ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិ
សកម្មភាពថ្នាក់ដឹកនាំ
សម្ដេចតេជោ ហ៊ុន សែន ប្រធានព្រឹទ្ធសភា អញ្ជើញសំណេះសំណាលជាមួយក្រុមប្រឹក្សាខេត្ត ក្រុង-ស្រុក-ឃុំ-សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តក្រចេះ
នៅព្រឹកថ្ងៃចន្ទទី០៦ ខែកក្កដា ឆ្នាំ២០២៦នេះ សម្ដេច អគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានចុះជួបសំណេះសំណាល ជាមួយ ក្រុមប្រឹក្សាខេត្ត-ក្រុង-ស្រុក-ឃុំ-សង្កាត់ និងថ្នាក់ដឹកនាំមន្ទីរអង្គភាពនានា ជុំវិញខេត្តក្រចេះ ដែលមានសមាភាពចូលរួមសរុប ១០២៦នាក់។
សកម្មភាពថ្នាក់ដឹកនាំ
ឯកឧត្តម ម៉ាង ស៊ីណេត អភិបាលខត្តព្រះសីហនុ ចុះពិនិត្យវឌ្ឍនភាពហេដ្ឋារចនាសម្ព័ន្ធផ្លូវបេតុងចំនួន ៥ខ្សែ ក្នុងក្រុងព្រះសីហនុ
ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានដឹកនាំមន្ត្រីជំនាញ និងអាជ្ញាធរពាក់ព័ន្ធ ចុះត្រួតពិនិត្យការដ្ឋានស្ថាបនាហេដ្ឋារចនាសម្ព័ន្ធផ្លូវបេតុងចំនួន ៥ខ្សែ ដែលបានសាងសង់រួចរាល់ជាស្ថាពរ ស្ថិតនៅក្នុងភូមិសាស្ត្រក្រុងព្រះសីហនុ ដើម្បីធានាបាននូវគុណភាពសំណង់ និងការសម្រួលដល់ការធ្វើដំណើររបស់បងប្អូនប្រជាពលរដ្ឋ នៅថ្ងៃទី៥ ខែកក្កដា ឆ្នាំ២០២៦ ។
សកម្មភាពថ្នាក់ដឹកនាំ
អ្នកឧកញ៉ា ទៀ វិចិត្រ បញ្ជូនអ្នកជំងឺបន្ទាន់ម្នាក់ពីកោះរ៉ុងមកកាន់ខេត្តព្រះសីហនុ ដើម្បីសង្គ្រោះជីវិត
នៅយប់ថ្ងៃទី៤ ខែកក្កដា ឆ្នាំ២០២៦ ក្រុមការងាររបស់អ្នកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយានខេត្តព្រះសីហនុ បានធ្វើប្រតិបត្តិការដឹកជញ្ជូនអ្នកជំងឺបន្ទាន់ម្នាក់ពីកោះរ៉ុង មកកាន់ខេត្តព្រះសីហនុ ដើម្បីទទួលបានការព្យាបាលទាន់ពេលវេលា។
សកម្មភាពថ្នាក់ដឹកនាំ
គណៈកម្មាធិការជាតិសន្តិសុខលម្ហសមុទ្រ បិទវគ្គបណ្ដុះបណ្ដាលជំនាញអ្នកមុជទឹកថ្នាក់មូលដ្ឋាន ជូននាយនាវីកងទ័ពជើងទឹក
កាលពីថ្ងៃសុក្រ ទី៣ ខែកក្កដា ឆ្នាំ២០២៦ នៅសាលប្រជុំធំ ទីបញ្ជាការជួរមុខ (កោះព្រាប) នៃអគ្គលេខាធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រ បានរៀបចំពិធីបិទវគ្គបណ្ដុះបណ្ដាលជំនាញអ្នកមុជទឹកថ្នាក់មូលដ្ឋាន ជូនដល់នាយនាវីកងទ័ពជើងទឹក និងនាយនាវីនៃអគ្គលេខាធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រ។
សកម្មភាពថ្នាក់ដឹកនាំ
ឯកឧត្តម ម៉ាង ស៊ីណេត ដឹកនាំកិច្ចប្រជុំពិនិត្យប្លង់មេ គម្រោងកែលម្អរមណីយដ្ឋានទឹកធ្លាក់ក្បាលឆាយ ឱ្យក្លាយជាតំបន់ទេសចរណ៍គំរូ និងបៃតង
នៅសាលប្រជុំតូចសាលាខេត្តព្រះសីហនុ មានការរៀបចំកិច្ចប្រជុំពិភាក្សាមួយ ដើម្បីពិនិត្យប្លង់មេនៃគម្រោងកែលម្អរមណីយដ្ឋានទឹកធ្លាក់ក្បាលឆាយ ក្រោមការដឹកនាំរបស់ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ នៅថ្ងៃទី០៤ ខែកក្កដា ឆ្នាំ២០២៦។ កិច្ចប្រជុំនេះមានការអញ្ជើញចូលរួមពី លោក លោកស្រី ប្រធាន អនុប្រធានមន្ទីរ និងតំណាងមន្ទីរ-អង្គភាពពាក់ព័ន្ធជុំវិញខេត្ត ស្របតាមសមាសភាពដែលបានកំណត់ក្នុងលិខិតបង្គាប់ការលេខ ០០៦/២៦ លបក ចុះថ្ងៃទី២៤ ខែមីនា ឆ្នាំ២០២៦ របស់រដ្ឋបាលខេត្តព្រះសីហនុ។
សកម្មភាពថ្នាក់ដឹកនាំ
អភិបាលស្រុកព្រៃនប់ ចុះពិនិត្យផ្លូវជន់លិច ដាក់ជាគម្រោងអាទិភាពដោះស្រាយជូនប្រជាពលរដ្ឋ
នៅព្រឹកថ្ងៃទី៣ ខែកក្កដា ឆ្នាំ២០២៦ លោក អុី ធារិន អភិបាលស្រុកព្រៃនប់ បានអញ្ជើញចុះពិនិត្យស្ថានភាពផ្លូវមួយខ្សែ ស្ថិតនៅតំបន់អន្តរឃុំ ព្រៃនប់ និងឃុំទួលទទឹង ដែលកំពុងរងផលប៉ះពាល់ដោយសារជំនន់ទឹកភ្លៀង និងលំហូរទឹកយ៉ាងខ្លាំងពីតំបន់ភ្នំខាងលើ បណ្តាលឱ្យផ្លូវជន់លិច និងបង្កការលំបាកដល់ការធ្វើដំណើររបស់ប្រជាពលរដ្ឋ។
សកម្មភាពថ្នាក់ដឹកនាំ
អភិបាលស្រុកព្រៃនប់ ចុះពិនិត្យផ្លូវជម្ពូខ្មៅ ត្រៀមដាក់ជាគម្រោងអាទិភាពស្នើសុំការគាំទ្រពីថ្នាក់ខេត្ត
កាលពីថ្ងៃទី០៣ ខែកក្ដដា ឆ្នាំ២០២៦ លោក អ៉ី ធារិន អភិបាលនៃគណៈអភិបាលស្រុកព្រៃនប់ បានដឹកនាំក្រុមការងារចុះពិនិត្យស្ថានភាពជាក់ស្តែងនៃផ្លូវជម្ពូខ្មៅ ដើម្បីឈានទៅដាក់បញ្ចូលជាគម្រោងអាទិភាព សម្រាប់ស្នើសុំការគាំទ្រពីរដ្ឋបាលខេត្តព្រះសីហនុ នៅចុងឆ្នាំ២០២៦ ខាងមុខនេះ។
សកម្មភាពថ្នាក់ដឹកនាំ
លោកជំទាវបណ្ឌិត ពេជ ចន្ទមុន្នី អញ្ជើញជាអធិបតី ពិធីបើកសន្និសីទទន្តសាស្ត្រប្រចាំឆ្នាំរបស់ TYDA លើកទី២
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានក្រុមប្រឹក្សាភិបាលរបស់ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) អញ្ជើញជាអធិបតីពិធីបើកសន្និសីទទន្តសាស្ត្រប្រចាំឆ្នាំរបស់ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) លើកទី២ ឆ្នាំ២០២៦ ក្រោមប្រធានបទ “ការលើកកម្ពស់ការអនុវត្តបច្ចេកទេសទន្តសាស្ត្រឈានមុខ” នាព្រឹកថ្ងៃទី៤ ខែកក្កដា ឆ្នាំ២០២៦ នៅរាជធានីភ្នំពេញ។
សកម្មភាពថ្នាក់ដឹកនាំ
ឯកឧត្តម ម៉ាង ស៊ីណេត អញ្ជើញដឹកនាំកិច្ចប្រជុំជីវភាពនយោបាយគណបក្សប្រជាជនកម្ពុជាប្រចាំខែមិថុនា ឆ្នាំ២០២៦
នៅព្រឹកថ្ងៃទី៤ ខែកក្កដា ឆ្នាំ២០២៦ ឯកឧត្តម ម៉ាង ស៊ីណេត សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សប្រជាជនកម្ពុជាខេត្ត បានអញ្ជើញដឹកនាំកិច្ចប្រជុំជីវភាពនយោបាយប្រចាំខែមិថុនា ឆ្នាំ២០២៦ របស់គណៈកម្មាធិការគណបក្សខេត្ត។
សកម្មភាពថ្នាក់ដឹកនាំ
រដ្ឋបាលខេត្តព្រះសីហនុ ពិភាក្សាលើការរៀបចំសណ្តាប់ធ្នាប់ចរាចរណ៍ និងការដំឡើងប្រព័ន្ធសុវត្ថិភាពតាមបណ្តោយផ្លូវក្នុងក្រុង
នៅព្រឹកថ្ងៃទី៣ ខែកក្កដា ឆ្នាំ២០២៦ លោក សាមុត សុធារិទ្ធ អភិបាលរងនៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំជាមួយមន្ទីរអង្គភាពជំនាញពាក់ព័ន្ធ ដើម្បីពិភាក្សា និងដាក់ចេញនូវផែនការកែលម្អសណ្តាប់ធ្នាប់ចរាចរណ៍ និងការបង្កើនប្រសិទ្ធភាពសុវត្ថិភាពតាមដងផ្លូវនៅក្នុងក្រុងព្រះសីហនុ។
សកម្មភាពថ្នាក់ដឹកនាំ
រដ្ឋបាលខេត្តព្រះសីហនុ ចាប់ដៃគូជាមួយវិស័យឯកជន ត្រៀមរៀបចំ «វេទិកាធុរកិច្ចទេសចរណ៍ចិន និងដំណើរកម្សាន្ត Fam Trip» នៅចុងខែកក្កដា
រដ្ឋបាលខេត្តព្រះសីហនុ សហការយ៉ាងជិតស្និទ្ធជាមួយវិស័យឯកជន បាននិងកំពុងពន្លឿនការងាររៀបចំដើម្បីត្រៀមស្វាគមន៍ប្រតិភូធុរកិច្ចទេសចរណ៍ពីសាធារណរដ្ឋប្រជាមានិតចិន ក្នុងគោលបំណងជម្រុញកំណើនសេដ្ឋកិច្ច និងបើកឱកាសវិនិយោគថ្មីៗនៅក្នុងខេត្តតំបន់ឆ្នេរមួយនេះ។
សកម្មភាពថ្នាក់ដឹកនាំ
ឯកឧត្តមអភិបាលខេត្តព្រះសីហនុ ៖ គ្រោះថ្នាក់ចរាចរណ៍មិនត្រឹមតែបណ្តាលអោយបាត់បង់ជីវិតនោះទេ ប៉ុន្តែជាឃាតករលាក់មុខបំផ្លាញជីវភាព និងវិបុលភាពក្នុងគ្រួសារ
នៅថ្ងៃទី៣ខែកក្កដាឆ្នាំ២០២៦ ឯកឧត្តម ម៉ាង ស៊ីណេត អភិបាលខេត្តព្រះសីហនុ មានប្រសាសន៍ថា គ្រោះថ្នាក់ចរាចរណ៍នៅតែជាបញ្ហាប្រឈមដ៏ស្រួចស្រាវ និងជាក្តីបារម្ភយ៉ាងខ្លាំងនៅក្នុងសង្គមកម្ពុជា។ ក្រៅពីការបាត់បង់ជីវិត និងការរងរបួសពិការ ផលវិបាកផ្នែកសេដ្ឋកិច្ច និងសង្គមដែលកើតចេញពីគ្រោះថ្នាក់ចរាចរណ៍ បាននឹងកំពុងក្លាយជា «ឃាតករលាក់មុខ» វាយប្រហារយ៉ាងធ្ងន់ធ្ងរទៅលើស្ថិរភាពជីវភាព និងវិបុលភាពរបស់គ្រួសារ ។
សកម្មភាពថ្នាក់ដឹកនាំ
ឯកឧត្តម ម៉ាង ស៊ីណេត ប្តេជ្ញាលុបបំបាត់បទល្មើសបច្ចេកវិទ្យា (Scams Online) និងពង្រឹងសន្តិសុខសណ្តាប់ធ្នាប់ ដើម្បីកសាងទំនុកចិត្តជូនភ្ញៀវទេសចរ និងវិនិយោគិន
ឯកឧត្តម ម៉ាង ស៊ីណេត អភិបាលខេត្តព្រះសីហនុ បានប្រកាសពីការប្តេជ្ញាចិត្តយ៉ាងម៉ឺងម៉ាត់ក្នុងការបើកយុទ្ធនាការបង្ក្រាប និងសម្អាតរាល់បទល្មើសបច្ចេកវិទ្យាខុសច្បាប់ ឬហៅថា (Scams Online) ព្រមទាំងពង្រឹងការគ្រប់គ្រងសន្តិសុខ សណ្តាប់ធ្នាប់សាធារណៈឱ្យកាន់តែមានប្រសិទ្ធភាពខ្ពស់។ វិធានការក្តៅនេះ ធ្វើឡើងក្នុងគោលបំណងកសាងទំនុកចិត្ត និងសុវត្ថិភាពខ្ពស់ជូនដល់ភ្ញៀវទេសចរ និងវិនិយោគិនទាំងជាតិ និងអន្តរជាតិ សំដៅជំរុញការអភិវឌ្ឍខេត្តតំបន់ឆ្នេរមួយនេះ ឱ្យស្របតាមចក្ខុវិស័យ និងកម្មវិធីពិសេសរបស់រាជរដ្ឋាភិបាលកម្ពុជា។