ព័ត៌មានក្នុងខេត្ត

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ពិធីប្រគល់សញ្ញាបត្រ ជូននិស្សិតជ័យលាភី ចំនួនជាង២ពាន់អង្គ/នាក់ នៃសាកលវិទ្យាល័យ អាស៊ី អឺរ៉ុប នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ នាព្រឹកថ្ងៃទី២ ខែតុលា ឆ្នាំ២០២៦។

ប្រតិភូបវរកញ្ញាស្ត្រីចក្រវាលមកពី ៤៨ ប្រទេស រួមជាមួយអ្នកចូលរួមសរុបជាង ១០០ នាក់ បានអញ្ជើញមកបំពេញទស្សនកិច្ចសិក្សារយៈពេល ២ ថ្ងៃ (ថ្ងៃទី១-២ ខែតុលា ឆ្នាំ២០២៦) នៅខេត្តព្រះសីហនុ ក្នុងគោលបំណងស្វែងយល់ និងជួយផ្សព្វផ្សាយពីតំបន់ទេសចរណ៍ធម្មជាតិដ៏ឆ្នើមរបស់កម្ពុជាទៅកាន់ពិភពលោក។

ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងជាប្រធានអនុគណៈកម្មការសារព័ត៌មាន និងផ្សព្វផ្សាយ អញ្ជើញធ្វើបទបង្ហាញជូនគណៈប្រតិភូនាំមុខមកពីបណ្តាប្រទេសនានាអំពីការត្រៀមរៀបចំការងារសារព័ត៌មាន និងផ្សព្វផ្សាយ សម្រាប់កិច្ចប្រជុំកំពូលហ្វ្រង់កូហ្វូនី លើកទី២០ (20th Francophonie Summit) ដែលកម្ពុជានឹងធ្វើជាម្ចាស់ផ្ទះ ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៦ នៅរាជធានីភ្នំពេញ នាព្រឹកថ្ងៃទី២ ខែតុលា ឆ្នាំ២០២៦ នៅសណ្ឋាគារ រ៉េស៊ីដង់សុខាភ្នំពេញ។

ខេត្តព្រះសីហនុ មានកិត្តិយសដ៏ឧត្តុង្គឧត្តមស្វាគមន៍វត្តមានដ៏ស្រស់ស្អាតរបស់ បវរកញ្ញាសកលលោក (Miss Universe) ដែលបានអញ្ជើញមកបំពេញទស្សនកិច្ចកំសាន្តដ៏រីករាយនៅ ក្រុងកោះរ៉ុង។

រសៀលថ្ងៃទី១ ខែតុលា ឆ្នាំ២០២៦ លោក សាមុត សុធារិទ្ធ អភិបាលរងខេត្តព្រះសីហនុ និងលោកស្រី ជាតំណាងដ៏ខ្ពង់ខ្ពស់របស់ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញទទួលស្វាគមន៍យ៉ាងកក់ក្តៅចំពោះវត្តមានរបស់បវរកញ្ញាសកលលោក (Miss Universal) ដែលបានអញ្ជើញមកបំពេញទស្សនកិច្ចរយៈពេលពីរថ្ងៃនៅក្នុងខេត្តព្រះសីហនុ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ និងកាត់ខ្សែបូសម្ពោធដាក់ឱ្យប្រើប្រាស់ជាផ្លូវការផ្លូវជាតិលេខ១០ ដែលជាប្រព័ន្ធហេដ្ឋារចនាសម្ព័ន្ធមួយខ្សែដ៏មានសារៈសំខាន់ តភ្ជាប់ពីស្រុកសំឡូត ខេត្តបាត់ដំបង ឆ្លងកាត់ខេត្តពោធិ៍សាត់ ក្នុងភូមិសាស្ត្រឃុំប្រមោយ និងឃុំអូរសោម ស្រុកវាលវែង រហូតដល់ក្រុងខេមរភូមិន្ទ ខេត្តកោះកុង មានប្រវែងជាង ១៩៧គីឡូម៉ែត្រ

បរិយាកាសការងារដែលប្រកបដោយភាពរីករាយ និងទទួលបានលទ្ធផលការងារខ្ពស់ មិនមែនកើតឡើងដោយចៃដន្យនោះទេ ប៉ុន្តែវាត្រូវបានកសាងឡើងចេញពីឥរិយាបថវិជ្ជមាន និងទំនាក់ទំនងល្អរវាងសហការីគ្រប់រូប។

ក្រុមការងារឆ្លើយតបពហុវិស័យចំពោះអំពើហិង្សាទាក់ទងនឹងយេនឌ័រខេត្តព្រះសីហនុ បានគូសបញ្ជាក់ពីបញ្ហាប្រឈមសំខាន់ៗមួយចំនួន ដែលកំពុងរាំងស្ទះដល់ប្រសិទ្ធភាពនៃការអនុវត្តការងារ និងការផ្តល់សេវាជួយសង្គ្រោះដល់ជនរងគ្រោះក្នុងមូលដ្ឋាន។ នៅព្រឹកថ្ងៃទី៣០ ខែកញ្ញា ឆ្នាំ២០២៦ «កិច្ចប្រជុំបូកសរុបលទ្ធផលការងារ ប្រចាំត្រីមាសទី៣ និងលើកទិសដៅត្រីមាសបន្ត ឆ្នាំ២០២៦» របស់ក្រុមការងារឆ្លើយតបពហុវិស័យចំពោះអំពើហិង្សាទាក់ទងនឹងយេនឌ័រខេត្តព្រះសីហនុ ត្រូវបានរៀបចំធ្វើឡើង ដឹកនាំដោយ លោកស្រី ម៉ាក សំណាង អភិបាលរងនៃគណៈអភិបាលខេត្ត និងជាប្រធានក្រុមការងារ GBV ខេត្ត ។

លោក អ៉ី ធារិន អភិបាលនៃគណៈអភិបាលស្រុកព្រៃនប់ ព្រមទាំងក្រុមការងារ បានអញ្ជើញកាន់បិណ្ឌវេនទី៤ និងនាំយកទេយ្យទានវត្ថុទៅប្រគេនព្រះសង្ឃដែលគង់ចាំព្រះវស្សានៅវត្តទួលកែវ ស្ថិតក្នុងស្រុកព្រៃនប់ ខេត្តព្រះសីហនុ។

ខេត្តព្រះសីហនុ៖ នាព្រឹកថ្ងៃទី៣០ ខែកញ្ញា ឆ្នាំ២០២៦ ត្រូវនឹងថ្ងៃកាន់បិណ្ឌវេនទី៤ នៃពិធីបុណ្យកាន់បិណ្ឌ-ភ្ជុំបិណ្ឌ ដែលជាពិធីបុណ្យប្រពៃណីជាតិដ៏ថ្លៃថ្លារបស់ខ្មែរ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ អមដំណើរដោយលោក សាមុត សុធារឹទ្ធ អភិបាលរងខេត្ត ព្រមទាំងមន្ត្រីរាជការ និងពុទ្ធបរិស័ទយ៉ាងច្រើនកុះករ បានអញ្ជើញចូលរួមពិធីរាប់បាត ព្រមទាំងនាំយកចង្ហាន់ ទេយ្យទាន និងបច្ច័យ ទៅវេរប្រគេនជូនព្រះសង្ឃដែលកំពុងគង់ចាំព្រះវស្សា អស់ត្រីមាសក្នុងរដូវវស្សា នៅវត្តគិរីជលសារកោះរ៉ុង ស្ថិតក្នុងសង្កាត់កោះរ៉ុង ក្រុងកោះរ៉ុង ខេត្តព្រះសីហនុ។

ដើម្បីធានាដល់សុវត្ថិភាព សុខុមាលភាព និងការពារផលប្រយោជន៍របស់អ្នកប្រើប្រាស់ ក៏ដូចជាពុទ្ធបរិស័ទក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ មន្ត្រីសាខា ក.ប.ប. ខេត្តព្រះសីហនុ ក្រោមការដឹកនាំរបស់លោក ជា ប៊ុណ្ណារ៉ា អនុប្រធានសាខា បានសហការជាមួយមន្រ្ដីនៃមន្ទីរពាណិជ្ជកម្មខេត្តព្រះសីហនុ អាជ្ញាធរដែនដី និងប្រធានគណៈកម្មាធិការផ្សារ ដើម្បីចុះត្រួតពិនិត្យគុណភាព និងសុវត្ថិភាពទំនិញ ទេយ្យទាន និងកញ្ចប់វត្ថុអនុស្សាវរីយ៍តាមបណ្តាទីផ្សារ និងស្តង់នានាក្នុងខេត្ត។

ក្នុងគោលបំណងពង្រឹងសមត្ថភាពមន្ត្រីរាជការ និងលើកកម្ពស់ការប្រើប្រាស់បច្ចេកវិទ្យាឌីជីថលក្នុងការបំពេញការងាររដ្ឋបាលប្រចាំថ្ងៃ មន្ទីរប្រៃសណីយ៍ និងទូរគមនាគមន៍ខេត្តព្រះសីហនុ បានបើកវគ្គបណ្តុះបណ្តាលរយៈពេល ២ថ្ងៃ គឺចាប់ពីថ្ងៃទី២៩ ដល់ថ្ងៃទី៣០ ខែកញ្ញា ឆ្នាំ២០២៦ ស្តីពី «ការប្រើប្រាស់បញ្ញាសិប្បនិម្មិត (AI) ដើម្បីប្រសិទ្ធភាពការងារ»។