ព័ត៌មានក្នុងខេត្ត

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុញ្ញាតជូន គណៈប្រតិភូសភាពាណិជ្ជកម្មអាមេរិក-កម្ពុជា (American Cambodian Business Chamber- ACBC) ដឹកនាំដោយ លោកស្រី Sokveasna Chan ស្ថាបនិក និងជាប្រធាន ACBC ចូលជួបសម្តែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃទី១០ ខែកញ្ញា ឆ្នាំ២០២៦។

លោក មីន កុម្ភៈ អភិបាលរងខេត្តព្រះសីហនុ បានអញ្ជើញចូលរួមកិច្ចប្រជុំប្រចាំខែដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) តាមរយៈប្រព័ន្ធវីដេអូ Zoom។

ឯកឧត្តម ម៉ាង ស៊ីណេត អភិបាលខេត្តព្រះសីហនុ បានអញ្ជើញដឹកនាំប្រតិភូរដ្ឋបាលខេត្តព្រះសីហនុ ធ្វើទស្សនកិច្ចកិច្ចការងារនៅក្រុមហ៊ុន Zhejiang Dahua Technology Co., Ltd. ដែលជាសាជីវកម្មបច្ចេកវិទ្យាលំដាប់ពិភពលោករបស់ប្រទេសចិន ស្ថិតនៅទីក្រុងក្វាងចូវ សាធារណរដ្ឋប្រជាមានិតចិន។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុញ្ញាតជូន ឯកឧត្តម Fumiaki Takahashi ប្រធានសមាគមជប៉ុន-កម្ពុជា និងសហការី ចូលជួបសម្តែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃទី១០ ខែកញ្ញា ឆ្នាំ២០២៦។

លោកជំទាវ ហៀក ហុីមុល្លី សមាជិកក្រុមប្រឹក្សាខេត្តព្រះសីហនុ និងជាប្រធានក្រុមការងារ បានដឹកនាំក្រុមការងារចុះជួបសំណេះសំណាល និងស្តាប់របាយការណ៍វឌ្ឍនភាពការងារចាប់ពីខែមករា ដល់ខែសីហា ឆ្នាំ២០២៦ ជាមួយក្រុមប្រឹក្សាឃុំតានៃ ស្មៀនឃុំ នាយប៉ុស្តិ៍រដ្ឋបាលឃុំ មេភូមិ ព្រមទាំងលោកនាយក និងលោកនាយិកាសាលា។

​នាព្រឹកថ្ងៃទី០៩ ខែកញ្ញា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចុះពិនិត្យស្ថានភាពជាក់ស្ដែងនៅវិទ្យាល័យកំបូល ព្រមទាំងបានជួបសំណេះសំណាលជាមួយគណៈគ្រប់គ្រងសាលារៀន លោកគ្រូ អ្នកគ្រូ និងក្រុមការងារជួសជុលដែលកំពុងដំណើរការជួសជុលអគារសិក្សា ដោយមិនមានការព្រៀងទុកជាមុន។

សម្តេចតេជោ ហ៊ុន សែន ប្រមុខរដ្ឋស្តីទីកម្ពុជា នៅថ្ងៃទី៩ ខែកញ្ញា ឆ្នាំ២០២៦នេះ បានអនុញ្ញាតឱ្យ លោក Akbar Ghasemi Aliabadi ឯកអគ្គរដ្ឋទូតនៃសាធារណរដ្ឋឥស្លាមអុីរ៉ង់ ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងប្រគល់សារតាំង នៅវិមានសាមគ្គីភាពនៃព្រឹទ្ធសភាជាតិ រាជធានីភ្នំពេញ៕

កាលពីថ្ងៃទី៨ ខែកញ្ញា ឆ្នាំ២០២៦ រដ្ឋបាលខេត្តព្រះសីហនុ ដឹកនាំដោយលោក ឯម ភាព អភិបាលរងខេត្ត បានរៀបចំកិច្ចប្រជុំពិគ្រោះយោបល់ជាមួយគណៈប្រតិភូ UN-Habitat មកពីប្រទេសចិន និងកម្ពុជា ព្រមទាំងក្រុមហ៊ុនវិនិយោគអន្តរជាតិ ស្តីពី «គម្រោងទីក្រុងឆ្លាតសម្រាប់ខេត្តព្រះសីហនុ»។ មុនកិច្ចប្រជុំ គណៈប្រតិភូបានចុះពិនិត្យដោយផ្ទាល់លើប្រព័ន្ធសេនស័ររថយន្តសំរាម ចំណតឆ្លាតវៃ និងបន្ទប់បញ្ជាកាមេរ៉ាសុវត្ថិភាពទូទាំងក្រុង។

ក្នុងជំនួបពិភាក្សាការងារដ៏មានសារៈសំខាន់មួយ កម្ពុជា និងអូស្ត្រាលី បានបង្ហាញនូវការប្តេជ្ញាចិត្តខ្ពស់ក្នុងការបន្តពង្រឹង និងពង្រីកកិច្ចសហប្រតិបត្តិការលើវិស័យការពារជាតិឱ្យកាន់តែស៊ីជម្រៅបន្ថែមទៀត ដើម្បីរួមចំណែកយ៉ាងសកម្មដល់ការថែរក្សាសន្តិសុខ សន្តិភាព និងវិបុលភាពក្នុងតំបន់។

នៅថ្ងៃទី៨ ខែកញ្ញា ឆ្នាំ២០២៦ នាសម័យប្រជុំលើកទី៦៣ នៃក្រុមប្រឹក្សាសិទ្ធិមនុស្ស ឯកឧត្តមឯកអគ្គរាជទូត កែ សុវណ្ណ តំណាងអចិន្ត្រៃយ៍កម្ពុជា ប្រចាំអង្គការសហប្រជាជាតិ នៅទីក្រុងហ្សឺណែវ បានថ្លែងបទអន្តរាគមន៍ ក្រោមរបៀបវារៈទី២៖ ក្នុងអំឡុងកិច្ចពិភាក្សាទូទៅស្តីពីរបាយការណ៍ប្រចាំឆ្នាំរបស់ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស។

លោក ឡុង ឌីម៉ង់ អភិបាលរងខេត្តព្រះសីហនុ បានអញ្ជើញជាគណៈអធិបតីក្នុងសិក្ខាសាលាផ្សព្វផ្សាយអំពី “កិច្ចគាំពារវិនិយោគិន និងពង្រឹងការអនុវត្តច្បាប់ក្នុងវិស័យបរធនបាលកិច្ច ពាក់ព័ន្ធនឹងការយកចិត្តទុកដាក់ស្គាល់អតិថិជនក្នុងវិស័យបរធនបាលកិច្ច” ដែលសហការរៀបចំឡើងដោយនិយ័តករបរធនបាលកិច្ច និងរដ្ឋបាលខេត្តព្រះសីហនុ នៅសណ្ឋាគារឆ្នេរសុខា។

ក្នុងកិច្ចប្រជុំត្រៀមរៀបចំសិក្ខាសាលាស្តីពី «ការរាយការណ៍ព័ត៌មានដើម្បីលើកកម្ពស់សិទ្ធិជនងាយរងគ្រោះ» ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានអំពាវនាវដល់អ្នកសារព័ត៌មានទាំងអស់ ឱ្យខិតខំស្រាវជ្រាវបន្ថែមអំពីច្បាប់ ក្រមសីលធម៌វិជ្ជាជីវៈ និងបង្កើនការស្វែងយល់អំពីលិខិតបទដ្ឋានគតិយុត្តក្នុងវិស័យព័ត៌មាន។