសដៅកំណែទម្រង់វិស័យអប់រំ ដែលផ្តោតលើការលើកកម្ពស់គុណភាពនៃការបង្រៀន និងការរៀន ព្រមទាំងការ កសាងស្តង់ដាសាលារៀនគំរូ ក្រោមអធិបតីភាព ឯកឧត្តម កែ ប៊ុនទៀង រដ្ឋលេខាធិការក្រសួងអប់រំ យុវជន និងកីឡា មានខេត្តចំនួន៤ និងមានសិក្ខាកាមចូលរួមចំនួន៤៦នាក់ ក្នុងនោះមានស្ត្រី១៧នាក់ មកពីខេត្តព្រះសីហនុ កណ្តាល ព្រៃវែង និងកោះកុង ដែលប្រព្រឹត្តទៅរយៈពេល៤ថ្ងៃ ចាប់ពីថ្ងៃទី៧ ដល់ថ្ងៃទី១០ ខែកក្កដា ឆ្នាំ២០២៦ នៅសាលប្រជុំ វិទ្យល័យក្រុងព្រះសីហនុ។

នៅព្រឹកថ្ងៃទី៧ ខែកក្កដា ឆ្នាំ២០២៦ លោក អ៉ី ធារិន អភិបាលនៃគណៈអភិបាលស្រុកព្រៃនប់ បានអញ្ជើញចុះពិនិត្យ និងបើកវិញ្ញាសាប្រឡងសញ្ញាបត្រមធ្យមសិក្សាបឋមភូមិ (ឌីប្លូម) សម័យប្រឡង ៦ កក្កដា ២០២៦ នៅមណ្ឌលប្រឡងសាលារៀន គី ប៊ុនឈោង ស្ថិតក្នុងឃុំវាលរេញ ស្រុកព្រៃនប់ ខេត្តព្រះសីហនុ។

នៅព្រឹកថ្ងៃទី៦ ខែកក្កដា ឆ្នាំ២០២៦ វិទ្យាល័យព្រែកស្វាយ ដែលស្ថិតក្នុងក្រុងកោះរ៉ុង ខេត្តព្រះសីហនុ បានរៀបចំដំណើរការប្រឡងសញ្ញាបត្រមធ្យមសិក្សាបឋមភូមិ (ឌីប្លូម) យ៉ាងមមាញឹក ដោយប្រកាន់ខ្ជាប់នូវភាពត្រឹមត្រូវ របៀបរៀបរយ សុវត្ថិភាព និងតម្លាភាព។

នៅព្រឹកថ្ងៃទី៦ ខែកក្កដា ឆ្នាំ២០២៦ លោក នួន ប៊ុនថុល អភិបាលនៃគណៈអភិបាលក្រុងកំពង់សោម បានអញ្ជើញជាអធិបតីក្នុងពិធីកាត់ស្រោមវិញ្ញាសាប្រឡងសញ្ញាបត្រមធ្យមសិក្សាបឋមភូមិ (ឌីប្លូម) នៅមណ្ឌលប្រឡងក្នុងក្រុងកំពង់សោម ដើម្បីផ្តល់ភាពស្របច្បាប់ និងធានាបាននូវតម្លាភាពក្នុងដំណើរការប្រឡង។

នៅព្រឹកថ្ងៃចន្ទ ទី៦ ខែកក្កដា ឆ្នាំ២០២៦ លោក ចាន់ ពន្លក អភិបាលរងស្រុក បានអញ្ជើញចុះពិនិត្យដំណើរការសំណេរការប្រឡងសញ្ញាបត្រមធ្យមសិក្សាបឋមភូមិ (ឌីប្លូម) សម័យប្រឡង ៦ កក្កដា ២០២៦ នៅមណ្ឌលប្រឡងវិទ្យាល័យហ៊ុនសែនកំពង់សិលា។

នៅព្រឹកថ្ងៃចន្ទ ទី៦ ខែកក្កដា ឆ្នាំ២០២៦ នេះ លោក អុី ធារិន អភិបាលនៃគណៈអភិបាលស្រុកព្រៃនប់ បានអញ្ជើញជាអធិបតីក្នុងពិធីបើកវិញ្ញាសាប្រឡងសញ្ញាបត្រមធ្យមសិក្សាបឋមភូមិ (ឌីប្លូម) សម័យប្រឡង ៦ កក្កដា ២០២៦ នៅមណ្ឌលប្រឡងវិទ្យាល័យ ហ៊ុន សែន វាលរេញ ស្ថិតក្នុងស្រុកព្រៃនប់ ខេត្តព្រះសីហនុ។

ខេត្តព្រះសីហនុ៖ នៅព្រឹកថ្ងៃទី២៣ ខែមិថុនា ឆ្នាំ២០២៦ លោកស្រី អ៊ុច សោភា ប្រធានមន្ទីរអប់រំ យុវជន និងកីឡាខេត្តព្រះសីហនុ បានអញ្ជើញចូលរួមជាអធិបតីក្នុងពិធីចុះហត្ថលេខាលើអនុស្សរណៈនៃការយោគយល់ (MoU) ដ៏មានសារៈសំខាន់មួយ រវាងវិទ្យាស្ថានពហុបច្ចេកទេសខេត្តព្រះសីហនុ និងវិទ្យាល័យចំនួន ១១ ក្នុងខេត្តព្រះសីហនុ។