ព័ត៌មានក្នុងខេត្ត

នៅសាលប្រជុំសាលាស្រុកស្ទឹងហាវ លោក សៅ បុរីវឌ្ឍនៈ អភិបាល នៃគណៈអភិបាលស្រុកស្ទឹងហាវ បានអញ្ជើញជួបសំណេះសំណាល និងផ្តល់អនុសាសន៍លើកទឹកចិត្តយ៉ាងផុសផុលដល់កីឡាករ និងគ្រូបង្វឹក ដែលត្រៀមខ្លួនចូលរួមប្រកួតក្នុងព្រឹត្តិការណ៍ពានរង្វាន់ «ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ» រដូវកាលទី២ ឆ្នាំ២០២៦-២០២៧។

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អញ្ជើញធ្វើបទឧទ្ទេសនាម និងបាឋកថា ស្តីពីរចនាសម្ព័ន្ធចាត់តាំងតួនាទីភារកិច្ចក្រសួងព័ត៌មាន ជូនដល់ថ្នាក់ដឹកនាំ និងសិក្ខាកាម នៃវិទ្យាស្ថានបញ្ជាការ- សេនាធិការ ប្រមាណជាង ៤០០នាក់ នាព្រឹកថ្ងៃទី១៨ ខែកញ្ញា ឆ្នាំ២០២៦នៅវិទ្យាស្ថានបញ្ជាការ-សេនាធិការ ខេត្តកំពង់ស្ពឺ។

មន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានបន្តយកចិត្តទុកដាក់ខ្ពស់លើសុខទុក្ខ និងផលដំណាំរបស់ប្រជាកសិករ តាមរយៈការចុះពិនិត្យ និងផ្តល់បច្ចេកទេសឆ្លើយតបទាន់ពេលវេលា ចំពោះបញ្ហាប្រឈមក្នុងវិស័យបង្កបង្កើនផល។

ក្រសួងព័ត៌មានបានរៀបចំ «វេទិកាប្រព័ន្ធផ្សព្វផ្សាយស្តីពី ការប្រយុទ្ធប្រឆាំងព័ត៌មានក្លែងក្លាយ និងការប្រកួតប្រជែងពានរង្វាន់អ្នកផលិតមាតិកា ឆ្នាំ២០២៦» (Zero Fake News Media Forum and Award Contest) ក្រោមមូលបទ «ការប្រយុទ្ធប្រឆាំងព័ត៌មានក្លែងក្លាយ និងការលើកកម្ពស់សុចរិតភាពព័ត៌មាននៅក្នុងតំបន់មេគង្គ-ឡានឆាង»។

អ្នកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ បានឱ្យដឹងថា បុរសវ័យចំណាស់ម្នាក់ដែលមានអាការៈបង្ហាញនៃជំងឺលើសសម្ពាធឈាម ត្រូវបានក្រុមការងាររួមគ្នាជួយសង្គ្រោះ និងបញ្ជូនទៅមន្ទីរពេទ្យដោយសុវត្ថិភាព។

លោកស្រី អ៊ុច សោភា ប្រធានមន្ទីរអប់រំ យុវជន និងកីឡា ខេត្តព្រះសីហនុ បានអញ្ជើញចូលរួមសំណេះសំណាល និងបើកវគ្គបណ្ដុះបណ្ដាលស្ដីពី «ការអនុវត្តកញ្ចប់សម្ភារៈគណិតវិទ្យាថ្នាក់ដំបូង (ថ្នាក់ទី១ ដល់ថ្នាក់ទី៣) វគ្គទី១» ជូនដល់គ្រូបង្គោលកម្រិតកម្រងសាលារៀន និងអ្នកពាក់ព័ន្ធ។

ឯកឧត្តម ឡៅ ទិព្វសីហា ប្រធានក្រុមការងាររាជរដ្ឋាភិបាលចុះមូលដ្ឋានក្រុងកំពង់សោម និងជាតំណាងដ៏ខ្ពង់ខ្ពស់របស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ បានដឹកនាំក្រុមការងារ និងរដ្ឋបាលសង្កាត់អូរជ្រៅ ចុះពិនិត្យផ្ទាល់លើគម្រោងស្ថាបនាផ្លូវបេតុងចំនួន១ខ្សែ។

ប្រធានក្រុមការងាររាជរដ្ឋាភិបាលចុះមូលដ្ឋានក្រុងកំពង់សោម និងជាតំណាងដ៏ខ្ពង់ខ្ពស់ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ បានអញ្ជើញដឹកនាំក្រុមការងារ រួមទាំងតំណាងប្រធានអង្គការមូលនិធិសប្បុរសធម៌ ឆឺជី-កម្ពជា (Tzu Chi Charity Foundation) ក្នុងពិធីប្រគល់-ទទួលអំណោយកុំព្យូទ័រជូនដល់សាលារៀនចំនួន ៣ ក្នុងមូលដ្ឋានក្រុងកំពង់សោម។

ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូន ឧត្តមសេនីយ៍ត្រី ANTERO S. NARCISE PN (M) អនុប្រធានអធិការកិច្ច នៃកងទ័ពសាធារណរដ្ឋហ្វីលីពីន និងក្រុមអ្នកសង្កេតការណ៍អាស៊ានប្រចាំកម្ពុជា (AOT-KH) ចុះពិនិត្យស្ថានភាពជាក់ស្តែងតាមបណ្តោយព្រំដែនកម្ពុជា-ថៃ នៅតំបន់ច្រកបឹងត្រកួន ស្ថិតក្នុងឃុំគោករមៀត ស្រុកថ្មពួក។

នៅទីក្រុងណាននីង តំបន់ស្វយ័តក្វាងស៊ី សាធារណរដ្ឋប្រជាមានិតចិន លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា បានអញ្ជើញដឹកនាំគណៈប្រតិភូអន្តរក្រសួងនៃព្រះរាជាណាចក្រកម្ពុជា ចូលរួមជាសហប្រធានដឹកនាំកិច្ចប្រជុំគណៈកម្មាធិការសហប្រតិបត្តិការសេដ្ឋកិច្ច និងពាណិជ្ជកម្មកម្ពុជា-ចិន លើកទី៨ ជាមួយនឹងភាគីមិត្តចិនដឹកនាំដោយ ឯកឧត្តម យាន តុង អនុរដ្ឋមន្ត្រីក្រសួងពាណិជ្ជកម្មចិន។

ពិធីសម្ពោធជាផ្លូវការនៃការដឹកជញ្ជូនអង្ករតាមផ្លូវទឹក (នាវា) ទៅកាន់ប្រទេសហ្វីលីពីន ត្រូវបានរៀបចំឡើងយ៉ាងអធិកអធមនៅខេត្តព្រះសីហនុ។ ព្រឹត្តិការណ៍ដ៏មានសារៈសំខាន់នេះ គឺជាការប្រកាសដាក់ឱ្យដឹកជញ្ជូនជាផ្លូវការនូវបរិមាណអង្ករចំនួន ១០ ០០០ តោន រវាងក្រុមហ៊ុន ស៊ីធី រាយស៍ អ៉ីមផត អិចផត ខូអិលធីឌី (CITY RICE IMPORT EXPORT CO.,LTD.) និងក្រុមហ៊ុន DILAI TRADING CO., PTE. LTD.។

លោក យស់ ចន្ថាណា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ និងលោក អ៉ី ធារិន អភិបាលស្រុកព្រៃនប់ បានដឹកនាំមន្ត្រីជំនាញ ចូលរួមអបអរសាទរ «មហាសន្និបាតកំណើតដំបូងសហគមន៍កសិកម្មទំនើប»។