ព័ត៌មានក្នុងខេត្ត

គ្រឿងញៀនជាង១តោននិងសាធាតុគីមីផ្សំជាង១តោនផង ត្រូវបានដុតកំទេចចោលក្នុងឱកាសប្រារព្ធពិធីអបអរសាទរ «ទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា»ដែលបានប្រព្រឹត្តទៅនៅព្រឹកថ្ងៃទី១៦ ខែកក្កដា ឆ្នាំ២០២៦ ស្ថិតក្នុងភូមិ១ សង្កាត់លេខ១ ក្រុងព្រះសីហនុក្រោមអធិបតីភាពរបស់ ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងលោក សួស សេរីសួស្ដី អភិបាលរងនៃគណៈអភិបាលខេត្ត តំណាង ឯកឧត្តម ម៉ាង ស៊ីណេត អភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀនខេត្តព្រះសីហនុ ។

នៅព្រឹក ថ្ងៃទី១៦ ខែកក្កដា ឆ្នាំ២០២៦ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានអញ្ជើញចុះជួបសំណេះសំណាលដោយផ្ទាល់ជាមួយក្រុមគ្រួសារលោក វ៉ាន់ លៀន អតីតយុទ្ធជនដែលមានជីវភាពខ្វះខាត ស្ថិតនៅក្រុមទី៣ ភូមិ១ សង្កាត់លេខ២ ក្រុងព្រះសីហនុ។

នៅព្រឹកថ្ងៃទី១៦ ខែកក្កដា ឆ្នាំ២០២៦ លោក អុី ធារិន អភិបាលស្រុកព្រៃនប់ បានអញ្ជើញជួបសំណេះសំណាល សួរសុខទុក្ខ និងពិភាក្សាការងារដោយផ្ទាល់ជាមួយគណៈគ្រប់គ្រងសាលា និងលោកគ្រូ អ្នកគ្រូ មកពីបណ្តាសាលារៀនទាំង ៧ ក្នុងកម្រងព្រៃនប់ ដើម្បីស្វែងយល់ពីវឌ្ឍនភាព និងបញ្ហាប្រឈមនានា ព្រមទាំងពង្រឹងកិច្ចសហការលើកកម្ពស់គុណភាពអប់រំនៅតាមមូលដ្ឋាន។

នៅថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ នេះ ដោយមានការយកចិត្តទុកដាក់ខ្ពស់ចំពោះសុខទុក្ខរបស់ប្រជាពលរដ្ឋ ឯកឧត្តម ម៉ាង ស៊ីណេត ប្រធានគណៈកម្មាធិការសាខាកាកបាទក្រហមកម្ពុជាខេត្តព្រះសីហនុ បានចាត់ឱ្យលោក ចេង មុីន នាយករងសាខា រួមជាមួយមន្ត្រីសាខា មន្ត្រីអនុសាខា និងអ្នកស្ម័គ្រចិត្ត ចុះសំណេះសំណាល និងនាំយកអំណោយរបស់សាខាកាកបាទក្រហមខេត្ត ទៅចែកជូនដល់ប្រជាពលរដ្ឋងាយរងគ្រោះ និងជនចាស់ជរាគ្មានទីពឹងចំនួន ១៨គ្រួសារ។

នាព្រឹកថ្ងៃទី១៦ ខែកក្កដា ឆ្នាំ២០២៦ ក្រុមប្រឹក្សាក្រុងព្រះសីហនុ បានរៀបចំ «វេទិកាផ្សព្វផ្សាយ និងពិគ្រោះយោបល់ អាណត្តិទី៤ ឆ្នាំ២០២៦» នៅសាលាដុនបូស្កូ ដើម្បីពង្រឹងគណនេយ្យភាព និងដោះស្រាយកង្វល់ជូនប្រជាពលរដ្ឋដោយផ្ទាល់។

នាព្រឹកថ្ងៃទី១៦ ខែកក្កដា ឆ្នាំ២០២៦ អាជ្ញាធរខេត្តព្រះសីហនុបានរៀបចំពិធីអបអរសាទរ «ទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា» ក្រោមប្រធានបទ «រួមគ្នាឆ្លើយតបបញ្ហាគ្រឿងញៀនក្នុងបរិបទថ្មីប្រកបដោយភាពច្នៃប្រឌិត»។ ក្នុងពិធីនេះ គ្រឿងញៀន និងសារធាតុគីមីផ្សំសរុបជាង ២ តោន ដែលជាវត្ថុតាងនៃបទល្មើសត្រូវបានដុតកម្ទេចចោលជាសាធារណៈ។

នៅរសៀលថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានអញ្ជើញចូលរួមក្នុងកិច្ចប្រជុំប្រចាំខែ ដើម្បីតាមដានវឌ្ឍនភាពនៃការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams)។

កាលពីរសៀលថ្ងៃទី១៦ ខែកក្កដា ឆ្នាំ២០២៦ លោកជំទាវ គីម សុភ័ក្ត្រ ម៉ាង ស៊ីណេត ប្រធានកិត្តិយសសាខាសមាគមនារីកម្ពុជាដើម្បីសន្ដិភាព និងអភិវឌ្ឍន៍ខេត្តព្រះសីហនុ បានដឹកនាំសមាជិកាសមាគមនារីខេត្តចុះសួរសុខទុក្ខដោយផ្ទាល់ដល់លំនៅឋានគ្រួសារ លោក អ៊ុយ សុវណ្ណារ៉ា ដែលជាគ្រួសារមានជីវភាពទីទ័លខ្លាំង រស់នៅតាមចំណីព្រែកទឹកសាប ស្ថិតក្នុងសង្កាត់រាម ក្រុងព្រះសីហនុ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា អញ្ជើញចូលរួម និងថ្លែងសុន្ទរកថាក្នុងពិធីបើកសន្និសីទពិភពលោកស្តីពីបញ្ញាសិប្បនិម្មិត (AI) នាព្រឹកថ្ងៃទី១៧ ខែកក្កដា ឆ្នាំ២០២៦ នៅទីក្រុងសៀងហៃ សាធារណរដ្ឋប្រជាមានិតចិន ខណៈពិធីនេះស្ថិតក្រោមអធិបតីភាព ឯកឧត្តម ស៊ី ជីនពីង (Xi Jinping) ប្រធានាធិបតីចិន។

នាព្រឹកថ្ងៃទី១៧ ខែកក្កដា ឆ្នាំ២០២៦ លោក អុី ធារិន អភិបាលនៃគណៈអភិបាលស្រុកព្រៃនប់ បានអញ្ជើញជាគណៈអធិបតីក្នុងពិធីបើកសិក្ខាសាលា និងវគ្គបណ្តុះបណ្តាលស្តីពី «ការបញ្ចូលទិន្នន័យក្នុងប្រព័ន្ធតាមដានថវិកាឃុំ-សង្កាត់» ក្នុងភូមិសាស្ត្រខេត្តព្រះសីហនុ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្តីនៃព្រះរាជាណាចក្រកម្ពុជា អញ្ជើញជួបពិភាក្សាការងារទ្វេភាគីជាមួយ ឯកឧត្តម Kassym-Jomart K. Tokayev ប្រធានាធិបតីនៃសាធារណរដ្ឋកាហ្សាក់ស្ថាន នាព្រឹកថ្ងៃទី១៧ ខែកក្កដា ឆ្នាំ២០២៦ នៅទីក្រុងសៀងហៃ សាធារណរដ្ឋប្រជាមានិតចិន។

វិស័យអាកាសចរណ៍ និងទេសចរណ៍នៅខេត្តព្រះសីហនុ បានឈានទៅមុខមួយជំហានទៀតហើយ បន្ទាប់ពីក្រុមហ៊ុនអាកាសចរណ៍ Cambodia Airways បានប្រកាសបើកសម្ពោធផ្លូវហោះហើរត្រង់ថ្មីសន្លាងមួយ ភ្ជាប់ពីទីក្រុងក្វាងចូវ ប្រទេសចិន មកកាន់អាកាសយានដ្ឋានអន្តរជាតិខេត្តព្រះសីហនុ នាថ្ងៃទី១៧ ខែកក្កដា ឆ្នាំ២០២៦ ។