ព័ត៌មានក្នុងខេត្ត

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុញ្ញាតជូន គណៈប្រតិភូក្រុមប្រឹក្សាធុរកិច្ចអាមេរិក-អាស៊ាន (US-ABC) ដឹកនាំដោយលោក ប្រាយអ៊ែន មែកហ្វីតទឺសន៍ (Brian McFeeters) ប្រធាន និងជានាយកប្រតិបត្តិ US-ABC ចូលជួបសម្តែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃទី២២ ខែកក្កដា ឆ្នាំ២០២៦។

នៅវិមានសាមគ្គីភាព ព្រឹកថ្ងៃពុធ ៨កើត ខែ ទុតិយាសាឍ ឆ្នាំ មមី អដ្ឋស័កព.ស. ២៥៧០ ត្រូវនឹងថ្ងៃទី២២ ខែ កក្កដា ឆ្នាំ២០២៦ សម្តេច អគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានអនុញ្ញាតឱ្យ លោក Thomas Andrews អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកស្ថានភាពសិទ្ធិមនុស្សនៅកម្ពុជា ចូលជួបសម្តែងការគួរសម។

យោងតាមបទបញ្ជារបស់ ឯកឧត្តម ឧត្តមនាវីទោ លី ហួត មេបញ្ជាការទីបញ្ជាការជួរមុខ នៅវេលាម៉ោង ០៦:៣០នាទី ថ្ងៃទី២២ ខែកក្កដា ឆ្នាំ២០២៦ កម្លាំងទីបញ្ជាការជួរមុខចំនួន ០៨រូប ដឹកនាំដោយ វរនាវីត្រី គួប ពិន មេបញ្ជាការរងកងនាវាអន្តរាគមន៍ បានប្រើប្រាស់មធ្យោបាយអូប័រចំនួន ០២គ្រឿង (RIHB លេខ១៣៣ និងអូប័រ ៦០សេះ របស់ស្នាក់ការសន្តិសុខកោះតាង) បន្តចេញប្រតិបត្តិការស្វែងរកជនរងគ្រោះ។

ព្រឹកថ្ងៃទី២២ ខែកក្កដា ឆ្នាំ២០២៦ លោក ឆាយ សុគន្ធដា អភិបាល នៃគណៈអភិបាលស្រុកកំពង់សីលា បានដឹកនាំក្រុមការងារចុះពិនិត្យផ្ទាល់លើការរៀបចំហេដ្ឋារចនាសម្ព័ន្ធ និងទីតាំងសំខាន់ៗដែលត្រូវរៀបចំកែលម្អបន្ថែម ស្ថិតនៅ សាលាបឋមសិក្សាភូមិថ្មី ក្នុងភូមិថ្មី ឃុំកំពង់សីលា ស្រុកកំពង់សីលា ខេត្តព្រះសីហនុ។

ខេត្តព្រះសីហនុ៖ ដំណើរការចុះបញ្ជីដីធ្លីដែលមានប្រព័ន្ធនៅតែបន្តធ្វើឡើងយ៉ាងសកម្ម ដើម្បីធានាសិទ្ធិកាន់កាប់ស្របច្បាប់ជូនប្រជាពលរដ្ឋ។ ជាក់ស្តែង នៅថ្ងៃទី២១ ខែកក្កដា ឆ្នាំ២០២៦ ក្រុមការងារចុះបញ្ជីដីធ្លីដែលមានប្រព័ន្ធប្រចាំសង្កាត់លេខ១ បាននិងកំពុងបន្តចែកជូនដីកាបញ្ជូនទៅបង់ពន្ធ និងសំណុំឯកសារឯកសារដីធ្លី ជូនដល់ប្រជាពលរដ្ឋយ៉ាងកុះករ នៅឯទីស្នាក់ការភូមិ២ ក្រុងព្រះសីហនុ ខេត្តព្រះសីហនុ។

ថ្ងៃទី២១ ខែកក្កដា ឆ្នាំ២០២៦ លោក សាមុត សុធារិទ្ធ អភិបាលរង នៃគណៈអភិបាលខេត្តព្រះសីហនុ បានអញ្ជើញជាអធិបតីដឹកនាំ «កិច្ចប្រជុំពិភាក្សា ស្តីពីការត្រៀមរៀបចំវេទិកាធុរកិច្ចទេសចរណ៍ ឆ្នាំ២០២៦ (Tourism Business Forum 2026)» កិច្ចប្រជុំនេះបានរៀបចំឡើងនៅសាលប្រជុំតូច សាលាខេត្តព្រះសីហនុ ស្ថិតនៅភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អនុញ្ញាតជូន ឯកឧត្តម Kash Patel នាយកទីភ្នាក់ងារស៊ើបអង្កេតសហព័ន្ធ (FBI) នៃសហរដ្ឋអាមេរិក ចូលជួបសម្តែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃទី២២ ខែកក្កដា ឆ្នាំ២០២៦។

ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ អញ្ជើញធ្វើជាសហប្រធានក្នុងកិច្ចប្រជុំរដ្ឋមន្ត្រីការបរទេសអាស៊ាន ជាមួយសហរដ្ឋអាម៉េរិក ដោយមានការអញ្ជើញចូលរួមពីសំណាក់ឯកឧត្តម Marco Rubio រដ្ឋមន្ត្រីការបរទេសអាម៉េរិក នៅទីក្រុងម៉ានីល សាធារណរដ្ឋហ្វីលីពីន នាព្រឹកថ្ងៃទី២២ ខែកក្កដា ឆ្នាំ២០២៦។

នៅថ្ងៃអង្គារ ទី២១ ខែកក្កដា ឆ្នាំ២០២៦ លោក ឡុង ឌីម៉ង់ អភិបាលរងនៃគណៈអភិបាលខេត្តព្រះសីហនុ បានដឹកនាំមន្ត្រីជំនាញ និងមន្ទីរអង្គភាពពាក់ព័ន្ធ ចុះពិនិត្យដោយផ្ទាល់លើសកម្មភាព និងកិច្ចដំណើរការរបស់ រោងចក្រគូប៊ុន ដែលមានទីតាំងស្ថិតនៅភូមិតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ។

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា អនុញ្ញាតជូនឯកឧត្តម Brian D. McFeeters ប្រធាន និងនាយកប្រតិបត្តិក្រុមប្រឹក្សាធុរកិច្ចអាម៉េរិក-អាស៊ាន និងគណៈប្រតិភូតំណាងក្រុមហ៊ុនអាមេរិក ចូលជួបសំដែងការគួរសម និងពិភាក្សាការងារ នៅវិមានសាមគ្គីភាព នៃព្រឹទ្ធសភា រាជធានីភ្នំពេញ នាព្រឹកថ្ងៃទី២១ ខែកក្កដា ឆ្នាំ២០២៦។

កិច្ចប្រជុំបូកសរុបលទ្ធផល នៃការអនុវត្តគោលនយោបាយភូមិ ឃុំ សង្កាត់មានសុវត្ថិភាព ប្រចាំឆមាសទី១ និងលើកទិសដៅការងារឆមាសទី២ ឆ្នាំ២០២៦ ត្រូវបានរៀបចំឡើងនៅថ្ងៃអង្គារ ទី២១ ខែកក្កដា ឆ្នាំ២០២៦ នៅសាលប្រជុំ ស្ថិតនៅភូមិ៣ សង្កាត់លេខ១ ក្រុងព្រះសីហនុ ក្រោមអធិបតីភាព ឯកឧត្តម ហ៊ូ សាគុណ រដ្ឋលេខាធិការក្រសួងមហាផ្ទៃ, ឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ និង ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ។

នាព្រឹកថ្ងៃទី២១ ខែកក្កដា ឆ្នាំ២០២៦ គណៈកម្មាធិការពិគ្រោះយោបល់កិច្ចការស្ត្រី កុមារ និងជនងាយរងគ្រោះ ខេត្តព្រះសីហនុ (គ.ក.ស.ក) បានរៀបចំកិច្ចប្រជុំសាមញ្ញលើកទី២៤ អាណត្តិទី៤ នៅសាលប្រជុំបណ្តោះអាសន្ន (ដឹរិច ម្លប់ជ្រៃ) ក្រោមអធិបតីភាពដ៏ខ្ពង់ខ្ពស់របស់ លោកជំទាវ ប្រាក់ ច័ន្ទសុខា ប្រធាន គ.ក.ស.ក ខេត្តព្រះសីហនុ។