ព័ត៌មានក្នុងខេត្ត

នៅថ្ងៃទី៣ខែកក្កដាឆ្នាំ២០២៦ ឯកឧត្តម ម៉ាង ស៊ីណេត អភិបាលខេត្តព្រះសីហនុ មានប្រសាសន៍ថា គ្រោះថ្នាក់ចរាចរណ៍នៅតែជាបញ្ហាប្រឈមដ៏ស្រួចស្រាវ និងជាក្តីបារម្ភយ៉ាងខ្លាំងនៅក្នុងសង្គមកម្ពុជា។ ក្រៅពីការបាត់បង់ជីវិត និងការរងរបួសពិការ ផលវិបាកផ្នែកសេដ្ឋកិច្ច និងសង្គមដែលកើតចេញពីគ្រោះថ្នាក់ចរាចរណ៍ បាននឹងកំពុងក្លាយជា «ឃាតករលាក់មុខ» វាយប្រហារយ៉ាងធ្ងន់ធ្ងរទៅលើស្ថិរភាពជីវភាព និងវិបុលភាពរបស់គ្រួសារ ។

កម្មវិធីជំងឺមិនឆ្លង នៃមន្ទីរសុខាភិបាលនៃរដ្ឋបាលខេត្តព្រះសីហនុ បានរៀបចំកិច្ចប្រជុំពិនិត្យវឌ្ឍនភាពការងារគ្រប់គ្រង និងព្យាបាលជំងឺមិនឆ្លង (ជំងឺទឹកនោមផ្អែម និងលើសសម្ពាធឈាម) ប្រចាំត្រីមាសទី២ កាលពីថ្ងៃទី០៣ ខែកក្កដា ឆ្នាំ២០២៦។

ភ្នំពេញ៖ ថ្ងៃសៅរ៍ ៥រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែកក្កដា ឆ្នាំ២០២៦ នៅទីស្តីការគណៈរដ្ឋមន្ត្រី រាជរដ្ឋាភិបាលកម្ពុជាបានចេញសេចក្តីថ្លែងការណ៍បច្ចុប្បន្នភាពជុំវិញស្ថានភាពតាមបណ្តោយព្រំដែនកម្ពុជា-ថៃ ដោយអះអាងពីភាពប្រក្រតី និងការប្តេជ្ញាចិត្តរួមគ្នាក្នុងការរក្សាសន្តិភាព និងស្ថិរភាពតាមបណ្តោយព្រំដែននៃប្រទេសទាំងពីរ។

ឯកឧត្តម ម៉ាង ស៊ីណេត អភិបាលខេត្តព្រះសីហនុ បានប្រកាសពីការប្តេជ្ញាចិត្តយ៉ាងម៉ឺងម៉ាត់ក្នុងការបើកយុទ្ធនាការបង្ក្រាប និងសម្អាតរាល់បទល្មើសបច្ចេកវិទ្យាខុសច្បាប់ ឬហៅថា (Scams Online) ព្រមទាំងពង្រឹងការគ្រប់គ្រងសន្តិសុខ សណ្តាប់ធ្នាប់សាធារណៈឱ្យកាន់តែមានប្រសិទ្ធភាពខ្ពស់។ វិធានការក្តៅនេះ ធ្វើឡើងក្នុងគោលបំណងកសាងទំនុកចិត្ត និងសុវត្ថិភាពខ្ពស់ជូនដល់ភ្ញៀវទេសចរ និងវិនិយោគិនទាំងជាតិ និងអន្តរជាតិ សំដៅជំរុញការអភិវឌ្ឍខេត្តតំបន់ឆ្នេរមួយនេះ ឱ្យស្របតាមចក្ខុវិស័យ និងកម្មវិធីពិសេសរបស់រាជរដ្ឋាភិបាលកម្ពុជា។

នៅថ្ងៃទី០៣ ខែកក្កដា ឆ្នាំ២០២៦ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញផ្តល់បទសម្ភាសន៍ដល់ស្ថានីយ៍វិទ្យុ និងទូរទស្សន៍មហាផ្ទៃ ស្ដីពី វឌ្ឍនភាពការងារសម្រេចបាន ប្រចាំឆមាសទី១ ឆ្នាំ២០២៦ របស់រដ្ឋបាលខេត្តព្រះសីហនុ។

ឯកឧត្តមអភិបាលនៃគណៈអភិបាលខេត្តព្រះសីហនុ បានធ្វើការអំពាវនាវយ៉ាងទទូចដល់បងប្អូនប្រជាពលរដ្ឋ អាជីវករ និងភ្ញៀវទេសចរទាំងអស់ ឱ្យចូលរួមចំណែកកាន់តែសកម្មក្នុងការថែរក្សាអនាម័យបរិស្ថាន។ ទន្ទឹមនឹងនេះ ឯកឧត្តមបានដាក់ចេញនូវការណែនាំ និងស្នើឱ្យពលរដ្ឋរួមគ្នាអនុវត្តយុទ្ធនាការ «ផ្ទះ១ខ្នង ដើមឈើ១ដើម» ដើម្បីប្រែក្លាយទីក្រុងជាប់មាត់សមុទ្រមួយនេះឱ្យទៅជាទីក្រុងបៃតង ស្រស់ស្អាត និងមានការអភិវឌ្ឍប្រកបដោយចីរភាព។

លោកឧត្តមសេនីយ៍ត្រី នូវ សំអុល មេបញ្ជាការតំបន់ប្រតិបត្តិការសឹករងព្រះសីហនុ តំណាងដ៏ខ្ពង់ខ្ពស់របស់ ឯកឧត្តម ឧត្តមសេនីយ៍ទោ អ៊ុយ ហៀង មេបញ្ជាការយោធភូមិភាគទី៣ បានដឹកនាំនាយទាហាន នាយទាហានរង អញ្ជើញគោរពវិញ្ញាណក្ខន្ធសព លោកនាយចំណង ជួន ប៊េ បុគ្គលិកហ្វឹកហ្វឺនផ្នែកសឹករងកោះរ៉ុង ដែលបានទទួលមរណភាពកាលពីវេលាម៉ោង ១៩:៣០នាទីយប់ថ្ងៃទី០១ ខែកក្កដា ឆ្នាំ២០២៦ ដោយគ្រោះថ្នាក់ចរាចរណ៍។

នារសៀលថ្ងៃទី២ ខែកក្កដា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោក Jürg Montani ប្រធានគណៈប្រតិភូប្រចាំតំបន់នៃ គណៈកម្មាធិការអន្តរជាតិនៃកាកបាទក្រហម (ICRC) និងគណៈប្រតិភូ ចូលជួបសម្តែងការគួរសម និង ពិភាក្សាការងារ នៅវិមានសន្តិភាព។

សេចក្តីប្រកាសព័ត៌មាន ករណីគ្រោះថ្នាក់ចរាចរណ៍មួយកើតឡើងបណ្តាលឱ្យមានមនុស្សស្លាប់១នាក់ នៅនឹងកន្លែងកើតហេតុ លើផ្លូវល្បឿនលឿនត្រង់ចំណុចគីឡូម៉ែត្រ K152+600 ស្ថិតនៅក្រុមទី៧ ភូមិឬទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ។

នៅរសៀលថ្ងៃទី២ ខែកក្កដា ឆ្នាំ២០២៦ លោក អ៉ី ធារិន អភិបាល នៃគណៈអភិបាលស្រុកព្រៃនប់ បានអញ្ជើញចុះជួបសំណេះសំណាល សាកសួរសុខទុក្ខ និងស្វែងយល់ដោយផ្ទាល់ពីស្ថានភាពជីវភាពរស់នៅរបស់បងប្អូនប្រជាពលរដ្ឋ ក្នុងភូមិជម្ពូខ្មៅ ឃុំទួលទទឹង ស្រុកព្រៃនប់ ខេត្តព្រះសីហនុ។

កាលពីថ្ងៃទី១ ខែកក្កដា ឆ្នាំ២០២៦ រដ្ឋបាលក្រុងកំពង់សោម បានសម្តែងនូវការថ្លែងអំណរគុណយ៉ាងជ្រាលជ្រៅចំពោះ លោក លាំង កឺ ដែលបានឧបត្ថម្ភអំណោយជាគ្រឿងឧបភោគបរិភោគមួយចំនួន ដើម្បីយកទៅប្រើប្រាស់ក្នុងសកម្មភាពការងារសង្គមនានាក្នុងមូលដ្ឋាន។

នារសៀលថ្ងៃទី២ ខែកក្កដា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោកជំទាវ Flerida Ann Camille P. Mayo ឯកអគ្គរដ្ឋទូតវិសាមញ្ញ និងពេញសមត្ថភាព​ចប់អាណត្តិ​ នៃសាធារណរដ្ឋហ្វីលីពីន ប្រចាំព្រះរាជាណាចក្រកម្ពុជា និងគណៈប្រតិភូ ចូលជួបសម្តែងការគួរសម និងជម្រាបលា នៅវិមានសន្តិភាព។