ព័ត៌មានក្នុងខេត្ត

ក្រសួងពាណិជ្ជកម្ម បានចេញសេចក្តីជូនដំណឹងស្តីពីថ្លៃលក់រាយប្រេងឥន្ធនៈនៅតាមស្ថានីយទូទាំងប្រទេស សម្រាប់ការអនុវត្តចាប់ពីវេលាម៉ោង ១:០០ រសៀល ថ្ងៃទី២១ ខែកក្កដា ឆ្នាំ២០២៦ រហូតដល់ថ្ងៃទី២៨ ខែកក្កដា ឆ្នាំ២០២៦។

ដំណើរការចុះបញ្ជីដីធ្លីដែលមានប្រព័ន្ធនៅតែបន្តធ្វើឡើងយ៉ាងសកម្ម ដើម្បីធានាសិទ្ធិកាន់កាប់ស្របច្បាប់ជូនប្រជាពលរដ្ឋ។ ជាក់ស្តែង នៅថ្ងៃទី២១ ខែកក្កដា ឆ្នាំ២០២៦ ក្រុមការងារចុះបញ្ជីដីធ្លីដែលមានប្រព័ន្ធប្រចាំសង្កាត់លេខ១ បាននិងកំពុងបន្តចែកជូនប័ណ្ណកម្មសិទ្ធិដីធ្លី (ប្លង់រឹង) ជូនដល់ប្រជាពលរដ្ឋយ៉ាងកុះករ នៅឯទីស្នាក់ការភូមិ២ ក្រុងព្រះសីហនុ ខេត្តព្រះសីហនុ។

នៅរសៀលថ្ងៃទី២០ ខែកក្កដា ឆ្នាំ២០២៦ ឧត្តមសេនីយ៍ត្រី នូវ សំអុល មេបញ្ជាការតំបន់ប្រតិបត្តិការសឹកងរព្រះសីហនុ និងជាប្រធានលេខាធិការដ្ឋានគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្ត រួមជាមួយសហការី ជាតំណាងដ៏ខ្ពង់ខ្ពស់របស់ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្ត និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្តព្រះសីហនុ បានចុះប្រគល់ដីទំហំ (១០ម x ៥០ម) និងផ្ទះចំនួន ១ខ្នង ជូនដល់គ្រួសារលោក ម៉ៅ រឿន។

នៅថ្ងៃទី២០ ខែកក្កដា ឆ្នាំ២០២៦ លោក អុី ធារិន អភិបាលស្រុកព្រៃនប់ បានអញ្ជើញចុះជួបសំណេះសំណាល និងសួរសុខទុក្ខដោយផ្ទាល់ជាមួយប្អូនៗ ជាសិស្សានុសិស្សថ្នាក់មត្តេយ្យសិក្សា នៃសាលាបឋមសិក្សា ហ៊ុន សែន វាលរេញ ដែលមានទីតាំងស្ថិតនៅ ឃុំវាលរេញ ស្រុកព្រៃនប់ ខេត្តព្រះសីហនុ។

នៅរសៀលថ្ងៃទី២០ ខែកក្កដា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបពិភាក្សាការងារទ្វេភាគីជាមួយ លោកជំទាវ Ma. Theresa P. Lazaro រដ្ឋមន្ត្រីការបរទេសហ្វីលីពីន ក្នុងឱកាសអញ្ជើញចូលរួមកិច្ចប្រជុំរដ្ឋមន្ត្រីការបរទេសអាស៊ាន លើកទី៥៩ និងកិច្ចប្រជុំពាក់ព័ន្ធ នៅទីក្រុងម៉ានីល សាធារណរដ្ឋហ្វីលីពីន។

នៅព្រឹកថ្ងៃទី២០ ខែកក្កដា ឆ្នាំ២០២៦ លោក ជា វ៉ាន់ណាក់ និងភរិយា ព្រមទាំងក្រុមការងារ បាននាំយកនូវទេយ្យទាន និងគ្រឿងឧបភោគបរិភោគដ៏ច្រើនសន្ធឹកសន្ធាប់ មកប្រគល់ជូនរដ្ឋបាលស្រុក ដើម្បីចាត់ចែងរៀបចំប្រគេនដល់ព្រះសង្ឃដែលនឹងគង់ចាំព្រះវស្សាអស់ត្រីមាសក្នុងឆ្នាំនេះ។

នាព្រឹកថ្ងៃទី២០ ខែកក្កដា ឆ្នាំ២០២៦ នេះ រដ្ឋបាលខេត្តព្រះសីហនុ បានរៀបចំកិច្ចប្រជុំពិភាក្សាស្តីពីការត្រៀមរៀបចំព្រឹត្តិការណ៍ទេសចរណ៍នានា ក្នុងគោលបំណងចូលរួមជំរុញយុទ្ធនាការទេសចរណ៍ «រដូវកាលបៃតង ខេត្តព្រះសីហនុ ឆ្នាំ២០២៦» ឱ្យប្រព្រឹត្តទៅដោយរលូន និងមានភាពទាក់ទាញ។

នាព្រឹកថ្ងៃទី២០ ខែកក្កដា ឆ្នាំ២០២៦ យោងតាមផែនការរបស់កងទ័ពជើងគោក តំបន់ប្រតិបត្តិការសឹករងព្រះសីហនុ បានប្រារព្ធពិធីបើកវគ្គហ្វឹកហ្វឺនបំប៉នពង្រឹងសមត្ថភាពដល់នាយទាហាន នាយទាហានរង និងពលទាហាន ប្រចាំឆ្នាំ២០២៦។

នៅរសៀលថ្ងៃទី២០ ខែកក្កដា ឆ្នាំ២០២៦ ឯកឧត្តម សាមុត សុធារិទ្ធ អភិបាលរងខេត្តព្រះសីហនុ និងលោក សួស សេរីសួស្តី អភិបាលរងខេត្តព្រះសីហនុ បានដឹកនាំកិច្ចប្រជុំជាមួយមន្ទីរ និងអង្គភាពពាក់ព័ន្ធ ដើម្បីពិនិត្យ និងរៀបចំផែនការយុទ្ធសាស្ត្រស្តីពីការដំឡើងប្រព័ន្ធភ្លើងបំភ្លឺផ្លូវសាធារណៈដែលប្រើប្រាស់ថាមពលពន្លឺព្រះអាទិត្យ (សូឡា) ។

អនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលណែនាំជាប្រចាំរបស់ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ នៅព្រឹកថ្ងៃចន្ទ ៦កើត ខែទុតិយាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២០ ខែកក្កដា ឆ្នាំ២០២៦ កម្លាំងជំនាញនៃការិយាល័យនគរបាលចរាចរណ៍ផ្លូវគោក បានសហការជាមួយតំណាងមន្ទីរសាធារណការ និងដឹកជញ្ជូនខេត្តព្រះសីហនុ ចុះផ្សព្វផ្សាយគោលនយោបាយ «ភូមិ ឃុំ មានសុវត្ថិភាព» និងច្បាប់ស្តីពីចរាចរណ៍ផ្លូវគោក ដល់សិស្សានុសិស្ស។

ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលណែនាំជាប្រចាំរបស់ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ ចាប់ពីថ្ងៃទី១៥ ដល់ថ្ងៃទី១៨ ខែកក្កដា ឆ្នាំ២០២៦ កម្លាំងជំនាញផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្តព្រះសីហនុ សហការជាមួយកម្លាំងអធិការដ្ឋាននគរបាលក្រុង-ស្រុកពាក់ព័ន្ធ បានបើកការស្រាវជ្រាវ បង្ក្រាប និងឃាត់ខ្លួនជនសង្ស័យពាក់ព័ន្ធបទល្មើសផ្សេងៗបានជាបន្តបន្ទាប់ ។

នៅថ្ងៃទី១៩ ខែកក្កដា ឆ្នាំ២០២៦ នេះ អ្នកឧកញ៉ា ទៀ វិចិត្រ បានទទួលសត្វអណ្តើកសមុទ្រ (ក្រាស់) ចំនួន ៣ក្បាល និងសត្វល្មិចចំនួន ១ក្បាល ពីបងប្អូនប្រជាពលរដ្ឋ ដើម្បីយកទៅព្រលែងចូលក្នុងសមុទ្រធម្មជាតិវិញ ដែលជាព្រឹត្តិការណ៍នៃការព្រលែងសត្វអណ្តើកសមុទ្រ (ក្រាស់) និងសត្វល្មិចលើកទី១៤០ ហើយ។