ព័ត៌មានក្នុងខេត្ត

លោក ឡុង ឌីម៉ង់ អភិបាលរង នៃគណៈអភិបាលខេត្តព្រះសីហនុ បានអញ្ជើញចូលរួមជាមួយក្រុមការងារនៃអង្គភាពគ្រប់គ្រងគម្រោង ក្រសួងមហាផ្ទៃ ដឹកនាំដោយ ឯកឧត្ដម អ៊ុំ ម៉ារ៉ា រដ្ឋលេខាធិការ ក្រសួងមហាផ្ទៃ ចុះពិនិត្យ តាមដាន និងគាំទ្រលើការអនុវត្តមុខងារគ្រប់គ្រងសំរាម សំណល់រឹងទីប្រជុំជន ក្រោមក្របខ័ណ្ឌគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិកនៅប្រទេសកម្ពុជា នៅខេត្តសៀមរាប និងខេត្តបាត់ដំបង ដោយមានការអញ្ជើញចូលរួមពី ឯកឧត្តមអគ្គនាយករង ប្រធាននាយកដ្ឋាន លោកអភិបាលក្រុងព្រះសីហនុ ក្រុងកំពង់សោម និងលោកនាយកទីលានទុកដាក់សំរាមខេត្តព្រះសីហនុ សរុបសមាសភាព ៤៧ រូប។

នៅក្នុងកិច្ចប្រជុំមហាសន្និបាតអង្គការសហប្រជាជាតិ នាថ្ងៃទី២២ ខែកញ្ញា ឆ្នាំ២០២៦ នេះ លោកប្រធានាធិបតីសហរដ្ឋអាម៉េរិក ដូណាល់ ត្រាំ បានឡើងថ្លែងមតិដោយបានរំឭកឡើងវិញពីការថ្លែងអំណរគុណរបស់ថ្នាក់ដឹកនាំកម្ពុជា ចំពោះកិច្ចខិតខំប្រឹងប្រែងផ្នែកការទូតរបស់លោក ក្នុងការជួយសម្របសម្រួលរហូតសម្រេចបាននូវបទឈប់បាញ់រវាងព្រះរាជាណាចក្រកម្ពុជា និងព្រះរាជាណាចក្រថៃ។

ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មការរៀបចំសន្និសីទអន្តរជាតិ ស្តីពីការប្រយុទ្ធប្រឆាំង ការឆបោកតាមប្រព័ន្ធបច្ចេកវិទ្យា អញ្ជើញចុះពិនិត្យទីតាំងសម្រាប់ត្រៀម សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ដែលរៀបចំឡើងក្រោមប្រធានបទ៖ «រួមគ្នាឆ្ពោះទៅកាត់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា» នារសៀលទី២២ ខែកញ្ញា ឆ្នាំ២០២៦ នៅសណ្ឋាគារសូហ្វីតែលភ្នំពេញភូគីត្រា រាជធានីភ្នំពេញ។

នៅសាលប្រជុំមន្ទីរព័ត៌មានខេត្តព្រះសីហនុ លោក ខៀវ សាវ៉ុន ប្រធានស្តីទីមន្ទីរព័ត៌មានខេត្តព្រះសីហនុ បានអញ្ជើញដឹកនាំកិច្ចប្រជុំបូកសរុបរបាយការណ៍ការងារប្រចាំខែកញ្ញា និងដាក់ចេញទិសដៅបន្តសម្រាប់អនុវត្តន៍នៅខាងមុខ។

លេខាធិការដ្ឋានរៀបចំការបោះឆ្នោតខេត្តព្រះសីហនុ បានរៀបចំពិធីបិទវគ្គបណ្តុះបណ្តាលស្តីពី «ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦» ជូនដល់អភិបាលនៃគណៈអភិបាលខេត្ត អភិបាលនៃគណៈអភិបាលក្រុង-ស្រុក គណបក្សនយោបាយ សមាគម អង្គការមិនមែនរដ្ឋាភិបាល អាជ្ញាធរពាក់ព័ន្ធ និងមន្ត្រី ល.ខ.ប បន្ទាប់ពីបានសិក្សារយៈពេល២ថ្ងៃកន្លងមកនេះ។

ឧត្តមសេនីយ៍ត្រី នូវ សំអុល ប្រធានលេខាធិការដ្ឋាន និងជាតំណាងដ៏ខ្ពង់ខ្ពស់របស់ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្ត និងជាប្រធានគណៈកម្មាធិការសមាគមអតីតយុទ្ធជន និងនិវត្តជនខេត្តព្រះសីហនុ បានដឹកនាំក្រុមការងារលេខាធិការដ្ឋាន និងអាជ្ញាធរមូលដ្ឋាន ចូលរួមក្នុងពិធីសំណេះសំណាល និងចាប់ឆ្នោតយកលេខផ្ទះរបស់បងប្អូនអតីតយុទ្ធជន និងនិវត្តជន។ ពិធីនេះរៀបចំឡើងដើម្បីត្រៀមធ្វើពិធីប្រគល់លំនៅឋានចំនួន ៣១ខ្នងផ្ទះ/គ្រួសារ ជូនដល់ពួកគាត់ក្នុងពេលឆាប់ៗខាងមុខនេះ ដែលមានទីតាំងស្ថិតនៅភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។

លោក ឯម ភាព អភិបាលរង នៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំពិនិត្យ និងពិភាក្សាលើកំណត់ហេតុកិច្ចប្រជុំស្តីពីរបាយការណ៍បូកសរុបលទ្ធផល នៃកិច្ចសហប្រតិបត្តិការរយៈពេល២ឆ្នាំ (២០២៤-២០២៥) និងលើកទិសដៅកិច្ចសហប្រតិបត្តិការសម្រាប់ ២ឆ្នាំបន្ត (២០២៦-២០២៧) រវាងរដ្ឋបាលខេត្តព្រះសីហនុ (ព្រះរាជាណាចក្រកម្ពុជា) និងខេត្តអានហ្សាង (សាធារណរដ្ឋសង្គមនិយមវៀតណាម)។

រដ្ឋបាលខេត្តព្រះសីហនុ បានរៀបចំជំនួបសម្តែងការគួរសម និងពិភាក្សាការងារជាមួយប្រតិភូនាវាកងទ័ពជើងទឹកកាណាដា នៅថ្ងៃទី២២ ខែកញ្ញា ឆ្នាំ២០២៦ នៅសាលប្រជុំធំសាលាខេត្តព្រះសីហនុ ។ ជំនួបនេះដឹកនាំដោយ លោក សាមុត សុធារិទ្ធ អភិបាលរង នៃគណៈអភិបាលខេត្តព្រះសីហនុ និងលោក Christian Desroches ឯកអគ្គរាជទូតកាណាដាប្រចាំព្រះរាជាណាចក្រកម្ពុជា ដោយមានការចូលរួមពីមន្ត្រីជំនាញ និងប្រតិភូអមដំណើរជាច្រើនរូប។

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជារដ្ឋមន្រ្តីសេដ្ឋកិច្ចអាស៊ានតំណាងឱ្យកម្ពុជា អញ្ជើញចូលរួមក្នុងកិច្ចពិគ្រោះយោបល់រវាងរដ្ឋមន្ត្រីសេដ្ឋកិច្ចអាស៊ាន និងព្រីតថេន លើកទី៦ (ASEAN-UK) នាព្រឹកថ្ងៃទី២២ ខែកញ្ញា ឆ្នាំ២០២៦ នាឱកាសនៃកិច្ចប្រជុំរដ្ឋមន្រ្តីសេដ្ឋកិច្ចអាស៊ាន លើកទី៥៨ នៅរដ្ឋធានីម៉ានីល សាធារណរដ្ឋហ្វីលីពីន។

ក្រោយពីបានចុះត្រួតពិនិត្យ និងស្តាប់របាយការណ៍លទ្ធផលការងាររយៈពេល ៩ខែ (មករា-កញ្ញា) នៅតាមឃុំទាំង១០ នៃស្រុកព្រៃនប់រួចមក លោកជំទាវ ហៀក ហ៊ីមុល្លី សមាជិកក្រុមប្រឹក្សាខេត្ត និងជាប្រធានក្រុមការងារទី២ នៃក្រុមប្រឹក្សាខេត្តព្រះសីហនុ បានអញ្ជើញដឹកនាំកិច្ចប្រជុំបូកសរុបលទ្ធផលការងារ ៩ខែ ឆ្នាំ២០២៦ នៅសាលាស្រុកព្រៃនប់។

ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រធានគណៈកម្មាធិការជាតិរៀបចំកិច្ចប្រជុំកំពូលហ្វ្រង់កូហ្វូនី លើកទី២០ បានអញ្ជើញដឹកនាំកិច្ចប្រជុំគណៈកម្មាធិការជាតិ លើកទី៧ ដើម្បីធ្វើការពិនិត្យល្អិតល្អន់អំពីវឌ្ឍនភាពការងាររបស់អនុគណៈកម្មការតាមផ្នែកនីមួយៗ ដែលកំពុងត្រៀមរៀបចំការងារសម្រាប់កិច្ចប្រជុំកំពូលហ្វ្រង់កូហ្វូនី លើកទី២០ នៅរាជធានីភ្នំពេញ ចាប់ពីថ្ងៃទី១៤ ដល់ថ្ងៃទី ១៦ ខែវិច្ឆិកា ឆ្នាំ២០២៦។

លោក អុី ធារិន អភិបាល នៃគណៈអភិបាលស្រុកព្រៃនប់ បានដឹកនាំសហការី និងមន្ត្រីជំនាញបច្ចេកទេស ចុះពិនិត្យ និងសិក្សាទីតាំងជាក់ស្តែង ដើម្បីរៀបចំគម្រោងស្ថាបនាប្រព័ន្ធរំដោះទឹក ក្នុងភូមិសាស្ត្រឃុំព្រៃនប់ និងឃុំទួលទទឹង ស្រុកព្រៃនប់ ខេត្តព្រះសីហនុ។