ព័ត៌មានក្នុងខេត្ត

ក្រោមការដឹកនាំបញ្ជាផ្ទាល់ពី ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ នៅថ្ងៃព្រហស្បតិ៍ ៦រោច ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣ ខែកញ្ញា ឆ្នាំ២០២៦ លោកវរសេនីយ៍ត្រី ចាន់ ពេជ្ររស្មី នាយការិយាល័យនគរបាលសណ្តាប់ធ្នាប់ បានដឹកនាំកម្លាំងសហការចុះប្រតិបត្តិការរៀបចំសណ្ដាប់ធ្នាប់សាធារណៈយ៉ាងសកម្ម។

ការិយាល័យនគរបាលសណ្ដាប់ធ្នាប់ នៃស្នងការដ្ឋាននគរបាលខេត្តព្រះសីហនុ បានចេញសេចក្តីប្រកាសជូនដំណឹង និងអំពាវនាវយ៉ាងទទូចដល់បងប្អូនប្រជាពលរដ្ឋ ម្ចាស់អាជីវកម្មលក់ដូរ ម្ចាស់គ្រឹះស្ថាន និងម្ចាស់ផ្ទះទាំងអស់ ដែលបានយកទ្រព្យសម្បត្តិសាធារណៈធ្វើជាប្រយោជន៍ផ្ទាល់ខ្លួន ដោយបានចតយានយន្តលើក្រានីតសម្រាប់ដើរថ្មើរជើង បង្កឲ្យមានភាពអាណាធិបតេយ្យ បាត់បង់សណ្ដាប់ធ្នាប់ និងខូចខាតទ្រព្យសម្បត្តិសាធារណៈ។

ASPIRE-AT ខេត្តព្រះសីហនុ សហការជាមួយ លោក សុខ ពិសិដ្ឋ មន្ត្រីបង្គោលសុវត្ថិភាពបរិស្ថាន បរិយាបន្នសង្គម និងភាពធន់នឹងអាកាសធាតុ (Safeguard) នៃមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានចុះអនុវត្តការបណ្តុះបណ្តាលស្តីពី «សុវត្ថិភាពបរិស្ថាន បរិយាបន្នសង្គម និងភាពធន់នឹងអាកាសធាតុ» ដល់សមាជិកសហគមន៍កសិកម្មមាន់ស្រែស្ទឹងហាវ ដែលប្រព្រឹត្តទៅនៅភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។

ខេត្តព្រះសីហនុ៖ ក្រោមការដឹកនាំ និងការចង្អុលបង្ហាញយ៉ាងម៉ឺងម៉ាត់ពីសំណាក់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និង ឯកឧត្ដម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ ព្រមទាំងការណែនាំជាប្រចាំពី ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ កម្លាំងជំនាញនៃការិយាល័យនគរបាលចរាចរណ៍ផ្លូវគោក បានចុះបេសកកម្មរឹតបន្តឹងការអនុវត្តច្បាប់ស្តីពីចរាចរណ៍ផ្លូវគោកយ៉ាងសកម្មក្នុងភូមិសាស្ត្រខេត្តព្រះសីហនុ។

ថ្ងៃទី៣១ ខែសីហា ឆ្នាំ២០២៦ ក្រោមការណែនាំផ្ទាល់ពីអភិបាល នៃគណៈអភិបាលខេត្តព្រះសីហនុ កម្លាំងគណៈបញ្ជាការឯកភាពរដ្ឋបាលក្រុងព្រះសីហនុ ដោយមានការសម្របសម្រួលនីតិវិធីពីតំណាងអយ្យការអមសាលាដំបូងខេត្ត បានចុះត្រួតពិនិត្យរដ្ឋបាលចំហលើទីតាំងផ្ទះល្វែងចំនួន ០៣ទីតាំងក្នុងប្លុកតែមួយ ស្ថិតនៅភូមិ៥ សង្កាត់លេខ៤ ក្រុងព្រះសីហនុ។

នៅថ្ងៃទី៣១ ខែសីហា ឆ្នាំ២០២៦ ក្រោមការណែនាំផ្ទាល់ពីឯកឧត្តម អភិបាល នៃគណៈអភិបាលខេត្ត កម្លាំងគណៈបញ្ជាការឯកភាពរដ្ឋបាលក្រុងព្រះសីហនុ សហការជាមួយតំណាងអយ្យការអមសាលាដំបូងខេត្តព្រះសីហនុ បានចុះត្រួតពិនិត្យរដ្ឋបាលចំហលើទីតាំងផ្ទះវីឡាមួយកន្លែង ស្ថិតនៅភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ។

នាព្រឹកថ្ងៃទី៣១ ខែសីហា ឆ្នាំ២០២៦លោក ចាន់ ពន្លក អភិបាលរងស្រុកកំពង់សីលា តំណាងលោក ឆាយ សុគន្ធដា អភិបាល នៃគណៈអភិបាលស្រុកកំពង់សីលា បានអញ្ជើញចូលរួមជាមួយសមាគមន៍កាស៊ីណូ ខាយ សៀន ប្រចាំខេត្តព្រះសីហនុ ដើម្បីនាំយកអំណោយដ៏ថ្លៃថ្លាជាសម្ភារៈសិក្សា ចំនួន ២០៤ឈុត ចែកជូនដល់សិស្សានុសិស្ស។

នាព្រឹកថ្ងៃសៅរ៍ ទី២៩ ខែសីហា ឆ្នាំ២០២៦ ក្រុមការងារគណបក្សចុះមូលដ្ឋានឃុំសាមគ្គី សហការជាមួយគណបក្សឃុំ នគរបាលរដ្ឋបាលឃុំ និងប្រជាការពារឃុំ បានចុះជួសជុលផ្ទះជូនប្រជាពលរដ្ឋរងគ្រោះ និងនាំយកអំណោយទៅឧបត្ថម្ភដល់ទីកន្លែងផ្ទាល់។

កម្លាំងការិយាល័យអត្តសញ្ញាណបណ្ណសញ្ជាតិខ្មែរ បានចុះជួយបំពេញបែបបទផ្តល់អត្តសញ្ញាណបណ្ណជូនប្រជាពលរដ្ឋដែលមានជំងឺដល់លំនៅដ្ឋាន ស្ថិតនៅភូមិ១ សង្កាត់លេខ១ ក្រុង-ខេត្តព្រះសីហនុ ៕

ក្រោមការដឹកនាំ និងបញ្ជាផ្ទាល់ពីសំណាក់ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ កម្លាំងជំនាញផែនការងារប្រឆាំងគ្រឿងញៀន បានបើកប្រតិបត្តិការល្បាតឆ្មក់ចូលទីតាំងភូមិសាស្ត្រស្មុគស្មាញមួយ និងបានឃាត់ខ្លួនជនសង្ស័យសរុបចំនួន ១០៤នាក់ (ស្រីម្នាក់) ពាក់ព័ន្ធនឹងបទល្មើសគ្រឿងញៀន។

បើកវគ្គបណ្ដុះបណ្ដាលសង្រ្គោះបឋមដល់ក្រុមបង្ការ និងពន្លត់អគ្គិភ័យស្ម័គ្រចិត្តចំណុះការិយាល័យ ដែលមានដូចជា ទ្រឹស្តីអំពីអគ្គិភ័យ, វិធីប្រើប្រាស់ទុយោទឹក និងពន្លត់អគ្គិភ័យ, វិធីប្រេីប្រាស់បំពង់ពន្លត់អគ្គិភ័យ, សង្គ្រោះបឋមពីអគ្គិភ័យ និងហ្វឹកហាត់អនុវត្តជាក់ស្តែង ដោយមានសមាជិកចូលរួមសរុបចំនួន១៥នាក់ នៅបរិវេណសួនវិមានឯករាជ្យ ស្ថិតនៅភូមិ៣ សង្កាត់លេខ៣ ក្រុង-ខេត្តព្រះសីហនុ ៕

ក្រោមការដឹកនាំ និងបញ្ជាផ្ទាល់ពី ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ និងអនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ កម្លាំងជំនាញនៃផែនការងារប្រឆាំងគ្រឿងញៀន នៃស្នងការដ្ឋាននគរបាលខេត្តព្រះសីហនុ បានបើកុយទ្ធនាការចុះស្រាវជ្រាវ និងបង្ក្រាបករណីជួញដូរដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យជាជនបរទេសចំនួន ៣នាក់ ព្រមទាំងដកហូតបានវត្ថុតាងគ្រឿងញៀនជាច្រើនកញ្ចប់។