ព័ត៌មានក្នុងខេត្ត

ព្រឹត្តិការណ៍ «សមរាត្រី» ថ្ងៃរះចំកំពូលកណ្តាលប្រាសាទអង្គរវត្ត នាព្រឹកព្រលឹមថ្ងៃទី២២ ខែកញ្ញា ឆ្នាំ២០២៦ បានទាក់ទាញភ្ញៀវទេសចរជាតិ និងអន្តរជាតិយ៉ាងច្រើនកុះករមកទស្សនា ផ្តិតយកទិដ្ឋភាពដ៏ពិសេសនៃបាតុភូតធម្មជាតិ និងស្ថាបត្យកម្មបុរាណដ៏ល្បីល្បាញរបស់កម្ពុជាបើទោះបីជាអាកាសធាតុមិនអំណោយផល និងមិនអាចមើលឃើញព្រះអាទិត្យរះដូចការរំពឹងទុកក៏ដោយ។

ក្រសួងទេសចរណ៍ និងក្រុមហ៊ុន មិត្តហ្វូន (Metfone) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាផ្លូវការ ដើម្បីគាំទ្រយុទ្ធនាការថ្មី « ស្រុកខ្ញុំ ម្ហូបខ្ញុំ My Village, My Food » ក្នុងគោលបំណងលើកស្ទួយបេតិកភណ្ឌវប្បធម៌អាហារ និងជំរុញវិស័យទេសចរណ៍កម្ពុជាឱ្យកាន់តែមានភាពរស់រវើកនៅលើឆាកអន្តរជាតិ។

ទីស្តីការក្រសួងទេសចរណ៍, រសៀលថ្ងៃទី៥ ខែកញ្ញា ឆ្នាំ២០២៦ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូន លោក ឡៅ ស៊ុនលី ចាងហ្វាងផលិតកម្មប្រាយ ហ្វីម និងសហការី ព្រមទាំងតារាសម្តែងលោក ដាវ ឡឺឌុក (Dave Leduc) ជនជាតិកាណាដា ចូលជួបសម្តែងការគួរសម និងពិភាក្សាការងារ ព្រមទាំងរាយការណ៍អំពីគម្រោងផលិតភាពយន្តរឿង «ល្បុក្កតោ៖ អ្នកចម្បាំងអង្គរ» នៅព្រះរាជាណាចក្រកម្ពុជា។

ភូមិនេសាទកោះខ្យង ស្ថិតនៅក្នុងសង្កាត់អូរជ្រៅ ក្រុងកំពង់សោម ត្រូវបានគេស្គាល់ថាជាតំបន់នេសាទដ៏មានសក្តានុពល និងជាប្រភពផ្គត់ផ្គង់គ្រឿងសមុទ្រដ៏សំខាន់មួយក្នុងខេត្តព្រះសីហនុ។

ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ថ្លែងថា គោលបំណងចម្បងដែលនៃកម្មវេទិកានេះដើម្បី ១. ផ្សព្វផ្សាយយុទ្ធនាការរដូវកាលបៃតង (Green Season)៖ បង្ហាញពីទេសភាពស្រស់ត្រកាល វប្បធម៌ដ៏សម្បូរបែប និងបរិយាកាសសុខសន្តិភាពនៃខេត្តព្រះសីហនុ។ ២. ទាក់ទាញវិនិយោគិន និងទេសចរចិន៖ ជំរុញការទាក់ទាញធុរកិច្ចទេសចរចិន វិនិយោគិន និងការជើងហោះហើរត្រង់រវាងប្រទេសចិន និងខេត្តព្រះសីហនុ។

នាព្រឹកថ្ងៃទី២៩ ខែកក្កដា ឆ្នាំ២០២៦ រដ្ឋបាលខេត្តព្រះសីហនុ បានរៀបចំ «វេទិកាធុរកិច្ចទេសចរណ៍ ឆ្នាំ២០២៦» ក្រោមប្រធានបទ «ផ្សព្វផ្សាយយុទ្ធនាការរដូវកាលបៃតង ទស្សនាខេត្តព្រះសីហនុ-កម្ពុជា» ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និង ឯកឧត្តម ម៉ាង ស៊ីណេតអភិបាលនៃគណៈអភិបាលខេត្តព្រះសីហនុ។

សម្រាប់ភ្ញៀវទេសចរណ៍ ដែលនិយមដំណើរកម្សាន្តបែបផ្សងព្រេង និងចង់ស្វែងយល់ពីពិភពក្រោមបាតសមុទ្រ ពេលនេះជាឱកាសដ៏ល្អបំផុត ទោះបីជាស្ថិតក្នុងរដូវកាលបៃតង (Green Season) ក៏ដោយ ក៏សកម្មភាពមុជទឹកទស្សនាបាតសមុទ្រនៅតែដំណើរការជាធម្មតាជារៀងរាល់ថ្ងៃ លើកលែងតែថ្ងៃណាដែលមានអាកាសធាតុមិនល្អខ្លាំងប៉ុណ្ណោះ នេះបើតាមការបញ្ជាក់ពីក្រុមការងារ Khmer Dive Group ។

នៅថ្ងៃទី២៣ ខែមិថុនា ឆ្នាំ២០២៦ សហគមន៍អេកូទេសចរណ៍ព្រែកកោងកាង ដោយមានការសហការជាមួយអង្គការ HOKA សមាគមទីភ្នាក់ងារទេសចរណ៍កម្ពុជា (CATA) និងក្រសួងទេសចរណ៍ បានរៀបចំពិធីបើកវគ្គបណ្តុះបណ្តាលជំនាញវិជ្ជាជីវៈផ្នែកទេសចរណ៍ ដែលមានរយៈពេល ៧ថ្ងៃ សម្រាប់ប្រជាពលរដ្ឋ និងបុគ្គលិកបម្រើការងារក្នុងវិស័យទេសចរណ៍នៅក្រុងកោះរ៉ុង។

ក្រុងកោះរ៉ុង ខេត្តព្រះសីហនុ ជាតំបន់ទេសចរណ៍ដ៏មានសក្តានុពល និងសម្បូរទៅដោយធនធានធម្មជាតិដ៏ស្រស់ស្អាត ដែលកំពុងទាក់ទាញភ្ញៀវទេសចរជាតិ និងអន្តរជាតិឱ្យមកទស្សនា និងសម្រាកកម្សាន្តកាន់តែច្រើនពីមួយឆ្នាំទៅមួយឆ្នាំ។

លោក ទីវ តារារិទ្ធិ គឺជាអ្នកជិះកង់ពីកម្ពុជាឆ្ពោះទៅទ្វីបអឺរ៉ុបក្នុងបេសកកម្មរៃអង្គាសថវិកាជួយដល់កុមារកម្ពុជា បានមកដល់អាកាសយានដ្ឋានអន្តរជាតិតេជោ ក្នុងខេត្តកណ្តាល នាល្ងាចថ្ងៃទី២២ ខែមិថុនា ឆ្នាំ២០២៦។