ព័ត៌មានក្នុងខេត្ត

ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន ដឹកនាំគណៈប្រតិភូក្រសួង អញ្ជើញដាក់ក្រពុំបិណ្ឌផ្កាឈូកប្រារព្ធពិធីគោរពរដ្ឋធម្មនុញ្ញនៃព្រះរាជាណាចក្រកម្ពុជា រំលឹកខួប៣៣ឆ្នាំ “ទិវាប្រកាសរដ្ឋធម្មនុញ្ញ” នាព្រឹកថ្ងៃទី២៤ ខែកញ្ញា ឆ្នាំ២០២៦ នៅនីតិបូជនីយដ្ឋានវិមានរដ្ឋធម្មនុញ្ញ រាជធានីភ្នំពេញ។

រដ្ឋបាលខេត្តព្រះសីហនុ បានរៀបចំពិធីដាក់ក្រពុំបិណ្ឌផ្កាឈូក គោរពរដ្ឋធម្មនុញ្ញ ដើម្បីរំលឹកខួបលើកទី៣៣ «ទិវាប្រកាសរដ្ឋធម្មនុញ្ញ»១៧ផែន នៅវេទិកា៧មករា ស្ថិតក្នុងភូមិ៣សង្កាត់លេខ៣ ក្រុងព្រះសីហនុ ខេត្តព្រះសីហនុ។ ពិធីនេះបានប្រព្រឹត្តទៅក្រោមអធិបតីភាព ឯកឧត្តម វង្ស ផាណាត ប្រធានក្រុមប្រឹក្សាខេត្ត និងលោក សាមុត សុធារឹទ្ធ អភិបាលខេត្តស្តីទី តំណាងឯកឧត្តម ម៉ាង សុីណេត អភិបាលនៃគណៈអភិបាលខេត្ត ព្រមទាំងមានការអញ្ជើញចូលរួមពីសំណាក់ថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធជុំវិញខេត្តយ៉ាងច្រើនកុះករ នាព្រឹកថ្ងៃទី២៤ ខែកញ្ញា ឆ្នាំ២០២៦។

ប្រធានក្រុមការងារមនុស្សធម៌សម្ដេចតេជោ-ធិបតី បានអមដំណើរដោយលោក សរ កក្កដា អភិបាល នៃគណៈអភិបាលក្រុងព្រះសីហនុ បានចុះសំណេះសំណាលសួរសុខទុក្ខ និងនាំយកអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មកប្រគល់ជូនគ្រួសារដែលមានជីវភាពខ្វះខាតចំនួនបន្តបន្ទាប់នៅក្នុងទឹកដីក្រុងព្រះសីហនុ។

រដ្ឋបាលខេត្តបានរៀបចំកិច្ចប្រជុំពិភាក្សាការងារយ៉ាងសំខាន់មួយ ដើម្បីត្រៀមរៀបចំផែនការទទួលស្វាគមន៍នាវាទេសចរណ៍អន្តរជាតិ សម្រាប់រដូវកាលឆ្នាំ២០២៦-២០២៧ ខាងមុខ ដោយមានការដឹកនាំដោយ លោក សាមុត សុធារិទ្ធ អភិបាលរងនៃគណៈអភិបាលខេត្តព្រះសីហនុ ព្រមទាំងមន្ត្រីពាក់ព័ន្ធ និងតំណាងក្រុមហ៊ុនឯកជននានា។

នៅរសៀលថ្ងៃទី២៣ ខែកញ្ញា ឆ្នាំ២០២៦ ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានទទួលជួបសំណេះសំណាលជាមួយនាយទាហានជាសមាជិកក្រុមអ្នកសង្កេតការណ៍អាស៊ាន (AOT) មកពីប្រទេសម៉ាឡេស៊ី និងសិង្ហបុរី ប្រចាំព្រះរាជាណាចក្រកម្ពុជា ដែលបានបញ្ចប់អាណត្តិបេសកកម្មការងារ។

លោក សៅ បុរីវឌ្ឍនៈ អភិបាល នៃគណៈអភិបាលស្រុកស្ទឹងហាវ បានដឹកនាំកិច្ចប្រជុំបូកសរុបលទ្ធផលស្តីពីការអនុវត្តការងារសម្រេចបានប្រចាំខែកញ្ញា និងកំណត់ទិសដៅបន្តសម្រាប់ខែតុលា ឆ្នាំ២០២៦។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អនុញ្ញាតឱ្យលោក WANG Xu ប្រធានក្រុមហ៊ុន Huawei ប្រចាំតំបន់អាស៊ីអាគ្នេយ៍ពហុប្រទេស ចូលជួបសម្តែងការគួរសម និងពិភាក្សាការងារនៅវិមានសន្តិភាព។

ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានថ្លែងថា បទល្មើសឆបោក កាលពីដើមឡើយមានលក្ខណៈប្រពៃណី ឆបោកតាមរយៈមនុស្ស និងមនុស្ស ដោយត្រូវវិវត្តទៅតាមរយៈប្រព័ន្ធបច្ចេកវិទ្យា និងមានកលល្បិចថ្មីៗ ដែលក្រុមឧក្រិដ្ឋជនអាចធ្វើការឆបោកគ្រប់គោលដៅទាំងអស់នៅលើសកលលោក ដោយប្រើប្រាស់ពេលវេលាតែប៉ុន្មាននាទីប៉ុណ្ណោះ។ ការលើកឡើងរបស់ឯកឧត្ដមរដ្ឋមន្រ្ដីក្រសួងមហាផ្ទៃយ៉ាងដូច្នេះ ក្នុងឱកាសចូលរួមក្នុងពិធីបើកសន្និសីទអន្តរជាតិ ស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា នាព្រឹកថ្ងៃទី២៣ ខែកញ្ញា ឆ្នាំ២០២៦ នៅរាជធានីភ្នំពេញ ក្រោមមូលបទ៖ «រួមគ្នាឆ្ពោះទៅកាត់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា» ក្នុងនាមកម្ពុជាធ្វើជាម្ចាស់ផ្ទះក្នុងការរៀបចំសន្និសីទអន្តរជាតិនេះ។

ឯកឧត្តម វង្ស ផាណាត ប្រធានក្រុមប្រឹក្សាខេត្ត និងលោក សាមុត សុធារិទ្ធ អភិបាលខេត្តស្តីទី បានអញ្ជើញដឹកនាំកិច្ចប្រជុំវិសាមញ្ញលើកទី១០ របស់ក្រុមប្រឹក្សាខេត្តព្រះសីហនុ អាណត្តិទី៤។

ថ្លែងបើកសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា នាព្រឹកថ្ងៃទី២៣ ខែកញ្ញា ឆ្នាំ២០២៦នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានគូសបញ្ជាក់ថា បទល្មើសឆបោកតាមប្រព័ន្ធបច្ចេកវិទ្យា ជាបាតុភូតថ្មី ក្រោយកូវីដ-១៩ ហើយឧក្រិដ្ឋកម្មនេះ បានផ្ទុយទាំងស្រុងពីវប្បធម៌នៃការរស់នៅ និងបរិយាកាសនៃការកសាង និងអភិវឌ្ឍន៍ជាតិរបស់កម្ពុជា។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុញ្ញាតជូន លោក Bruce Poon Tip ស្ថាបនិកក្រុមហ៊ុន G Adventures ចូលជួបសម្តែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃទី២៣ ខែកញ្ញា ឆ្នាំ២០២៦។

ពិធីប្រកួតកីឡាបាល់ទាត់មិត្តភាពដ៏មានអត្ថន័យមួយ រវាងក្រុមនាវិកនៃមូលដ្ឋានសមុទ្ររាម និងក្រុមនាវិករបស់នាវាកងទ័ពជើងទឹកកាណាដា ត្រូវបានរៀបចំឡើងយ៉ាងសប្បាយរីករាយ ក្រោមបរិយាកាសស្និទ្ធស្នាល និងប្រកបដោយស្មារតីសាមគ្គីភាពជាអន្តរជាតិ នៅថ្ងៃ ទី២៣ ខែកញ្ញា ឆ្នាំ២០២៦ ។