ព័ត៌មានក្នុងខេត្ត

ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន នៅរសៀលថ្ងៃទី១ ខែកញ្ញា ឆ្នាំ២០២៦នេះ បានអញ្ជើញជាអធិបតីភាពដឹកនាំកិច្ចប្រជុំដ៏សំខាន់មួយ ស្តីពី «ការលើកកម្ពស់ការផ្សព្វផ្សាយព័ត៌មាន និងការគ្រប់គ្រងសាធារណមតិ»។ កិច្ចប្រជុំនេះបានធ្វើឡើងនៅសាលចតុម្មុខមង្គល នៃទីស្តីការក្រសួងព័ត៌មាន ដោយមានការចូលរួមពីមន្ត្រីនាំពាក្យមកពីបណ្តាក្រសួង និងស្ថាប័ននានា ដែលជាសេនាធិការដ៏សំខាន់របស់រាជរដ្ឋាភិបាល។

ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន នៅព្រឹកថ្ងៃទី១ ខែកញ្ញា ឆ្នាំ២០២៦ បានអនុញ្ញាតជូនគណៈប្រតិភូសមាគមនិស្សិតនវានុវត្តន៍វេជ្ជសាស្ត្រកម្ពុជា ដឹកនាំដោយ ឯកឧត្តមវេជ្ជបណ្ឌិត សៅ សំបូរ ទីប្រឹក្សាក្រសួងព័ត៌មាន និងជាប្រធានក្រុមការងារគ្រូពេទ្យស័្មគ្រចិត្តក្រសួងព័ត៌មាន ចូលជួបសម្តែងការគួរសម និងរាយការណ៍អំពីសកម្មភាពរបស់សមាគម។

ព្រឹកថ្ងៃអង្គារទី២ ខែកញ្ញា ឆ្នាំ២០២៦ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ អញ្ជើញបើកលទ្ធផលការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦នៅសាលប្រជុំសាលាខេត្តព្រះសីហនុ ដោយមានការចូលរួមពីអភិបាលក្រុង ស្រុក មន្ទីរ អង្គភាពពាក់ព័ន្ធ។

វិទ្យាល័យ ហ៊ុន សែន វាលរេញ និងវិទ្យាល័យ អាត់តាម៉ៃយូស ដែលស្ថិតនៅស្រុកព្រៃនប់ ខេត្តព្រះសីហនុ បានបង្ហាញនូវក្តីរំភើប និងមោទកភាពជាខ្លាំង ក្រោយពីទទួលបានដំណឹងដ៏ត្រកាលនៃការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង៖ ២០២៦។ ក្នុងនោះ មានបេក្ខជនជាសិស្សានុសិស្សឆ្នើមចំនួន ៣រូប បានប្រឡងជាប់ជោគជ័យដោយទទួលបានលទ្ធផលផ្កាយព្រឹកគឺ និទ្ទេស A លើកម្រងផ្នែកសិក្សាសង្គម និងវិទ្យាសាស្ត្រ។

ថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦ លោក តេង វណ្ណឌី ប្រធានលេខាធិការដ្ឋានរៀបចំការបោះឆ្នោតខេត្តព្រះសីហនុ និងលោក ធឿន សុធិន អភិបាលរង បានដឹកនាំកិច្ចប្រជុំផ្សព្វផ្សាយស្តីពី «ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦»។

នារសៀលថ្ងៃទី ១ ខែ កញ្ញា ឆ្នាំ ២០២៦ នៅទីស្តីការក្រសួងសេដ្ឋកិច្ច និង ហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្ត្រី និង ជាប្រធានក្រុមការងារជំរុញការវិនិយោគក្នុងខេត្តព្រះសីហនុ បានដឹកនាំកិច្ចប្រជុំពិភាក្សាលើការស្នើសុំសម្របសម្រួលលើសំណើវិនិយោគគម្រោងបង្កើតតំបន់ប្រមូលផ្តុំសហគ្រាសធុនតូច មធ្យម និង រោងចក្រ (SME Cluster) ស្ថិតនៅក្រុងកំពង់សោម ស្រុកព្រៃនប់ និង ស្រុកស្ទឹងហាវ ខេត្តព្រះសីហនុ ។

រដ្ឋបាលខេត្តព្រះសីហនុ សូមជម្រាបជូនដំណឹងដល់បងប្អូនប្រជាពលរដ្ឋជាម្ចាស់ក្បាលដី ចំនួន ៦ ៧៨៧ក្បាលដី ដែលបានចូលរួមវាស់វែងចុះបញ្ជីដីធ្លីមានលក្ខណៈជាប្រព័ន្ធ និងមានសាវតារដីប្រភពបានមកពីការ ទិញ-លក់ ឬអំណោយ (ប្រទានកម្ម) ដែលត្រូវជាប់ពន្ធ ស្ថិតនៅក្នុង ភូមិសាស្ត្រ ខេត្តព្រះសីហនុ។

រសៀលថ្ងៃអង្គារ ទី១ ខែកញ្ញា ឆ្នាំ២០២៦ ថ្នាក់ដឹកនាំ និងមន្ត្រីរាជការនៃមន្ទីរព័ត៌មានខេត្តព្រះសីហនុ បានអញ្ជើញចូលរួមបរិច្ចាគថវិកាមនុស្សធម៌លើកទី៤ ក្នុងឱកាសអបអរសាទរខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៦ នៅទីស្នាក់ការសាខាកាកបាទក្រហមកម្ពុជា ខេត្តព្រះសីហនុ។

នៅសាលប្រជុំមន្ទីរផែនការខេត្តព្រះសីហនុ មានការរៀបចំកិច្ចប្រជុំពិនិត្យ កែសម្រួល និងវាយតម្លៃសេចក្តីព្រាងរបាយការណ៍ពាក់កណ្តាលអាណត្តិ ស្តីពីការអនុវត្តផែនការអភិវឌ្ឍន៍ខេត្ត (២០២៥-២០២៩ ) ក្រោមអធិបតីភាព លោកជំទាវ យុឹង សុឃឿន សមាជិកាក្រុមប្រឹក្សាខេត្ត និងជាតំណាង គ.ក.ស.ក ដោយមានការអញ្ជើញចូលរួមពីតំណាងមន្ទីរ-អង្គភាព និងទីចាត់ការជំនាញពាក់ព័ន្ធជុំវិញខេត្តយ៉ាងច្រើនកុះករ។

រសៀលថ្ងៃអង្គារ ទី១ ខែកញ្ញា ឆ្នាំ២០២៦ ឯកឧត្តម ម៉ាង ស៊ីណេត ប្រធានគណៈកម្មាធិការសាខាកាកបាទក្រហមកម្ពុជាខេត្តព្រះសីហនុ បានអញ្ជើញជាអធិបតីក្នុងពិធីប្រគល់-ទទួលអំណោយពីសប្បុរសជន របស់សាខាកាកបាទក្រហមកម្ពុជាខេត្តព្រះសីហនុ ក្នុងឱកាសខួបទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៦ ក្រោមប្រធានបទ «បន្តរួមកម្លាំងគ្នា ដើម្បីមនុស្សធម៌»។

នាព្រឹកថ្ងៃទី១ ខែកញ្ញា ឆ្នាំ២០២៦ លោក ឆាយ សុគន្ធដា អភិបាល នៃគណៈអភិបាលស្រុកកំពង់សីលា បានដឹកនាំក្រុមការងារចុះនាំយកសម្ភារៈឧបភោគបរិភោគ និងថវិកា ចូលរួមរំលែកទុក្ខដល់គ្រួសារសពប្រជាពលរដ្ឋចំនួន ២គ្រួសារ ដែលបានទទួលមរណភាពដោយរោគាពាធ។

នាព្រឹកថ្ងៃទី០១ ខែកញ្ញា ឆ្នាំ២០២៦ កញ្ញា កុយ សុភី នាយករដ្ឋបាលក្រុងកំពង់សោម ដោយមានការចូលរួមពីលោក ស៊ុប វីរៈ សមាជិកក្រុមប្រឹក្សាក្រុងកំពង់សោម ព្រមទាំងលោកចៅសង្កាត់អូរជ្រៅ បានដឹកនាំក្រុមការងាររដ្ឋបាលក្រុង និងរដ្ឋបាលសង្កាត់ ចុះជួបសំណេះសំណាល និងចូលរួមរំលែកទុក្ខដ៏ក្រៀមក្រំជាមួយគ្រួសារនៃសពប្រជាពលរដ្ឋឈ្មោះ អ៉ឹម ដារ៉ា ភេទប្រុស អាយុ ៥២ឆ្នាំ ជាអតីតទាហានជើងទឹករាម ដែលបានទទួលមរណភាពដោយជំងឺខ្យល់គ ស្ថិតនៅភូមិកោះខ្យង។