ព័ត៌មានក្នុងខេត្ត

ខេត្តព្រះសីហនុ៖ នៅព្រឹកថ្ងៃសុក្រ ទី១០ ខែកក្កដា ឆ្នាំ២០២៦ ក្រុមការងារកម្មវិធីសុខភាពភ្នែក នៃមន្ទីរសុខាភិបាលនៃរដ្ឋបាលខេត្តព្រះសីហនុ បានសហការជាមួយក្រុមគ្រូពេទ្យឯកទេសភ្នែកនៃមន្ទីរពេទ្យបង្អែកខេត្ត ចុះប្រតិបត្តិការពិនិត្យ និងព្យាបាលជំងឺភ្នែកជូនប្រជាពលរដ្ឋដោយឥតគិតថ្លៃ នៅមណ្ឌលសុខភាពអូរតាសេក។

នារសៀលថ្ងៃទី៩ ខែកក្កដា ឆ្នាំ២០២៦ ក្រុមការងារបច្ចេកទេសនៃមន្ទីរសុខាភិបាលនៃរដ្ឋបាលខេត្តព្រះសីហនុ បានចុះបំពេញបេសកកម្មចុះត្រួតពិនិត្យ និងវាយតម្លៃជាក់ស្តែងតាមការស្នើសុំវិញ្ញាបនបត្រអនាម័យចំណីអាហារ នៅតាមភោជនីយដ្ឋាន និងអាហារដ្ឋានចំនួន ០៨ ទីតាំង ក្នុងភូមិសាស្ត្រខេត្តព្រះសីហនុ ។

នាព្រឹកថ្ងៃទី០៧ ខែកក្កដា ឆ្នាំ២០២៦ មន្ទីរសុខាភិបាលនៃរដ្ឋបាលខេត្តព្រះសីហនុ បានរៀបចំដំណើរទស្សនកិច្ចសិក្សាស្វែងយល់ពីការផ្ដល់សេវានៅមន្ទីរពេទ្យបង្អែកខេត្តព្រះសីហនុ ដោយមានការចូលរួមពីថ្នាក់ដឹកនាំមន្ទីរសុខាភិបាល និងប្រធានមណ្ឌលសុខភាពទាំង ១៨ ក្នុងខេត្ត។

មន្ទីរសុខាភិបាលនៃរដ្ឋបាលខេត្តព្រះសីហនុ បានរៀបចំកិច្ចប្រជុំត្រួតពិនិត្យ និងវាយតម្លៃលទ្ធផលការងារប្រចាំខែមិថុនា ឆ្នាំ២០២៦ កាលពីថ្ងៃទី០៦ ខែកក្កដា ឆ្នាំ២០២៦ កន្លងទៅនេះ ដើម្បីពិនិត្យលើវឌ្ឍនភាព និងដាក់ចេញទិសដៅការងារសម្រាប់ខែកក្កដា។

កម្មវិធីជំងឺមិនឆ្លង នៃមន្ទីរសុខាភិបាលនៃរដ្ឋបាលខេត្តព្រះសីហនុ បានរៀបចំកិច្ចប្រជុំពិនិត្យវឌ្ឍនភាពការងារគ្រប់គ្រង និងព្យាបាលជំងឺមិនឆ្លង (ជំងឺទឹកនោមផ្អែម និងលើសសម្ពាធឈាម) ប្រចាំត្រីមាសទី២ កាលពីថ្ងៃទី០៣ ខែកក្កដា ឆ្នាំ២០២៦។

នៅថ្ងៃទី០២ ខែកក្កដា ឆ្នាំ២០២៦ លោកស្រី លឹម សាមាន ប្រធានមន្ទីរសុខាភិបាលនៃរដ្ឋបាលខេត្តព្រះសីហនុ បានអញ្ជើញចូលរួមក្នុង «កិច្ចប្រជុំស្តីពីការរៀបចំផែនការអនុវត្តគម្រោងអភិបាលកិច្ចសុខភាពភ្នែក» ដែលបានប្រព្រឹត្តទៅផ្ទាល់នៅសណ្ឋាគារកាំបូឌីយ៉ាណា រាជធានីភ្នំពេញ។

កាលពីថ្ងៃទី០១ ខែកក្កដា ឆ្នាំ២០២៦ ក្រុមការងារមន្ត្រីជំនាញនៃកម្មវិធីគ្រុនឈាម នៃមន្ទីរសុខាភិបាលនៃរដ្ឋបាលខេត្តព្រះសីហនុ បានចុះប្រតិបត្តិការយ៉ាងសកម្មក្នុងការអង្កេត ស្រាវជ្រាវ និងឆ្លើយតបជាបន្ទាន់ចំពោះករណីវិជ្ជមានជំងឺគ្រុនឈាម ដែលបានរកឃើញនៅក្នុងមូលដ្ឋានស្រុកស្ទឹងហាវ។

ដោយមើលឃើញពីភាពចាំបាច់ និងស្ថានភាពបន្ទាន់នៃការឈឺថ្កាត់របស់ប្រជាពលរដ្ឋក្នុងមូលដ្ឋាន កាលពីយប់ថ្ងៃទី៣១ ខែមិថុនា ឆ្នាំ២០២៦ អ្នកឧកញ៉ា ទៀ វិចិត្រ បានបញ្ជាផ្ទាល់ឱ្យក្រុមការងារចុះជួយអន្តរាគមន៍បន្ទាន់ ដោយបញ្ជូនកុមារម្នាក់ដែលកំពុងមានជំងឺធ្ងន់ធ្ងរពីកោះរ៉ុង មកកាន់ខេត្តព្រះសីហនុ ដើម្បីទទួលការព្យាបាលនៅមន្ទីរពេទ្យ។

ខេត្តព្រះសីហនុ៖ នារសៀលថ្ងៃទី១០ ខែមិថុនា ឆ្នាំ២០២៦ ក្រុមការងារបច្ចេកទេសនៃមន្ទីរសុខាភិបាលខេត្តព្រះសីហនុ ដឹកនាំដោយលោក គី កែវសំរិត បានសហការជាមួយលោក កុយ សាមឌី អភិបាលរងនៃគណៈអភិបាលស្រុកស្ទឹងហាវ ចុះបំពេញបេសកកម្មការងារដើម្បីត្រួតពិនិត្យស្ថានភាពហេដ្ឋារចនាសម្ព័ន្ធ និងដឹកនាំកិច្ចប្រជុំប្រចាំខែ ជាមួយមន្ត្រីរាជការ និងបុគ្គលិកសុខាភិបាលនៃមណ្ឌលសុខភាពស្ទឹងហាវ។

ខេត្តព្រះសីហនុ៖ នាព្រឹកថ្ងៃទី១០ ខែមិថុនា ឆ្នាំ២០២៦ លោក នៃ គង់ អភិបាលរងខេត្តព្រះសីហនុ បានដឹកនាំមន្ត្រីជំនាញ និងថ្នាក់ដឹកនាំមន្ទីរ-អង្គភាពពាក់ព័ន្ធ ចូលរួមកិច្ចប្រជុំបូកសរុបលទ្ធផលការងារគ្រប់គ្រងកម្មវិធីទូរស័ព្ទដៃ NoDrugតាមប្រព័ន្ធពីចម្ងាយZoomនៅសាលប្រជុំសាលាខេត្តព្រះសីហនុ(អគារ«ដឺរិចម្លប់ជ្រៃ»)។ កិច្ចប្រជុំដ៏មានសារៈសំខាន់នេះ បានប្រព្រឹត្តទៅក្រោមអធិបតីភាព ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការ និងជាប្រធានគណៈកម្មការគ្រប់គ្រងកម្មវិធីទូរស័ព្ទដៃ NoDrug ដោយមានការចូលរួមពីថ្នាក់ដឹកនាំ និងមន្ត្រីពាក់ព័ន្ធតាមរាជធានី-ខេត្តទូទាំងប្រទេស។មានមតិបើកកម្មវិធី ឯកឧត្តម នាយឧត្តមសេនីយ៍ មាស វិរិទ្ធ បានលើកឡើងអំពីសារៈសំខាន់នៃការប្រើប្រាស់កម្មវិធីទូរស័ព្ទដៃ NoDrug ក្នុងការគាំទ្រការងារបង្ការ ទប់ស្កាត់ និងប្រយុទ្ធប្រឆាំងគ្រឿងញៀនព្រមទាំងជំរុញការចូលរួមពីគ្រប់ភាគីពាក់ព័ន្ធឱ្យកាន់តែមានប្រសិទ្ធភាព។ យោងតាមរបាយការណ៍សង្ខេប ជូនអង្គពិធីលោក នៃ គង់ ក្នុងនាមរដ្ឋបាលខេត្តបានបញ្ជាក់ថា ខេត្តព្រះសីហនុបានដោះស្រាយបណ្តឹងតាមរយ:app nodruge បានចំនួន៦១ ករណី និង១៤ ករណីទៀតដោះស្រាយមិនទាន់បានព្រោះថាគោលដៅប្រព្រឹត្តបានផ្លាស់ប្ដូរទីតាំងឬប្រភពមិនច្បាស់លាស់។ មួយវិញទៀតប្រជាពលរដ្ឋដែលមាន app no druge ក៍ចង់ដឹងពីប្រតិកម្មរហ័សរបស់សមត្ថកិច្ចចំពោះអ្វីដែលប្រជាពលរដ្ឋរាយការណ៍ជូនសមត្ថកិច្ចជំនាញ។ កិច្ចប្រជុំបានស្តាប់នូវរបាយការណ៍និងបទបង្ហាញសំខាន់ៗរួមមាន៖ -សង្ខេបលទ្ឋផលការងារគ្រប់គ្រងកម្មវិធីទូរស័ព្ទដៃNoDrug ការងារបច្ចេកទេស និងបានបង្ហាញថាapp nodruge លើទូរស័ព្ទដៃ បានចាប់ផ្តើមដាក់អោយមហាជនទាញយកប្រើជាប្រយោជន៍ សម្រាប់ការរាយការណ៍ជូនសមត្ថកិច្ចជំនាញ ចាប់ពី ខែមេសាឆ្នាំ២០២៤ហើយកំណើននៃការប្រើប្រាស់នេះមានការកើនឡើងជាបន្តបន្ទាប់គួរអោយកត់សម្គាល់។ -បទបង្ហាញផ្សព្វផ្សាយអប់រំលើការងារជំរុញនិងផលិតមាតិកាផ្សព្វផ្សាយ។ -ការងារទទួលនិងដោះស្រាយបញ្ហាប្រចាំ២៤ម៉ោងលើ២៤ម៉ោងនិង៧ថ្ងៃលើ៧ថ្ងៃ(24/7)។ ក្នុងនាមអគ្គលេខាធិការ និងជាប្រធានគណៈកម្មការគ្រប់គ្រងកម្មវិធីទូរស័ព្ទដៃ NoDrug ឯកឧត្តម នាយឧត្តមសេនីយ៍ មាស វិរិទ្ធ តាមរយៈកិច្ចប្រជុំនេះ បានពិនិត្យ វាយតម្លៃ និងពិភាក្សាលើលទ្ធផលការងារដែលសម្រេចបាន ក៏ដូចជាបញ្ហាប្រឈមនានាក្នុងការអនុវត្តកម្មវិធី NoDrug ដើម្បីរកដំណោះស្រាយ និងលើកកម្ពស់ប្រសិទ្ធភាពនៃការប្រើប្រាស់កម្មវិធីឱ្យកាន់តែទូលំទូលាយនិងមានប្រសិទ្ធភាពខ្ពស់និងជម្រុញអោយថ្នាក់មូលដ្ឋានធ្វើការសកម្មបន្ថែមទៀត។ ឯកឧត្តម បានធ្វើការបូកសរុបលទ្ធផលកិច្ចប្រជុំ ផ្តល់អនុសាសន៍ និងទិសដៅការងារបន្ត ដល់គ្រប់ភាគីពាក់ព័ន្ធ ដើម្បីបន្តពង្រឹងការគ្រប់គ្រង ការផ្សព្វផ្សាយ និងការប្រើប្រាស់កម្មវិធីទូរស័ព្ទដៃ NoDrug ឱ្យកាន់តែមានប្រសិទ្ធភាព ក្នុងការចូលរួមចំណែកអនុវត្តយុទ្ធនាការបោសសម្អាត ប្រយុទ្ធប្រឆាំងគ្រឿងញៀននៅកម្ពុជា៕ អត្ថបទ,រូបភាព៖និន សុផារ