ព័ត៌មានក្នុងខេត្ត

ថ្ងៃទី២៥ ខែមិថុនា ឆ្នាំ២០២៦ នេះ នៅសាលប្រជុំប្រជាជន មានការរៀបចំពិធីផ្សព្វផ្សាយច្បាប់ស្តីពី «ការហាមឃាត់អាវុធគីមី អាវុធនុយក្លេអ៊ែរ អាវុធជីវសាស្ត្រ និងអាវុធវិទ្យុសកម្ម» ក្រោមអធិបតីភាពរបស់ លោកជំទាវ ឧត្តមសេនីយ៍ទោ សុខុន ស្រីល័ក្ខ នាយិកានាយកដ្ឋានហ្វឹកហ្វឺន និងបណ្តុះបណ្តាលជំនាញ នៃអគ្គលេខាធិការដ្ឋានអាជ្ញាធរជាតិអាវុធគីមី និង លោក ឯម ភាព អភិបាលរង នៃគណៈអភិបាលខេត្ត ដោយមានការអញ្ជើញចូលរួមពីសំណាក់មន្ត្រីរាជការ កងកម្លាំងប្រដាប់អាវុធ និងអាជ្ញាធរមូលដ្ឋានជាច្រើនរូប។

ថ្ងៃទី២៤ ខែមិថុនា ឆ្នាំ២០២៦ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ អញ្ជើញដឹកនាំគណៈប្រតិភូខេត្តព្រះសីហនុ ចុះសួរសុខទុក្ខដល់នាយ នាយរង និងពលទាហាន កងពលតូចលេខ៤ និងនាំយកអំណោយសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត នូវគ្រឿងចក្រអេស្តាវ៉ាទ័រ គ្រឿងឧបភោគបរិភោគ និងថវិកា ជូនវីរកងទ័ព និងគ្រួសារវីរកងទ័ពនៅសមភូមិមុខ ស្ថិតនៅភូមិពងទឹក ឃុំអំពិល ស្រុកបន្ទាយអំពិល ខេត្តឧត្ដរមានជ័យ។

មន្ទីរព័ត៌មានខេត្តព្រះសីហនុ បានរៀបចំកិច្ចប្រជុំបូកសរុបរបាយការណ៍លទ្ធផលការងារប្រចាំខែមិថុនា និងលទ្ធផលការងារប្រចាំឆមាសទី១ ឆ្នាំ២០២៦ ព្រមទាំងដាក់ចេញនូវទិសដៅការងារអនុវត្តបន្ត។ កិច្ចប្រជុំនេះបានដឹកនាំដោយលោក ខៀវ សាវ៉ុន ប្រធានស្តីទីមន្ទីរព័ត៌មានខេត្តព្រះសីហនុ ក៏មានការអញ្ជើញចូលរួមពីសំណាក់ លោកអនុប្រធានមន្ទីរ លោក-លោកស្រីប្រធាន-អនុប្រធានការិយាល័យ ព្រមទាំងមន្ត្រីរាជការ និងមន្ត្រីជាប់កិច្ចសន្យាទាំងអស់នៃមន្ទីរព័ត៌មានខេត្ត នៅថ្ងៃទី២៣ ខែមិថុនា ឆ្នាំ២០២៦ ។

សាខាកាកបាទក្រហមកម្ពុជា ខេត្តព្រះសីហនុ បានបើកវគ្គបង្រៀនវិជ្ជាសង្គ្រោះបឋមបង់ថ្លៃដល់ បុគ្គលិកក្រុមហ៊ុន C.I.I.D.G Erodos Hongjun Electric Power Co. LTD បុគ្គលិកចូលរួមចំនួន ២៥នាក់ ស្រី ២នាក់ រយៈពេល២ថ្ងៃ គឺចាប់ថ្ងៃទី២៤ -២៥ខែមិថុនានេះ នៅស្ថិតក្នុងស្រុកស្ទឹងហាវ ខេត្តព្រះសីហនុ ។

នៅព្រឹកថ្ងៃទី២៦ ខែមិថុនា ឆ្នាំ២០២៦ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានអញ្ជើញចូលរួមក្នុងកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈប្រព័ន្ធវីដេអូ (ZOOM)។

កាលពីថ្ងៃទី២៣ ខែមិថុនា ឆ្នាំ២០២៦ លោក ឆាយ សុគន្ធដា អភិបាលនៃគណៈអភិបាលស្រុកកំពង់សីលា បានអញ្ជើញចុះបំពេញបេសកកម្មដាំដើមឈើជាច្រើនដើម នៅឯបរិវេណសាលាបឋមសិក្សាស្ទឹងច្រាល។ សកម្មភាពនេះធ្វើឡើងក្នុងគោលបំណងបង្កើនសោភ័ណភាព និងបង្កើតបរិយាកាសសិក្សាឱ្យកាន់តែមានភាពល្អប្រសើរសម្រាប់សិស្សានុសិស្ស។

ខេត្តព្រះសីហនុ៖ នៅព្រឹកថ្ងៃទី២៣ ខែមិថុនា ឆ្នាំ២០២៦ លោកស្រី អ៊ុច សោភា ប្រធានមន្ទីរអប់រំ យុវជន និងកីឡាខេត្តព្រះសីហនុ បានអញ្ជើញចូលរួមជាអធិបតីក្នុងពិធីចុះហត្ថលេខាលើអនុស្សរណៈនៃការយោគយល់ (MoU) ដ៏មានសារៈសំខាន់មួយ រវាងវិទ្យាស្ថានពហុបច្ចេកទេសខេត្តព្រះសីហនុ និងវិទ្យាល័យចំនួន ១១ ក្នុងខេត្តព្រះសីហនុ។

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា នឹងអញ្ជើញដឹកនាំគណៈប្រតិភូជាន់ខ្ពស់កម្ពុជា បំពេញទស្សនកិច្ចមិត្តភាពផ្លូវការ នៅសាធារណរដ្ឋប្រជាមានិតចិន ចាប់ពីថ្ងៃទី២៥ ដល់ថ្ងៃទី២៧ ខែមិថុនា ឆ្នាំ២០២៦

នាព្រឹកថ្ងៃទី២៣ ខែមិថុនា ឆ្នាំ២០២៦ គណៈប្រតិភូតំណាងរដ្ឋបាលខេត្តព្រះសីហនុ និងមន្ទីរព័ត៌មានខេត្ត បានអញ្ជើញបំពេញទស្សនកិច្ច និងចូលរួមកិច្ចប្រជុំពិភាក្សាការងារយ៉ាងសំខាន់ជាមួយស្ថានីយទូរទស្សន៍ខេត្តព្រះសីហនុ។ កិច្ចប្រជុំនេះធ្វើឡើងក្នុងគោលបំណងពង្រឹងកិច្ចសហប្រតិបត្តិការលើវិស័យព័ត៌មាន និងប្រព័ន្ធផ្សព្វផ្សាយឲ្យកាន់តែជិតស្និទ្ធ។

នៅថ្ងៃទី២៣ ខែមិថុនា ឆ្នាំ២០២៦ សហគមន៍អេកូទេសចរណ៍ព្រែកកោងកាង ដោយមានការសហការជាមួយអង្គការ HOKA សមាគមទីភ្នាក់ងារទេសចរណ៍កម្ពុជា (CATA) និងក្រសួងទេសចរណ៍ បានរៀបចំពិធីបើកវគ្គបណ្តុះបណ្តាលជំនាញវិជ្ជាជីវៈផ្នែកទេសចរណ៍ ដែលមានរយៈពេល ៧ថ្ងៃ សម្រាប់ប្រជាពលរដ្ឋ និងបុគ្គលិកបម្រើការងារក្នុងវិស័យទេសចរណ៍នៅក្រុងកោះរ៉ុង។

នៅយប់ថ្ងៃទី២២ ខែមិថុនា ឆ្នាំ២០២៦ ចាប់ពីវេលាម៉ោង ២០:០០នាទី ដល់ម៉ោង ២២:០០នាទី កម្លាំងគណៈបញ្ជាការឯកភាពរដ្ឋបាលក្រុងកោះរ៉ុង ដឹកនាំដោយលោក លី វ៉ាន់ដា អភិបាលរងក្រុងកោះរ៉ុង បានដឹកនាំកម្លាំងចម្រុះចុះអនុវត្តការត្រួតពិនិត្យរកសារធាតុញៀន និងត្រួតពិនិត្យអាវុធជាតិផ្ទុះ នៅចំណុចផ្លូវបំបែកកែងលូ ស្ថិតក្នុងភូមិដើមថ្កូវ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។

ក្រុងកោះរ៉ុង ខេត្តព្រះសីហនុ ជាតំបន់ទេសចរណ៍ដ៏មានសក្តានុពល និងសម្បូរទៅដោយធនធានធម្មជាតិដ៏ស្រស់ស្អាត ដែលកំពុងទាក់ទាញភ្ញៀវទេសចរជាតិ និងអន្តរជាតិឱ្យមកទស្សនា និងសម្រាកកម្សាន្តកាន់តែច្រើនពីមួយឆ្នាំទៅមួយឆ្នាំ។