ព័ត៌មានក្នុងខេត្ត

អនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ ព្រមទាំងការចង្អុលណែនាំជាប្រចាំរបស់ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ កម្លាំងនគរបាលចរាចរណ៍បានចុះពង្រឹងការអនុវត្តច្បាប់យ៉ាងសកម្មក្នុងភូមិសាស្ត្រខេត្ត។

តុលាការមជ្ឈិត្តការអចិន្ត្រៃយ៍ (PCA) បានបញ្ជាក់ជាផ្លូវការថា កិច្ចប្រជុំលើកដំបូងនៃគណៈកម្មការផ្សះផ្សាកម្ពុជា-ថៃ ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) នឹងប្រព្រឹត្តទៅពីថ្ងៃទី១៤-១៦ ខែកញ្ញា ឆ្នាំ២០២៦ នៅប្រទេសសិង្ហបុរី។ នេះជាការឈានទៅមុខជាក់ស្តែងនៃការប្រើប្រាស់យន្តការច្បាប់អន្តរជាតិ និងមធ្យោបាយសន្តិវិធី ដើម្បីស្វែងរកដំណោះស្រាយចំពោះវិវាទរវាងភាគីទាំងពីរលើដែនសមុទ្រ។

លោកជំទាវ ហៀក ហុីមុល្លី សមាជិកក្រុមប្រឹក្សាខេត្តព្រះសីហនុ និងជាប្រធានក្រុមការងារ បានដឹកនាំក្រុមការងារចុះជួបសំណេះសំណាល និងស្តាប់របាយការណ៍វឌ្ឍនភាពការងារចាប់ពីខែមករា ដល់ខែសីហា ឆ្នាំ២០២៦ ជាមួយក្រុមប្រឹក្សាឃុំតានៃ ស្មៀនឃុំ នាយប៉ុស្តិ៍រដ្ឋបាលឃុំ មេភូមិ ព្រមទាំងលោកនាយក និងលោកនាយិកាសាលា។

​នាព្រឹកថ្ងៃទី០៩ ខែកញ្ញា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចុះពិនិត្យស្ថានភាពជាក់ស្ដែងនៅវិទ្យាល័យកំបូល ព្រមទាំងបានជួបសំណេះសំណាលជាមួយគណៈគ្រប់គ្រងសាលារៀន លោកគ្រូ អ្នកគ្រូ និងក្រុមការងារជួសជុលដែលកំពុងដំណើរការជួសជុលអគារសិក្សា ដោយមិនមានការព្រៀងទុកជាមុន។

សម្តេចតេជោ ហ៊ុន សែន ប្រមុខរដ្ឋស្តីទីកម្ពុជា នៅថ្ងៃទី៩ ខែកញ្ញា ឆ្នាំ២០២៦នេះ បានអនុញ្ញាតឱ្យ លោក Akbar Ghasemi Aliabadi ឯកអគ្គរដ្ឋទូតនៃសាធារណរដ្ឋឥស្លាមអុីរ៉ង់ ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងប្រគល់សារតាំង នៅវិមានសាមគ្គីភាពនៃព្រឹទ្ធសភាជាតិ រាជធានីភ្នំពេញ៕

តាមរយៈការរៀបចំសន្និសីទអន្តរជាតិដ៏មានសារៈសំខាន់នេះ រាជរដ្ឋាភិបាលកម្ពុជាបានបង្ហាញយ៉ាងច្បាស់អំពីកិច្ចខិតខំប្រឹងប្រែងយ៉ាងសកម្ម ក្នុងការប្រយុទ្ធប្រឆាំងនឹង Online Scams ព្រមទាំងរួមចំណែកដល់កិច្ចខិតខំជាសកលក្នុងការទប់ទល់នឹងឧក្រិដ្ឋកម្មឆ្លងដែន ដែលជាវិបត្តិសកលលោក!

នៅឆ្នាំ២០២៦នេះ កម្មករផ្នែកវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ និងកាបូបនៅកម្ពុជាទទួលបានប្រាក់ខែប្រមាណ២២៩ដុល្លារដែលមានប្រាក់ឈ្នួលគោល២១០ដុល្លារ និងប្រាក់អត្ថប្រយោជន៍ផ្សេងៗប្រមាណ២២៩,៥ដុល្លារដោយមិនគិតប្រាក់ថែមម៉ោង និងអត្ថប្រយោជន៍ផ្សេងៗទៀត។

កាលពីថ្ងៃទី៨ ខែកញ្ញា ឆ្នាំ២០២៦ រដ្ឋបាលខេត្តព្រះសីហនុ ដឹកនាំដោយលោក ឯម ភាព អភិបាលរងខេត្ត បានរៀបចំកិច្ចប្រជុំពិគ្រោះយោបល់ជាមួយគណៈប្រតិភូ UN-Habitat មកពីប្រទេសចិន និងកម្ពុជា ព្រមទាំងក្រុមហ៊ុនវិនិយោគអន្តរជាតិ ស្តីពី «គម្រោងទីក្រុងឆ្លាតសម្រាប់ខេត្តព្រះសីហនុ»។ មុនកិច្ចប្រជុំ គណៈប្រតិភូបានចុះពិនិត្យដោយផ្ទាល់លើប្រព័ន្ធសេនស័ររថយន្តសំរាម ចំណតឆ្លាតវៃ និងបន្ទប់បញ្ជាកាមេរ៉ាសុវត្ថិភាពទូទាំងក្រុង។

ក្រោមការចង្អុលបង្ហាញយ៉ាងម៉ឺងម៉ាត់ពី ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ កម្លាំងការិយាល័យនគរបាលសណ្តាប់ធ្នាប់ សហការជាមួយប្រជាការពារក្រុងព្រះសីហនុ និងក្រុមហ៊ុនប្រមូលសំរាម KSWM បានចុះធ្វើការអប់រំណែនាំដល់ប្រជាពលរដ្ឋ កាលពីថ្ងៃពុធ ១២រោច ខែស្រាពណ៍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៩ ខែកញ្ញា ឆ្នាំ២០២៦។

នុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្ដម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ ព្រមទាំងការចង្អុលណែនាំជាប្រចាំរបស់ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ នៅថ្ងៃពុធ ១២រោច ខែស្រាពណ៍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៩ ខែកញ្ញា ឆ្នាំ២០២៦ លោកវរសេនីយ៍ទោ នី ចាន់ណារ៉ា នាយការិយាល័យនគរបាលចរាចរណ៍ផ្លូវគោក បានដឹកនាំកម្លាំងចុះរឹតបន្តឹងការអនុវត្តច្បាប់ស្តីពីចរាចរណ៍ផ្លូវគោក។

ស្នងការដ្ឋាននគរបាលខេត្តព្រះសីហនុ បានចេញសេចក្តីណែនាំ និងអប់រំដល់អ្នកបើកបរយានយន្តគ្រប់ប្រភេទទាំងអស់ ឱ្យចូលរួមគោរពឱ្យបានតឹងរ៉ឹងបំផុតនូវច្បាប់ស្តីពីចរាចរណ៍ផ្លូវគោក ដើម្បីជៀសផុតពីគ្រោះថ្នាក់ដែលស្ថាប័នមានសមត្ថកិច្ចតែងតែប្រឈម និងដើម្បីធានាសុវត្ថិភាពក្នុងការធ្វើដំណើរលើដងផ្លូវ។

ក្នុងជំនួបពិភាក្សាការងារដ៏មានសារៈសំខាន់មួយ កម្ពុជា និងអូស្ត្រាលី បានបង្ហាញនូវការប្តេជ្ញាចិត្តខ្ពស់ក្នុងការបន្តពង្រឹង និងពង្រីកកិច្ចសហប្រតិបត្តិការលើវិស័យការពារជាតិឱ្យកាន់តែស៊ីជម្រៅបន្ថែមទៀត ដើម្បីរួមចំណែកយ៉ាងសកម្មដល់ការថែរក្សាសន្តិសុខ សន្តិភាព និងវិបុលភាពក្នុងតំបន់។