ព័ត៌មានក្នុងខេត្ត

ឯកឧត្តម Jagath Wickramaratne ប្រធានរដ្ឋសភា នៃប្រទេសស្រីលង្ការ ដឹកនាំគណៈប្រតិភូអញ្ជើញមកដល់អាកាសយានដ្ឋានអន្តរជាតិតេជោ នាព្រឹកថ្ងៃទី២៦ ខែសីហា ឆ្នាំ២០២៦ ដើម្បីចូលរួមសន្និសីទប្រធានសភា នៃអន្តរសភា លើកទី២ ដែលប្រព្រឹត្តទៅនៅរាជធានីភ្នំពេញ ចាប់ពីថ្ងៃទី២៦ ដល់ថ្ងៃទី២៨ ខែសីហា ឆ្នាំ២០២៦។

ឯកឧត្តម Milton Dick ប្រធានរដ្ឋសភា នៃប្រទេសអូស្ត្រាលី ដឹកនាំគណៈប្រតិភូអញ្ជើញមកដល់អាកាសយានដ្ឋានអន្តរជាតិតេជោ នាព្រឹកថ្ងៃទី២៦ ខែសីហា ឆ្នាំ២០២៦ ដើម្បីចូលរួមសន្និសីទប្រធានសភា នៃអន្តរសភា លើកទី២ ដែលប្រព្រឹត្តទៅនៅរាជធានីភ្នំពេញ ចាប់ពីថ្ងៃទី២៦ ដល់ថ្ងៃទី២៨ ខែសីហា ឆ្នាំ២០២៦។

នៅរសៀលថ្ងៃទី២៥ ខែសីហា ឆ្នាំ២០២៦ លោកឧត្តមសេនីយ៍ត្រី ណុប បញ្ញា ស្នងការរងនគរបាលខេត្តព្រះសីហនុ និងជាប្រធានក្រុមការងារចុះពង្រឹងស្រុកព្រៃនប់ តំណាងដ៏ខ្ពង់ខ្ពស់ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ បានអញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងារ និងលើកទិសដៅអនុវត្តបន្ត នៅអធិការដ្ឋាននគរបាលស្រុកព្រៃនប់។

នាថ្ងៃទី២៥ ខែសីហា ឆ្នាំ២០២៦ កម្មវិធីគាំពារមាតា និងទារក នៃមន្ទីរសុខាភិបាលខេត្តព្រះសីហនុ បានចុះអភិបាលការងារ និងពិនិត្យវាយតម្លៃលើកិច្ចការងារ «សុខភាពបន្តពូជ» នៅឯមណ្ឌលសុខភាពអូរជ្រៅ និងមណ្ឌលសុខភាពព្រៃនប់។

នាថ្ងៃទី២៥ ខែសីហា ឆ្នាំ២០២៦ លោកឡុង ឌីម៉ង់ អភិបាលរងខេត្តព្រះសីហនុ បានអញ្ជើញដឹកនាំក្រុមការងារចម្រុះ និងមន្ទីរជំនាញចុះពិនិត្យ ព្រមទាំងសិក្សាលទ្ធភាពកែលម្អទីលានទុកដាក់សំរាមស្រុកស្ទឹងហាវដែលមានទីតាំងស្ថិតនៅឃុំទំនប់រលក ស្រុកស្ទឹងហាវ ខេត្តព្រះសីហនុ។

នាព្រឹកថ្ងៃទី២៥ ខែសីហា ឆ្នាំ២០២៦ រដ្ឋបាលស្រុកស្ទឹងហាវ បានថ្លែងអំណរគុណយ៉ាងជ្រាលជ្រៅជូនចំពោះ លោកឧកញ៉ា ម៉ុង ចាន់ថន អគ្គនាយករងក្រុមហ៊ុន ម៉ុង ឬទ្ធីគ្រុប ជាអនុប្រធានក្រុមការងារគណបក្សចុះមូលដ្ឋានស្រុកស្ទឹងហាវ និងជាប្រធានគណៈកម្មាធិការគណបក្សមូលដ្ឋានចំការកៅស៊ូ ដែលបានឧបត្ថម្ភថវិកាផ្ទាល់ខ្លួនក្នុងការរៀបចំសាងសង់ និងកែលម្អហេដ្ឋារចនាសម្ព័ន្ធរូបវន្តនានា ក្នុង សាលាបឋមសិក្សា ហ៊ុន សែន ថ្មរៀង។

តាមរយៈសំណេរ បង្ហោះលើបណ្ដាញសង្គម នាព្រឹកថ្ងៃទី២៦ ខែសីហានេះ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានគូសបញ្ជាក់ថា «ប្រធានមជ្ឈមណ្ឌលព័ត៌មានរួមថៃ (JIC) អាចបដិសេធថា ថៃមិនមែនជាអ្នកឈ្លានពាន ហើយអាចបន្តបង្កើតនិទានកថាដើម្បីបង្ហាញខ្លួនជាជនរងគ្រោះ។ ប៉ុន្តែ ការបដិសេធដោយពាក្យសម្តី និងវោហាសាស្ត្រ មិនអាចលុបអង្គហេតុ និងភស្តុតាងនៃសកម្មភាពឈ្លានពានរបស់យោធាថៃដែលបានកើតឡើង និងកំពុងមាននៅលើដីកម្ពុជាបានឡើយ។

ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ រួមជាមួយក្រុមការងារ អាជ្ញាធរឃុំព្រៃសាម៉ាន់ និងអាជ្ញាធរស្រុកឆ្លូង នៅរសៀលថ្ងៃទី២៥ ខែសីហា ឆ្នាំ២០២៦ អញ្ជើញចុះចែកអំណោយជូនដល់ក្រុមគ្រួសារដែលមានជីវភាពខ្វះខាត និងរងគ្រោះដោយទឹកជំនន់ទន្លេមេគង្គ ដោយមានការគាំទ្រពីគម្រោងឃ្លាំងអាហារសហគមន៍របស់មូលនិធិអ៉ីម៉ាន់កម្ពុជា។

ខេត្តព្រះសីហនុ៖ ឯកឧត្តម សៅ សុភាព ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្ទឹងហាវ បានផ្ញើលិខិតថ្លែងអំណរគុណយ៉ាងជ្រាលជ្រៅជូនចំពោះមន្ទីរបរិស្ថានខេត្តព្រះសីហនុ ដែលបានរួមចំណែកផ្តល់កូនឈើជាច្រើនដល់រដ្ឋបាលស្រុកស្ទឹងហាវ។

ឯកឧត្តម ម៉ាង សុីណេត ចាត់ក្រុមការងារនាំយកអំណោយមនុស្សធម៌ ជូនប្រជាពលរដ្ឋងាយរងគ្រោះ និងជនចាស់ជរាគ្មានទីពឹង ចំនួន ២១គ្រួសារ ក្នុងខេត្តព្រះសីហនុ

ក្នុងគោលបំណងលើកកម្ពស់គុណភាពបដិសណ្ឋារកិច្ច និងសេវាកម្មម្ហូបអាហារនិងភេសជ្ជៈជូនភ្ញៀវទេសចរឲ្យកាន់តែល្អប្រសើរ ក៏ដូចជាពង្រឹងគុណភាពនិងសុវត្ថិភាពចំណីអាហារតាមឆ្នេរ មន្ទីរទេសចរណ៍ខេត្តព្រះសីហនុបានរៀបចំកម្មវិធីអប់រំបណ្ដុះបណ្ដាលស្តីពី “ការផ្តល់បដិសណ្ឋារកិច្ច និងពង្រឹងអនាម័យម្ហូបអាហារចល័ត”។

នៅព្រឹកថ្ងៃទី២៥ ខែសីហា ឆ្នាំ២០២៦ លោកស្រី វាល់ ច័ន្ទវលក្ខណ៍ អភិបាលរង នៃគណៈអភិបាលស្រុកព្រៃនប់ បានអញ្ជើញដឹកនាំកិច្ចប្រជុំ ដើម្បីចូលរួមក្នុង វគ្គបណ្តុះបណ្តាលតម្រង់ទិស តាមរយៈប្រព័ន្ធបញ្ជូនរូបភាព និងសំឡេងពីចម្ងាយ (Zoom) ស្តីពី ការពិនិត្យ និងវាយតម្លៃលទ្ធផលបំពេញការងាររបស់អង្គភាពផ្តល់សេវា។