ព័ត៌មានក្នុងខេត្ត

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា អនុញ្ញាតជូនលោកជំទាវ Flerida Ann Camille P. Mayo ឯកអគ្គរដ្ឋទូតហ្វីលីពីន ដែលនឹងចប់អាណត្តិការទូតប្រចាំព្រះរាជាណាចក្រកម្ពុជា ចូលសម្តែងការគួរសម និងជម្រាបលា នៅវិមានសាមគ្គីភាពនៃព្រឹទ្ធសភា រាជធានីភ្នំពេញ នាព្រឹកថ្ងៃទី១៦ ខែកក្កដា ឆ្នាំ២០២៦។

នៅរសៀលថ្ងៃទី១៩ ខែកក្កដា ឆ្នាំ២០២៦ ឧត្តមសេនីយ៍ត្រី នូវ សំអុល ប្រធានលេខាធិការដ្ឋានសមាគមអតីតយុទ្ធជន និងនិវត្តជនខេត្តព្រះសីហនុ ព្រមទាំងអាជ្ញាធរមូលដ្ឋាន បានអញ្ជើញចុះទៅចូលរួមរំលែកទុក្ខដ៏ក្រៀមក្រំដល់លំនៅដ្ឋានគ្រួសារសពអតីតយុទ្ធជន និងនិវត្តជនចំនួន ២គ្រួសារ ស្ថិតក្នុងក្រុងព្រះសីហនុ។

នៅព្រឹកថ្ងៃទី១៩ ខែកក្កដា ឆ្នាំ២០២៦ រដ្ឋបាលស្រុកកំពង់សីលា បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក អាណត្តិទី៤ ដើម្បីលើកកម្ពស់តម្លាភាព និងការចូលរួមពីប្រជាពលរដ្ឋក្នុងមូលដ្ឋាន។

នៅព្រឹកថ្ងៃសៅរ៍ ទី១៨ ខែកក្កដា ឆ្នាំ២០២៦ នេះ រដ្ឋបាលក្រុងកោះរ៉ុង បានរៀបចំសកម្មភាពដាំកូនឈើយ៉ាងផុសផុលតាមបណ្ដោយដងផ្លូវដែលទើបស្ថាបនារួចថ្មី ដើម្បីចូលរួមចំណែកលើកកម្ពស់បរិស្ថានបៃតង បង្កើនគម្របព្រៃឈើ និងជំរុញការអភិរក្សធនធានធម្មជាតិឱ្យកាន់តែមានប្រសិទ្ធភាព និងនិរន្តរភាព។

នារសៀលថ្ងៃសៅរ៍ ទី១៨ ខែកក្កដា ឆ្នាំ២០២៦ បន្ទាប់ពីបញ្ចប់កម្មវិធីដាំកូនឈើដោយជោគជ័យ ក្រុមការងារសមាគមសិស្ស-និស្សិតអាហារូបករណ៍ (អ.ម.ត) ខេត្តព្រះសីហនុ បាននាំយកអំណោយដ៏ថ្លៃថ្លារបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ទៅចែកជូនប្រជាពលរដ្ឋក្រីក្រ និងគ្រួសារមានជីវភាពខ្វះខាតចំនួន ៨គ្រួសារ ដែលរស់នៅភូមិដើមថ្កូវ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។

ខេត្តព្រះសីហនុ៖ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តព្រះសីហនុ បានចេញសេចក្តីជូនដំណឹងដល់បងប្អូនប្រជាពលរដ្ឋក្នុងភូមិ១ និងភូមិ២ ដែលមានប្រភពដីបានមកពីការទិញ-លក់ ហើយមិនទាន់បានមកទទួលយកសំណុំឯកសារសម្រាប់ទៅបង់ពន្ធ។

នៅព្រឹកថ្ងៃទី១៨ ខែកក្កដា ឆ្នាំ២០២៦ ឯកឧត្តម សុខ គាង និងឯកឧត្តម សៅ សុភាព រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានអញ្ជើញចុះពិនិត្យស្ថានភាពទូទៅនៅសាលាមត្តេយ្យសិក្សា ទំនប់រលកថ្មី ដែលស្ថិតក្នុងស្រុកស្ទឹងហាវ ខេត្តព្រះសីហនុ។

យុទ្ធនាការផ្សព្វផ្សាយ និងពិព័រណ៍ផលិតផលជាតិក្រោមប្រធានបទ «Made in Cambodia» ត្រូវបានបើកដំណើរការជាផ្លូវការហើយ នៅថ្ងៃទី១៨ ខែកក្កដា ឆ្នាំ២០២៦ ក្រោមអធិបតីភាព លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម និងលោក មីន កុម្ភៈ អភិបាលរងនៃគណៈអភិបាលខេត្តព្រះសីហនុ ហើយក៏មានការអញ្ជើញចូលរួមពីសំណាក់មន្ត្រីរាជការ តំណាងសមាគម ម្ចាស់អាជីវកម្ម យុវជន និងភ្ញៀវកិត្តិយសយ៉ាងច្រើនកុះករ។

នៅព្រឹកថ្ងៃទី១៨ ខែកក្កដា ឆ្នាំ២០២៦ លោក អុី ធារិន អភិបាលនៃគណៈអភិបាលស្រុកព្រៃនប់ បានដឹកនាំមន្ត្រីរាជការ រដ្ឋបាលស្រុក សហការជាមួយកងកម្លាំងប្រដាប់អាវុធ មន្ត្រីមូលដ្ឋានឃុំវាលរេញ ព្រះសង្ឃ និងប្រជាពលរដ្ឋយ៉ាងច្រើនកុះករ ចុះអនុវត្តសកម្មភាពដាំកូនឈើលម្អតាមដងផ្លូវសាធារណៈ។

យោងតាមកិច្ចព្រមព្រៀងសហប្រតិបត្តិការរវាងគណៈកម្មការជំនាញខេត្តព្រះសីហនុ (កម្ពុជា) និងគណៈកម្មការជំនាញខេត្តអានយ៉ាង (វៀតណាម) ចុះថ្ងៃទី០៧ ខែតុលា ឆ្នាំ២០២៥ ស្តីពីការរុករក ជីកគាស់ និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញការវៀតណាមដែលបានពលីក្នុងសម័យសង្គ្រាមនៅកម្ពុជា ដំណាក់កាលទី២៥ (រដូវប្រាំង ឆ្នាំ២០២៥-២០២៦)។

គ្រឿងញៀនជាង១តោននិងសាធាតុគីមីផ្សំជាង១តោនផង ត្រូវបានដុតកំទេចចោលក្នុងឱកាសប្រារព្ធពិធីអបអរសាទរ «ទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា»ដែលបានប្រព្រឹត្តទៅនៅព្រឹកថ្ងៃទី១៦ ខែកក្កដា ឆ្នាំ២០២៦ ស្ថិតក្នុងភូមិ១ សង្កាត់លេខ១ ក្រុងព្រះសីហនុក្រោមអធិបតីភាពរបស់ ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងលោក សួស សេរីសួស្ដី អភិបាលរងនៃគណៈអភិបាលខេត្ត តំណាង ឯកឧត្តម ម៉ាង ស៊ីណេត អភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀនខេត្តព្រះសីហនុ ។

នៅព្រឹក ថ្ងៃទី១៦ ខែកក្កដា ឆ្នាំ២០២៦ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានអញ្ជើញចុះជួបសំណេះសំណាលដោយផ្ទាល់ជាមួយក្រុមគ្រួសារលោក វ៉ាន់ លៀន អតីតយុទ្ធជនដែលមានជីវភាពខ្វះខាត ស្ថិតនៅក្រុមទី៣ ភូមិ១ សង្កាត់លេខ២ ក្រុងព្រះសីហនុ។